ايتها الدنيا لا تفصلينا
فربما نصير واحدا
وربما يكون للثوب الابيض
لي معه مستقبل
اوربما انسى مأسي الحياة و اتركها تبعد عن طريق احلامي
فتحت ميسم الباب اهلين سؤدد
اتاخرتي
سؤدد هلو عزيزتي بس اشويه الموضوع الي المفروض نحجي بيه صعب
افنان كلتلها عندي طلب يمها و انتي راح تطلبيه
ميسم اكعدو و فهموني
سؤدد عزيزتي اني اعرف سرج
ميسم بأنزعاج شنو عن يا سر انتي تحجين
سؤدد عفيه لا تنزعجين
افنان شوفي حبيبتي زوجج حيدر فهمنا القصه مالتج
ميسم هدت يعني شنو فهمكم
سؤدد كال انتي اتخافين من أن تولدين طفل لهذا انتي هاجرته
مع ازعاج أمه و ملحتها لان اتريد ايصير عند ابنها طفل
اضطر أن يبتعد عنج و انتي خوفا على احساس أمه متحمله العيشه وحدج
ميسم بعقلها الباطن طلع حيدر مؤلف قصص رهيب اثاري عنده مواهب حلوه ابتسمت
ما شاء الله فاضح قصتي
على التلفزيون بس ما عرفت موجوده على الراديو
سؤدد عفيه خطيه جان حاس بلذنب لان تاركج وحدج بدون زوج
لان انتي اتحبين أمه أكثر من نفسج
ميسم لحد هسه اني ما فهمت
مربط الفرس وين
شتريدون
سؤدد ما اعرف اشلون اكولها
انريد نخطب زوجج حيدر إلى افنان
هذا وعد مني و من افنان بس ينولد الطفل اتسلمكم الطفل و خليه ايطلكها
افنان انتي شفتي طفلي الاول عادي تركته كأنه ما موجود
حتى انتي اتريحين ام زوجج و يصير عدها حفيد
ميسم غمضت عيونها و رفعت رأسها و ردت بغظب
لج انتي اشلون هيجي
شنو هذا عقلج شنو من حقاره عيشه بيها
انتي بشر عادي
حرامات انتي مو عندج ام
عندج احسن ملاك خلقه الله
اشلون الام الي اتنازلت عن كل حياتها حتى تحميج
تنولد الها هيجي وحده حقيره اتذب قطعه من جسمها بدون أن ايرف الها جفن
شوفي ما اعرف ليش اني اشك بأنج بنت شيطان
يمكن ابوج جان اكبر زاني
او كافر او الله اعلم
آمنين جاب افلوسه
لان ما اكدر احجي على الماما
مالتج
تعرفين لو عندي
نص ام مثل امج جان كل يوم ابوس التراب الي تمشي عليه
و ابقى اخدمها طول عمري بدون أن اعترض
شنو انتي خايفه عليه اتريدين اتجيبيلي طفل ايشل اسم واحد متعرفين عنه أي شي
كولي عجبج و اتريدين تتزوجين واحد متزوج
هيجي عادي ممكن اتفاهم ويه عقليتج الخبيثه
لكن هذا الدرب الي دخلتي بيه ممكن ايخليني اسود وجهج
لان كلشي و لا اتذين طفلج
سؤدد ليش هيجي انقهرتي
اعتبريها اتريد تتزوج و عجبها زوجج
افنان لا سؤدد شنو هذا الحجي
سؤدد اسكتي لا تتدخلين
تقبلين ايصير عندج ظره بس عليها اتجيبلج اطفال و تكون اخت الج
ميسم رفعت رأسها للأعلى و هي لا تعرف لماذا تناقش في موضوع
هي ليس
لها فيه ناقه و لا جمل
هن يتكلمون عن شخص لا تعرف حتى اسم أبيه
هل سوف تعمل خطابه
و لماذا تشعر بلانزعاج هل ممكن أن تكون تعلقت به
