طعنه فـي خاصره النسيان
الڪاتبه/شمــس النائلي
لاتنسون التعليقات
_______بين الفقرات
دلهم :- ضحڪ ورچع رد؟
غياث :- شبيــج وجهچ مخطوف شڪد خوافه
دلهم :- بلا هذا موقف والله عبالي بيڪ شيء شمدريني وجهك ما يتفسر
غياث :- ليش ولچ هذا واجبچ تعرفين زوجچ شبي من ملامح وجهه لو إلا تعلوم..
دلهم :- لآ ما يراد تعلوم دنگت ارتب باقي ملابسه اجه بعدهن من أيدي ومسح علــىٰ راسي
غياث :- ما احب تصرف التجاهل هذا منچ ماشي وهسه روحي سوينه لڪمه نأڪلها من ايدچ
دلهم :- حاضر بقه ڪاعد بالغرفه دخلت جهزتله صينيه مرتبه واڪلنه سوه اني وياه رجع ڪال..؟
غياث :- سوالف النسوان العمه والچنه ياريت ما الڪاها ڪدامي وتعرفين تتصرفين ولو اعرف امي فقيره وما تاذي أحد بس ارجع وانبهج مشاڪل ما اريد..
دلهم :- اختنڪت بالاگل بگلبي لعد اني مو فقيره بسرعه دافع لأمك جاوبته علــىٰ امرك مثل ما تريد يصير..
شلت الصينيه واسينات بالمطبخ ويه وديعه يسوالفن وعمتي رازقيه تشتغل اخذت من ايدها
رازقيه :- الله ينطيج ويترس حضنچ ان شاء الله يمه شلون چنينه الله يرضى عليك غياث تريح گلبي من دون اخوانك
اسينات :- شدعوه عمه تره بعدها بسم الله يلا باچر تطلع سبعتها هئ عشتوا فره عروس عمه لا يغرچ
رازقيه :- انتي بس اسڪتي احنه بخير تشترين المشاڪل شرايه
دلهم :- ما جاوبت ولا وحده منهن لان ادخل سوالف ما الي بيها وڪلها بسم الله..
الثاني يوم السبعه مالتي ڪعدت من الصبح رتبت الغرفه صحيح كلامه قليل سؤال جواب واليوم بس حنون مدري مخليتها علــىٰ الله
بديت غسل وتنظيف وكع برأسي على صيت اهلي يجون دخلت الغرفه ارتب روحي چان ڪاعد شافني رفع راسه بقه مرڪز
غياث:- تعبتي ارتاحي ترا العمر يخلص والشغل ما يخلص
دلهم:- لا لميت شغل البيت.. تريد شي انت
ما جاوبني بس وكف مقابيلـي باسني من خدي قساوته جنت احس بيها حنيه يمكن بعد بدايه زواجنا تجاهلت ڪلشي
غياث :- اريدچ يمي ماله داعي الشغل خلي غير وڪت
دلهم :- علــىٰ امرك بعدها رحت جهزتله الحمام
وراها حضرت نفسي واعدل بروحي وهـو بدل وطلع بعد ما شفته وأهلي اجو حضرت ضيافه َڪلشي ما خليت نقـص. َ
ميسون:- شلـونچ يمه مرتاحه بزواجج
دلهم :- ايي يمه الحمدالله بكلبي شڪول الها بس معتبرني. زوجه بس مو حبيبه ڪلامه چاف وياي بقت بگلبي
اخواتي كعدن بصفي يعرفون حياتي شلونها
