روح تراني طايب النفس مابغاك حكم طغى ماعاد ينفع نظامه

البارت ١٠

ان انس يتجهز عشانه بيطلع بس سمع طق الباب واستغرب لأنه مايعرف احد بالحي ومايختلط معهم لكن توقع انه رعد او ماهر وراح يفتح بس لقا قدامه عسكر
عقد حواجبه وقال : امر ؟
العسكري : انس ال نايف !
انس : الله الله وصلت
العسكر : جايه شكوى عنك وانك هارب من السجن امسكوه
انس : نعم !! اصبر دقيقه وش هارب انت الثاني ؟؟
ماردو عليه يسحبونه : لاتقاوم ولا بتصير عندك تهمة مقاومتنا
غمض عيونه انس بقهر لما فهم انها حركات امل واهلها
ركبوه السيارة يتحركون فيه للمركز
________
كانت جالسه فوق ومتوترة من ابوها ووش ناوي يسوي وجاها اتصال منه بنفس اللحظه ردت
امل : بابا وش سويت ؟
ابو امل : ماعليك مسكوه ماعاده طالع بوجيهنا وتوليب بتكونين كسرتيها مدام انس مو معها خلاص
امل ابتسمت بخبث تعض على شفتها : ممتاز بكذا وضعنا مستحيل يتغير وخل توليب علي ببعدها عن اسر بكل الطرق
ابو امل : لاتتهورين تراها مب سهله ولاتنسين امها وابوها امها لحالها توديك ورا الشمس
امل : بابا هي مع اسر بالشغل انا اخاف انها تاخذه مني
ابو امل : ماعليك مستحيل هي توافق عليه اصلا لاتنسين لما قلتي انه كان بينكم علاقة طاح من عيونهم وانه يخون زوجته عشان كذا تطمني هو معك معك
خلص كلامه وسكر جواله اما هي ابتسمت تعدل شكلها وتنزل تحت للحريم الي بالحديقه تجلس جنب ساميه
______________
كانت توليب جالسه مع البنات بالصاله يسمعون سوالف الحريم قبل مايروحون الدوام
جا توليب اتصال من انس وابتسمت ترد عليه
توليب : يعني لازم اخذ اجازة عشان تتذكرني مو كأننا اخوان
انس : توليب ساعديني
عقدت حواجبها تعتدل بجلستها وسببت استغرابهم لما تغيرت نبرة صوتها للجديه : انس وش صاير !؟
انس : انا الحين بالتوقيف مسكوني الشرطه قايلين اني هارب من السجن
توليب : كيف كذا بس انت مو هارب ولا شي طلعوك
انس : حاولت افهمهم بس ماقدرت
وتدرين مين المحقق الي معي ؟؟
توليب : مين !؟
انس بسخريه : عم امل
سكرت بوجهه تقوم تاخذ عبايتها ونقابها تطلع وهي معصبه شافتهم بيقومون وراها بس رفعت اصبعها تهددهم : لا اشوفكم لاحقيني سامعين
عطتهم ظهرها تتوجه لقصر ال راشد الي جنب قصر ال حمد وبركان جواها يشتعل
وقفت عند البوابه وشافوها الحراس
توليب : افتح الباب بسرعه ؟!
الحارس : مين انتي
توليب : اسأل الاستاذ اسر وبيعلمك
اشر له الحارس الثاني يفتح لما عرفو انها توليب دخلت وهي معصبه للحديقه ولما شافوها وقفو يناظرونها بأستغراب خصوصا ساميه وامل الي ماتوقعو بيوم انها تجي
وقفت توليب قدام امل بكل برود وتوجه لها نظرات حادة وبادلتها امل النظرات
توليب : انا قد قلت لك تذكرين ؟؟ اذا ماتذكرين بذكرك اني قلت لك ماتقربين من انس او تحاولين تسوين له شي بس انتي سمعتي الكلام ؟ لا ماسمعتي وش نيتك بالضبط
تكتفت امل تناظرها: اسألي نفسك يا حلوة انتي السبب حركاتك وتقربك من زوجي على بالك بعديها لك لا ابدا وش نيتك بالضبط تبينه يرجعك صدقيني لا مستحيل انتي من الماضي خلاص
اعتلى صوتها وخلا العيال الي بالمجلس يطلعون وكانو اسر ورعد وملهم واياد
شاف اسر توليب وصدمته مو اقل منهم ومستغرب انها جت ودخلت قصرهم
شهقو البنات لما توليب رفعت يدها تخلي وجه امل يلتف للجهه الثانيه : انتي مين عشان تتكلمين عني كذا وتشككين فيني تدرين ليش انتي خايفه لأنك مسويه نفس شي واضح وخايفه ينرد لك صح  حياتووو مسكينه انتي تمشين على نفس حركات عشيقة طليقك لاتخافين زوجك مايهمني اشبعي منه انا كل همي انس والله تقربين منه مرة ثانيه اني لا انحرك سامعه ومايكون اسمي توليب
شدت امل على يدها وكانت بترد لها الكف بس مسكتها يد انثى تضغط عليها
توق بحدة : ماجابته امه الي يرفع يده على بنت عمتي
تركتها تعطيها كف وتكمل : تفضلي انردت لك حركتك يا حلوة.
سكتت امل بصدمه من الكفين الي جاها وجتها رعشه لما سمعت صوت اسر الي تقدم عندهم
بعدو توليب وتوق وقال اسر : وش مسويه تكلمي
امل بتمثيل لدور المظلومه : اسر مدري صدقني انت شفتهم جو وتهجمو علي
توليب بصراخ : واو كملي تمثيل صدقتك ناظرني انت والله لو ماتبعد زوجتك عن حارسي اني لا اوريكم نجوم الظهر
اسر : توليب خلاص اسكتي
توليب : تتأمر على مين انت وش تظن نفسك رح تأمر عليها
سكتت شوي تكمل : مرة ثانيه لو اسمع انك انتي واهلك مسويه له شي اني لا اخليكم تتمنون انكم ما انولدتو اصلا
ياليت تمسكين زوجة ولدك واضح زوجها مو قادر عليها
ناظرت ساميه ووجهت كلامها لها
اسر : وش مسويه انتي ماتتوببن
كانت توليب بتروح بس قهرها طول هذي السنين تغلب عليها ورجعت عند امل تدف اسر عنها ومسكتها من شعرها تشدها منه
توليب : انا كنت بسكت لك على كل حركاتك بس مدامك قربتي منه انتي اعلنتي الحرب وانا موافقه
خلصت كلامها تدفها وتروح
كانت امل بتلحقها بس مسكتها توق من رقبتها تضغط عليها : اهجدي احسن لك
رعد : بس انتي وياها توق اتركيها
ناظرته توق ببرود تترك امل الي طاحت على الارض تحاول تلقط نفسها ولحقت توليب الي توجهت للمركز تطلع انس قبل ماتزيد الامور