من شفت العيون السود ... شبهتها برفيق دربي

بارت 5

(بسمالله الرحمن الرحيم وصلي وسلم على نبينا محمد)
ويلا نكمل

ابتسم فهد : اليوم خطوبتي!
عبدالرحمن بدون نفس : وشدخلني أنا؟
اخفى فهد ابتسامته وضرب عبدالرحمن على ظهره : آكل تبن
عبدالرحمن: شسويلك طيب؟
وسع فهد عيونه : ترا خطوبه أختك بعد!
عبدالرحمن راح طيران على الحمام
بعد لحظات طلع عبدالرحمن من الحمام : الله ياخذك بغيت أموت!
فهد بعصبيه : وش سويت لك!
عبدالرحمن : كل تبن انت وخطوبتك
فهد : اسكت بس
عبدالرحمن ضرب فهد على راسه: زودتها عاد
وراحوا للمجلس وشافوا العيال قايمين
عبدالرحمن : صبحكم الله بالخير
فهد: السلام عليكم
اختلفت الردود بين : وعليكم السلام ، صباح النور، صباح الخطوبه
فهد لف عليهم : من اللي قال صباح الخطوبه؟
محد رد ورجع بقعد مكانه : شكلي بروح اسألهم متى يتجهزون
لف على العيال : إذا جا جدي وعمي قولوا لي
وطلع من المجلس وهو متجه للباب الخلفي ويدق على امه

في الجهه الثانيه
طلعت له امه وسالها فهد : متى بتخلصون؟ اقصد يعني متى بتتجهزون للطلعه؟
أم فهد : ابد والله قاعدين نجهز بس عطنا كم ساعه أو يعني ساعه ونص ونخلص
وسع فهد عيونه : طيب على بال ما تخلصون أنا بقيل( بنام)
وكان بيروح بس مسكته  أمه من يده : تعال ارقد في الملحق!
فهد : لا يمه يمكن حدا البنات يدخلون وهم مو داريين
ام فهد : يولد اخلص ترا بكنسل!
فهد ضحك : ابشري وين الملحق؟ اهم شي فيه مكيف!
أم فهد ابتسمت :فيه كل شي لا تخاف
دخلته الملحق اللي جمب الدرج اللي في الصاله
ام فهد : لا بغيت شي قل لي وأنا حاضر عندك
فهد : تسلمين يمه ، بس قولي للبنات أني هنا لان ما اضمن نفسي انام
ام فهد : يلا بروح أقول لهم
طلعت من الغرفه وراحت للبنات تقول لهم ، كلهم كانوا موجودين إلا غرام :وين غرام؟
جود : في الحمام
أم فهد : قولوا لها لا تنسون!
البنات : ابشري

عند بطلنا فهد في الغرفه
قاعد يفرفر بجواله ونعس وراح يطفي النور
بس سمع صوت الباب ينفتح وما ينصدم إلا بذيك اللي تحضنه

عند البنات
شافوا غرام طالعه من الحمام ولفت عليهم نوره : مثل ما اتفقنا تمام؟
سمعتهم غرام : وش اتفقتوا فيه؟
نوره : اسمعي! عبدالرحمن تحت في الغرفه اللي جنب الدرج تمام؟
غرام : ها تموم
نوره : تموم؟
غرام باستعجال : اي تموم رياكشن اااء المهم كملي وش
نوره شمقت : المهم نبغيتس تقنعينه انه يودينا البقاله اللي هنا ورا الدوار تمام؟
غرام صفقت : ابشروا بي!
نوره وقفت : كفو!!
غرام : متى اروح؟
نوره : الحين
شافوها تنزل ولفت جود على البنات : ياروحي رحمتها الصراحه
نوره ضربت كتفها : اسكتي بس نبي اكشن يهوه

عند غرام
دخلت الغرفه وعلى طول ابتسمت وهي تشوف ظهره وحضنته بقوه وهي تقول : دحوووم تكفى خذنا للبقاله نبي حلويات وحركات وبركات تكفووو!
بعدت كنه وهي تبوس خده : أنا اختك وإذا ما دلعتني من يدلعني؟ لللللااالالا لا تقول فهد هذا وينه ووين الدلع
رفع فهد حواجبه اللي قاعد يسمعها وذايب فيها ويشكلها اللي ما يبين فيه من شده الظلام
شافها اتجهت صوب الليت وتبي تفتحها
غرام : ليه الغرفه مظلمه كذا!
فتحت اللمبه ولفت وصارخت على طول