جاهلٍ بالحُّب

( البارت الأول )

بْسـم آلُلُہ آلُرحٍـمـنْ آلُرحٍـيَم 🤎.

نبدء ...
صباح يوم الخميس في الرياض ، اخيراً خلصو دراسه وبدت العطله
— بيت العم كايد —
مرته علياء وله من العيال : جاسر 30 ، امجد 28 ، محسن 22 ، بيان 19 ، جود 18
ابو جاسر: يالله جهزو شنطكم العصر بنمشي مافي وقت!
جود: أبوي كم بنقعد بالديره؟
ابو جاسر : وذا سؤال ينسأل؟ شهر يعني كم بنقعد؟
بيان: أبوي دايم شهر شهر خلنا نقصر المده شوي
ابو جاسر: اقول ورا ماتجهزين وتخلين عنتس هالسوالف؟! روحي اجهزي انتي وياها يالله !!! ونقزو البنات سامعين لكلامه .
— بيت عبدالرحمن —
مرته دلال وله من العيال : وافي 28 ، فهد 25، ليان22 ، كِنان 21
ام وافي: ياكِنان! كِنان !
كِنان: قمت والله قمت
ام وافي: اخذ علاجك ، وأخذه وأكله وتوضى وصلّى فرضه ونزل وشاف الكل جالس ومجتمع ،
ابو وافي بحده: توك تقوم ياللي ماني بقايل! وين الصلاة؟! حتى الفجر! ماقمت تصلي وش هالنوم؟!
كِنان نزل رأسه بخوف ونطقت أمه: وش بلاك على الولد انت؟ تعبان حرارته مرتفعه وتبيه يروح؟؟ بغى يموت الولد زين اني كنت قايمه ولحقت عليه!
ابو وافي ناظر كِنان وكانت ملامحه تدّل على تعبه وسكت والتفت للبقيه ،
ابو وافي: ليان أبوي ليان: سم
ابو وافي: انقزي جيبي لي مويه ليان: ان شاءالله وراحت وجابت له مويه وعطته
فهد: أبوي ابو وافي: هلا؟
فهد: متى بنروح لبيت أبوي راشد ؟
ابو وافي: موب اليوم وافي: اجل متى يابوي؟
ابو وافي: ان شاءالله بكره
ليان: بس عمي كايد يابوي مشى اليوم
ام وافي: وش دراتس؟
ليان: بيان وجود مصورين لي
ابو وافي: ايه زين راح عشان يعاونون وخيتي .. اني عارف اول ماتبدا الاجازه على طول طايرين الناس لبيت أبوي
ليان: أبوي خلنا نمشي مع عمي تركي عشان نوصل مع بعض
فهد: والله من حبها لبناته اختي حبيبتي مو عشان مالتس خوات تحسبين الكل خواتس وتبين تمشين معهم؟
ليان: بنات عمي بحسبة خواتي وأنت أص!
فهد: من كاذب عليها ذي؟ بعدين لاتمونين مره مع بنات عمي تركي اعرفهم فيهم حقهم
ليان ابتسمت بخبث: ايه أشوفك تكلمت على بنات عمي تركي وبنات عمي كايد لا ، لايكون ياخوي ناوي وحده من بنات ابو جاسر؟
أنصدم فهد وماامداها تلتفت إلا ويرمي المخده عليها
ابو وافي: نعم نعم خير ان شاءالله!؟؟؟ احشمني! وأحشم امك!!
فهد: محشوم ، بس تسمعها وش تقول قليلة الأدب!
ليان: تفرق علاقتي مع اللي احبهم نعم؟ بعدين كلامك يوضح كذا
ابو وافي: اعقلو عاد! وأنت ابد جزاك وحقك ماجاك وشو له تتكلم ؟ وأنتي اعقلي ! وماعليتس منه .
كِنان كان دايخ ويهوجس ويتأمل الصاله وفهد وليان وهم يتحارشون ووافي اللي على جواله لكن فز من نطق أبوه: كِنان!!
كِنان بدوخه فز: سم سم يابوي
ابو وافي: تبي تروح للطبيب؟
كِنان بدوخه: مو لاز....
قاطعته أمه: إلا لازم! وبجي معك
ابو وافي ناظرها ونطق: دلال؟
ام وافي: عبدالرحمن اسمع كلامي وخله يروح للطبيب تعبه مو تعب حراره وبس! تعبه قوي !!
ابو وافي: قرب مني أشوف وقرب كِنان ومسك جبهته وانصدم من جبهته اللي مولعه 🔥!
ابو وافي: اقول وافي اخذ اخوك للطبيب حرارته مولعه!
ام وافي: بجي معك ابو وافي: انتي تبين الطلعه اساساً روحي ، وانتبه لهم انت
وافي: ابشر ولبسو وراحو .
ابو وافي قام والتفت وانصدم: عز الله هذا اللي ماحسبت حسابه !
ليان: أبوي شفيك؟
ناظر ابو وافي عياله الاثنين وأكثر اثنين يحارشون بعض ومستحيل يخليهم أبوهم سوا لأنه داري وش نهاية جلستهم سوا لحالهم
فهد: والله بنجلس مؤدبين نوعدك
ابو وافي رفع العقال يحذر وهو داري ماهو نافع: والله ان سمعت صراخ ولا نياح اني لاامحطك انت وياها بالعقال !
ليان: طيب يبه نبغى نطلع أنا وفهد بمناسبة الاجازه وكذا يعني ، قسم ملل
ابو وافي: ملل؟ عندتس هالمهرج وتملين؟؟ لا بالله مانتي صاحيه امسكي ارضتس بس وإذا بغيتي شي الثلاجه وش كبرها توي جايب أغراض اليوم
ليان مسكت الضحكه يوم قال عن فهد مهرج لكن راح تفكيرها للثلاجه والأغراض: والله؟؟
