حَـبِّـيِِت بِـنْــتُ الثَّـانَوِيَّـة 🖤!!

حبيت بنت الثانوية - 49 -

اذكروا الله وبسم الله بارت جديد وأحداث جديدة ❤️‍🔥!!

..................................

لمياء /

ظليت على حالي ممدة رجولي على الأرض وهي تنزف !! .. ألف راسي وأطالع فيه جعل رجله الكسر ! .. كنت بغفى من التعب لكن استوقفتني اقدامه اللي قدامي !!! .. واقف ويطالع فيني بخمول !! .. يبتسم ! .. خفت ككككثير وجسمي احسه يتراعد بخوووف ! .. أسى كبيير على حالي .. شفقت على نفسي وعلى حالتي !! .. تمسكت بملابسي خوفًا منه لأن وضعه مو ناوي على خير ! .. من غير قميص ساتره وبس عليه شورته وشعره مبهذل !! .. ومنظر الندبة على بطنه زاد الموقف رعب !! .. هذا وهو مطعون من خويه !! ..

لميت يديني على صدري وأنا أطالع فيه وأتمنى في هاللحظة أموت استغفر الله ! .. فوق خوفي من فكرة الزواج كلها هذا اللي اسمه زوجي زاد الطين بله ! .. طول حياتي أشوف المسلسلات وأقرأ هالروايات وولا في عمري هقيت اني بعيشها في واقعي ! .. عمومًا .. سجلت هالليلة بأسوأ ليلة مرت علي بحياتي كلها !!!

..

كانت تطالع فيه وعيونها بس اللي كانت تصرخ رغم سكوتها ! .. تتمنى انه يتركها بحالها هالليلة ! .. وهو من غير وعي يبتسم قدامها بطريقة استفزازية وسخريه !! .. عاجبه وضعها المهتري قدامه !! .. نزل لمستواها وهو يمسك طرف ذقنها بعنف !! .. ويقرب وجهها من وجهه وبنبره تنزف من التهديد !!

حميد : ( بتلعثم بسبب ضياع عقله هاللحظة ! قال وعيونه في عيون زوجته !! بنبرة هامسه وكلها استمتاع !!! ) أنا قلت .. أنا قلت لك !! .. لا تتحديني ! .. لا تتحدين حميد !! .. قلت لك ! .. ( وهو يقضب حواجبه بأسى على حاله ! ) أنتم .. أنتم أهل انتم ؟ .. هااه ! .. أهل بالله ؟ .. دمرتوني ودمرتوا عيشتي .. تدرين ! .. تدرين اني أعذب حالي أربعة وعشرين ساعة وألوم نفسي على موت أبوي ! .. قلت .. قلت بتزوج الثانية لعل ربي يهونها علي وأتناسى الماضي !! .. تدرين ! .. أنا غبي ( وكمل بضحك !! .. ) أنا غبي .. ليه ؟ .. عشاني حبيتك من أول نظره !!  تصدقين !! .. تدرين ولا ما تدرين ان اللي قدامك يحبك !! .. كم صارلنا مخطوبين ؟ .. ( ويرص على ذقنها !! ) كم ؟؟؟ .. شهرين ! .. وشويه .. أحاول أتواصل معك لكن انتي خبر خيير !! .. ( وهو يميل راسه يستحقر الوضع ! ) مو صح !! .. صح لمياء ؟ .. هو شهرين وتزوجنا لكن تعرفين من متى وأنا مخليك براسي ؟! .. صرلك متربعة بصدري زمااااااان !! .. أنا أحبك طيب !! .. لـيـ..

لمياء : ( مصدوووومه من كلماته بس قالت وهي تقطعه وتنفجر بصياح في وجهه !! .. ) كذا اللي يحب هاااااه !!! .. كذا ؟!!!!

حميد : ( ابتسم ! ) وليه ! .. ليه مقفلة علي الدنيا من كل صوب ليه ! .. تتجاهليني طول ذيك المده ولا طقيتي خبر !! .. لايعة كبدك مني وش محسستني أنا هاااه ! ..

لمياء : ( فكت يده من ذقنها وصرخت وهي تضرب صدره !! ) لا تقول تحب لا تقوول !! .. وتقول لايعه كبدي منك يا حبيبي أكيد تلوع كبدي أكيد !!! .. شوف حالتك الحين شوفها !! .. ارحم حالك وودر هالسم من حياتك ودره !! .. ليلة ما تحملت أقعد معك تبيني أحبك !! ..