و صار نوعا ما ملك لها
ام ماذا هل غارت من طلب افنان
ام فعلا هي حزنت أن هذه الفتاة فضلت الرجل على طفلها
هدئت أعصابها قليلا
شوفوا روحوا من أهنأ و اني احاول اتفاهم ويه حيدر
سؤدد حظنت ميسم و شكرتها
و بعدها حظنت افنان و باركت لها
في اليوم الثاني
بينما ميسم تأخذ الماء من البئر سمعت صوت حيدر يصرخ على أحد
خرجت وجدته واقف أمام افنان
لا تعرف لماذا كان يصرخ عليها
ترك حيدر افنان و اتجه إلى ميسم
حيدر يؤشر على افنان
لك هاي شنو امخبله اني انتظر اشوكت اتطيب جروحج وهذي الحقيره متستحي تطلب مني شي حتى عيب احجيه
ميسم مبتسمه لا اتفيك عود مزعوج لان خطبتك مني
حيدر شنو تدرين
ميسم اكيد
حيدر و ليش مبتسمه المفروض تظربيها بطابوكه على رأسها
ميسم ليش خطيه ابنيه اتحبك
حيدر بس اكيد هي شافت اني منو احب
ميسم ليش انت متزوج
حيدر اني ملك بس الج و ما اصير لاي وحده غيرج
اني الي جنت احلم بيها طول عمري اتمنى يجي يوم اتحسين ولو اشويه بشعوري
ميسم رغم هي حست احساس غريب
بأنها ممكن رغم عقدتها
من الرجال ممكن تكدر تبدء اتعيش مثل افنان
مع انها مغتصبه لكن تزوجت رجل و تبحث عن ثاني
ميسم بس خلصت ترى اني متزوجه
حيدر اكو غبي عنده كل هذا الجمال
و تاركها
ميسم شي ميخصك
حيدر بدء الحزن يملاء و جهه و عيونه تدمع
ارجوج انطيني و لو فرصه وحده
ميسم شافت دموع عينه
حزنت عليه متعرف ليش
لا كلش صعبه اعرف انت الوحيد الي جنت بجانبي بأزمتي
بس أكلك متزوجه
حيدر ممكن احاول حل موضوع زواجج
ميسم ماكو حل
حيدر خلينا اصدقاء إلى أن تحجيلي موضوع زواجج
ميسم موافقه اصلا احنا اصدقاء
بدئت ميسم تعمل معه في المحل
لان فعلا الشركه التي كانت تعمل بها لم تفتح أبوابها
صارت جلساتهم تتطور تعودت أن تناقشه بكل المواضيع صارت تشتاق إلى أن تراه بدائت تكره أن ترى افنان
بدون أن تعرف السبب
تعودا على البقاء بجانب بعض
كان حيدر ينتظر عودة الاتصالات
لان فاروق وعده أن يجد له حل بموضوع الزواج يبدو أن لديه حل
علمت ميسم أن اخوها كريم صار يعمل بائع خضراوات في السوق صارت ترسل حيدر يحضر ما تحتاجه من السوق
حتى لا ترى كريم
بدء الجو يصبح حار بدون كهرباء صار الماء يأتي قليلا ثم ينقطع
استطاع حيدر أن يجلب مولده للكهرباء كانت هذه اول مره
يرى أهل المنطقه
جهاز ممكن أن يعطيهم ولو ضوء
عندما يعملون تكون معهم في المحل
و عندما تعود الى البيت سحب لها خط
بعد فتره نزل للسوق الهاتف النقال
لكن كان سعره غالي جدا
ثم الناس ليس لديهم كهرباء كيف يشحن هذا المبايل
قبل أن يتعلم حيدر طريقة استعماله وصله
اتصال من هاتف ميسم
بينما ميسم كانت معه في المحل
صاح حيدر بأسمها