ابو وافي: ايه والله وراح .
فهد: ليونه بتسوين لي معتس اكل صح؟
ليان: انت تعال نشوف المطبخ وش فيه بعدين اسأل يامهرجي
فهد: ياليللل!!
— الديار —
العصر .،
توهم لعبو كوره مع عيال الجيران وكالعاده باسل واخوياه فازو ،
زيد ( صديق باسل): على هالفوز والتعب ذا خلنا نروح الدكان
عزوز ( صديقه الثاني): ايه والله صدقت عاد جوعان وعطشان وحر موت!
باسل ضحك: طيب طيب بنروح أصلا شوفوه هناك ومشو له ودخلو واشترو .
الكاشير (عارف) : 30 ريال مدير ، كلو سوا؟
باسل: يعني من متى حنا نفرقه؟ ايه سوا كلنا
ودفع باسل وطلعو
عزوز: تصدقون ياعيال
الكل التفت له ونطق يكمل: اليوم بيجي كايد ولد جيراننا
زيد: طيب؟ عزوز: انت وش دخلك؟ اقصد باسل ..
باسل ببرود: بيجي عبدالرحمن؟ ولا تركي؟
عزوز: أفف أقولك كايد؟ وش دخل ذولي الحين؟ امم بعدين مااظن لأني سمعت ان عبدالرحمن مشغول مع جماعة المسجد بالرياض وتركي دايم مايجي إلا الجمعه
باسل: اجل ماني جاي الين يجي ولده عبدالرحمن
زيد: طيب انت وش علاقتك فيهم؟
باسل: أبوي صديق قريييب مرره من عمي محمد والكل يقولون كانهم اخوان رغم فرق السن الشاسع بينهم إلا ان العلاقه قويه بينهم
زيد: ايه فهمت الحين .. بعدين لحظه ليه لين يجي عبدالرحمن؟
باسل ناظره: بتسكر فمك ولا اسكره بهالقوطي؟
زيد: اسكره والله اسكره
— بيت ابو كايد —
امل: يبه يبه ابو كايد: هاه؟
امل: تاخر اخوي كايد وانا مليت
ابو كايد: انتي مافيتس صبر ابد! اصبري يابنت بعدين كم تبعد الرياض عننا؟ كلها ربع ساعه وواصلين ان شاءالله
امل: ياالله أحسهم مطولين بروح أشم لي هوا
ابو كايد: روحي روحي
— الرياض —
الدكتور وهو يفتح الابره: هو فيه حساسيه من شيء معين؟؟
وافي: ايه فيه حساسيه من الرز والشوكولاتات
الدكتور: اوه ..وطعّمه
وبدء كِنان يفقد وعيه تدريجياً ونام
الدكتور: هو حاليا يحتاج لمغذي وأكسجين لأنه مايتنفس وضروري يتنوم
وافي: لا يارجال وش يتنوم ، ورانا سفره مافي حل ثاني؟
الدكتور: فيه .. لكن التنويم بيكون اسهل اوي ل كِنان
لأنه ممكن مايتحملش ويحصل شي لسمح الله
وراح ل كِنان وعطاه المغذي والأكسجين .،
ام وافي: وافي تسمع وش يقول! يقول مايتحمل!
وافي: يايمه شلون يتنوم ووراه روحة للديار؟ بعدين أبوي ماقال لكم انه مرتبط بالمسجد اللي بالديره هناك؟ وأنتِ تعرفين فيهم شلون متشددين هالفتره
ام وافي بخوف: بس كِنان ، وش يضمن لي انه بيصير بخير
وافي مسك كفّيها يطمنها: ماعليه الحين نسأله إذا نقدر ننقله للمستشفى اللي بالديره
ام وافي شدت عليه: اسأله يايمه اسأله
وافي: طيب مانقدر ننقله لمستشفى ثانيه؟
الدكتور: امم بتقدر ليه لا بس زي ماقلت لك انو لازم تكون حذر من اي شي .. وإذا حس بوجع او صداع او اي ألم لازم يكون هنا عشان ماتسوء حالتهُ
وافي: زين .. اكتب لنا العلاجات
الدكتور: حاضر .. وماتخفيش ياستِ هو كله أسبوع بالكثير ويتحسن بإذن الله بس أنا أعطيه توقعات عشان يكون عارف من البدايه
ام وافي: ان شاءالله استغرب وافي كلام الدكتور لامه وشلون عرف انها خايفه؟ لكن ضحك بخفه من استوعب انها كانت عند كِنان تشوفه والخوف واضح بعيونها وحركاتها ومسكاتها لولدها .
— بيت ابو وافي —
ليان: والله أبوي جايب أشياء كثيره واو
فهد: الغريب انه دايم يجيب ولا ناكل منها يعني ماناكل حنا الا رز مرق وكذا
ليان: تراه ماجابها لك على فكره يعني جايبها ل كِنان لأنه عنده حساسيه انت متى تبي تفهم؟ كل يوم تسأل كأن مالك اخو!
فهد: وإذا فيه حساسيه؟
ليان ضحكت: فهد حبيبي اخوي انت مستوعب وش قاعد تقول ولا جتك الحاله؟؟ أقولك حساسيه! يغمى عليه ينكتم يتنفس ويحس بحكه وغيره! عاد مدري عنه
فهد: فاهم .. بس
ليان حطت الخبزه على فمه تسكته: اشش انت ماينفع معاك نقاش انت بس مفيد وقت الأكل آخذ هذا الدجاج واغسله وقطعه
فهد توسعت عيونه من حطت الخبزه بفمه وأكلها وسمع لكلامها ينفذه ....

1446/2/28(الاثنين)
الكاتبه : نُوت ✍🏻