بسم الله الرحمن الرحيم
البارت الاول
بقلمي : حب موروث
رجاءا صوتوا وعلقوا بين الفقرات حتى
نستمر 🤍
واذا دفنوني اسولف بيك للميتين واكلهم هذا
اعز ناسي .
ـــــــــــــــــــــــــــــــــــــــــــــــــــــــــــــــــــــــــــــــ
﴿ريماس﴾
شتاء بارد يحاوطه حب ودفو العائله
سماء ماطره تزينها نجوم الليل المعتم واصوات الرعد وهناك من يستمتع بهذه الاجواء الدافئه المفضله لديه...
ــ طلعت للحوش افترر بالمطر فجأه ازداد وصار اصوات البرق والرعيد عاليي
ــ ريماسس ماما تعالي دخلي لتتمرضين
ــ مامااا بس شويه رواس رواسس نزل حالوب
اجتي اختي رواس تركض فرحانه اخذنا حالوب واكلنا منا بابا واكف يباوع علينه ماما جانت جوا يم اخويه دخلنا بعد رزاله من ماما ركضنا لغرفتنا وغيرنا ملابسنه .
ــ ريماس عفيه ساعديني مجاي اعرف احل هذا .
ــ يلا جيبي خلي اشوف شنو عندج .
ــ عندي قراءه المعلمه كالت كتبوا خمس مرات .
ــ عادي حبيبتي اني وياج نكمله هسه
ــ انتِ كملتي تحاضير .؟
ــ يي كملت من رجعت خلصت التحضير ماعندي شي هسه ..
اخذت دفترها وكتبت الها الواجب رواس بصف الثالث ابتدائي اني صف ثاني متوسط
واخر العنقود اياد عمره سنه ونص اني ورواس عيونه ملونه على بابا واياد عسلي على امي
ــ يي ست رواس هاي كملنا الكتابه عندج شي بعد .
ــ لا خلص ماعندي اريد انام باجر دوام صباحي .
ــ شلت الكتب الها ورتبت الغرفه وطفيت الاضويه
ونومتها واني هم غفيت ...
كعدت الفجر واني مشابعه نوم على صوت المنبه المزعج والجو بارد يكص كص حتى اجهز رواس للمدرسه امي ملتهيه ويا اياد لا عليها بيه ولا برواس اهم شي عدها اياد ميبجي او يصير اله شي نزلت من السرير لبست جاكيت مالتي رحت توضيت وصليت الصبح
رحت للمطبخ سويت الچاي وطلعت الاجبان حضرته الها كعدت وصفنت على غرفه ماما ما فد يوم سألتني شنو محتاجه لو تعبانه تأفأفت ورحت اكعد رواس .
ــ رورو اكعدي رورو
ــ ماريددد ماداووم مااااا
ــ لا رواس حتى تشوفين الدفتر للمعلمه وتخليلج عشره لان مرتب يلا يلا لتصير كسول ولك
كعدت تفرك بعيونها بست خدودها واخذتها للمغسله غسلت وجهه وخليت الها الريوگ