شوفي منو هذا الي ابيتج و يتصل من رقمج
ميسم ابتسمت مو معقوله اختي
طلعت بسرعه
حيدر اتصل
فاروق الو
حيدر ترى وكعت بورطه اكيد راح تسأل اشلون عرفت رقمي
فاروق لك حقير اشكد مشتاقلك
هذي طريقتك للسلام عليه
لا اتخاف مي تعرف وين اتختل ميسم المفتاح مال البيت وجان اكو رقم يم التلفون مي خابرت عليه
حيدر عفيه تدري اشصار بيه
فاروق شلون صارت علاقتك وياها
حيدر عادي اكو تجاذب ابينا بس موضوع زوجها هو العقبه الوحيده الي واكفه بطريقنا
ها و ترى اني طلكت هذيج زوجتي غيابي
لان ميسم ما الها شريك
فاروق بس تجي ميسم اسلم عليها
و عود أمر عليك احجيلي كلشي صار ابينكم
سد الهاتف دخلت ميسم و اخيرا اختي اشتاقيتلج اتخيلت بعد بحياتي ما اشوفج
بسرعه حضنت الاخوات بعضهن و صارت دموع الشوق تنزل
فاروق مبتسم اشلونج يابطله
يله اني راح اطلع عندي كم صديق اشوف بعدهم عايشين لو الله اخذ منهم احد
جلست ميسم و مي مع شهد و ولدان تقريبا يشبهان بعض بحيث يصعب التفريق بينهما
حكت ميسم ما حدث لها خلال الحرب
كيف نقلت للمشفى و عن حيدر بقت تخبرها عن كل حركه له و عن كل وقفاته معها
بحيث من كثر ما عادت في مدحه
مي اختي اشبيج
ميسم ما بيه شي بس دا احجي الي صار
مي متريدين تعرفين اشلون جبت هذوله الحلوين
ميسم اكيد بس هذا خليه بلاخير يمكن تدرين كريم موجود يشتغل بلسوك
مي كولي اشلون مات ابويه
ميسم بحزن لا عفيه ليش مات اشوكت
مي قبل تقريبا شهرين ليش هما مو قريبين
ميسم مو كتلج من شفت كريم بعد ما وصلت يمهم و هم نومتي بلمشفى اني انكطعت عن الدنيا فتره طويله
انتو اشلون عرفتوا
مي مو اكو خبر ثاني
مو اخوج رحيم لان جان يشتغل بشركه حكوميه هددوه بالقتل خاف و انهزم على بيت امير هو و مرته و طفله
ايريد ايعيش يم امير لكن ابن عمي بطل طرده و عرفه بأن ابو مرته باك أملاك أمه وخلاها تعيش عند الجيران
شرحله كل الي سواه ابوها بينما
زوجته بشرى
حاولت اتأكد بان هذا الحجي كذب
لكن امير أصر على طردهم
رحيم جان مصر يعرف عنوان اهلي
بس امير هم رفض
ينطيهم حتى الرقم مال تلفونهم
لكن أنبه ظميره دبر طريقه اجى على اهلي كالو بأن ابويه مات
حجالهم موضوع رحيم لكن امي كالت ابد لو اموت ممنوع رحيم و مرته يوصلون بيتي
و منعرف هسه وين صار اخوج و عائلته
عايشين ميتين
المهم امي عرفت بأن ولدها مو سند الها
خصوصا من احنى بعد صرنا منكدر ننطيها فلوس صار اشهر
اكدت و حلفت بأن بشرى مستحيل تدخل لبيتها
أنت تقرأ
الأخ المتحرش
General Fictionانهامجموعة قصص عن المصائب التي تعانيهاالبنات في بيت واحد واصعبهامحاولات الاخ التحرش بأخته لانهاجميله وفوق كل هذاتدفع ثمن أخطاءالمجرم هذالان امهاتحب الاولاداكثرمن البنات
