_لحد كدا وأقف إياك تقرب ولا تعملها حاجة
قالها وهو بيدوس علي سنانه بغل وعيونه حمرا
كانت بتعيط بحرقة وهي بتترجاه يسيبها
_أرجوك إرحمني أرجوك إبني لا
كان بيبص عليهم الواقف ببرود وكإنه قلبه ميت مفيش حاجة بتأثر فيه
.. إتحرك خطوات ناحيتها وهي منهارة
وبتصرخ بخوف وروحها بتتسحب منها
..مسك الكرسي بتاعها وبدأ يسحبه بهدوء بملامحه الشيطانية
_إنت ساكت ليه اعمل حاااجة
قالتها بصراخ أكتر وهي بتهز نفسها بين الحديد اللي محاوطها وبتبص ورا
..كانت بتنادي عليه وهو مش مستوعب اللي بيحصل وبيبص عليها علي الكرسي بتوهان
_استني .. استني بقولك انت واخدها فين ؟!! لاااا
فقد أعصابه لما اتخيل ان ممكن يعمل في ابنه او مراته حاجة فصرخ بهسترية
_لاااااااا وحياة اغلي حد عندك لاااا اقتلني انا وسيبهم
°°°°°°°°°°°°°°°°°°°°°°°° " البداية "
بتبتدي بعرض فستانها الجرئ .. بتمشي وهي رافعة راسها لفوق بكل ثقة وغرور وهي بتبص قدامها بثبات
بتمشي وبتتمايل بإحتراف بالكعب العالى وخصلات شعرها الطويل بتطير وراها..
كانت فعلاً إطلالتها جميلة ورقيقة ...
فجأة رجلها خبطت فى بعضها وكانت هتوقع
بس قدرت بخبرتها اللي بقالها سنين تظبط الوضع بسرعة وتشتت إنتباه مشاهدين العرض بإبتسامتها الجذابة
وبدأت توزع بوسات في الهوا هنا وهناك وسط تشجيع مشاهدين العرض...
الأجواء كانت صاخبة بكل ما فيها " الأضواء الملونة الكتيرة اللي بتزين الساحة .. الكاميرات والتصوير "
(دي " ليال " ..عارضة أزياء مشهورة .. بشرتها بيضة وملامحها
حلوة بس بتحب الميك أب الكتير .. عيونها بني وطويلة ورشيقة ..دايما بتلبس فساتين قصيرة .. شعرها بني طويل وناعم بتحب دايماً
تفردوا على ضهرها عشان تتباهي بيه.. دايما فى رقبتها سلسلة بإسمها .. أهم حاجة مظهرها والباقي يتعوض )
°°°°°°°°°°°°°°°°°°°°°
خلص العرض
°°°°°°°°°°°°
_كنتي جامدة يا لولي و خطفتى الأنظار الليلة
قالها بإنبهار اللي داخل علي ليال أوضة تغيير اللبس
(ده "بدر" صاحب شركة تصاميم أزياء شهيرة ..عيونه سودا و بشرته سمرا .. متوسط الطول ..شعره بني
..حاطط تاتو على إيده .. ستايله كاجوال .. بيحب ليال وهي كمان بتحبه )
_و إيه الجديد يا بدوري؟
قالتها ليال لبدر بغرور ودلع وهى واقفة بتظبط شعرها فى المراية
_آه من بدوري دي اللي بتخلي قلبي في وضع الڤيبريشن
قالها بدر لـ ليال بإبتسامة وهو بيبصلها بتوهان
قاطعهم اللي داخل عليهم بإبتسامة واسعة وبحماس وهو معاه إزازة "مشروب كحولي"
_ بما إن النهاردة كان غير جبتلكم حاجة من النوع التوب هتعجبكم ..
أنت تقرأ
يوم موت سعيد
Bí ẩn / Giật gânدعوة خاصة تجمع أعداءه في مكان واحد لتبدأ لعبة إنتقامه الجنونية التي وضع قواعدها ..! ولكن في النهاية تنقلب لعبته عليه ليحدث ما لم يضعه في الحسبان ...!!! ⚠️قامت بكتابتها مريضة نفسية...
