خواطر

إستمرار العلاقة...!!

السلام عليكم ورحمة الله وبركاته
.
.
.
أنا هتكلم في حاجه مهمة بجد ولازم ناخد بالنا منها
.
لما شخص في اي علاقة(سواء حب ، صداقه ، إلخ.....) دايمة ومستمرة بشكل جميل وهو فعلا حابب يحافظ عليها
مينفعش لما يزعل او يتضايق من الطرف التاني يتخذ التجاهل والمعاملة السطحية طريقة يتعامل بيها حتى لو حد من الطرفين غلطان مينفعش أبداً أبداً يعاملة بالجفاف ده إلا لو هو عاوز ينقل العلاقة دي لعلاقة سطحية مينفعش أبداً تكون عاوز تعاتب حد على غلطه فتعاتبه بالشكل ده لازم تعرف تعبر عن اللي مزعلك أو مضايقك منه بأسلوب كويس متزعلوش فيه أو لو زعل هيكون من نفسه لأن الأسلوب كويس ومفيهوش أي كلام مش كويس ممكن ينهي العلاقة دي
عشان كدا لازم ناخد بالنا من إسلوبنا وطريقتنا في الكلام عموما مع أي حد وخصوصا في العلاقات دي اللي بتكون ماشية كويس جدا لحد لما يحصل موقف ينهي العلاقة
والأساس في أي علاقة التفهم والرحمة والراحة والأمان عشان العلاقة دي تكمل للآخر
ربنا مع الجميع وربنا يهدينا كلنا
.
برضو لو شايفين في نقطة ناقصة أو حاجه لازم تتعدل ممكن تقولولي
.
.
.
والسلام عليكم ورحمة الله وبركاته