راعوث : دنكت راسي مستحيه بعد ماعرف شجاوبها
ابتسام : حتى طلعين بره تمشين شويه بالحوش زين الج
راعوث : وره ما اكلت وكملت كمت غسلت الجهال نيمناهم بالغرفه طلعت وياي عمتي للحوش تمشيت شويه وكعدت على الكرسي اتصل عليه ابوي جاوبته سمعت صوت ابرار
ابرار : هلو شلونج شلونهم حبيبين خالتهم
راعوث :- تعاي اخذيهم
ابرار : ها ليش
راعوث : بس يبجون اسم الله
ابرار : ههههه غير صغار شلونج يروحي
راعوث : زينه الحمد الله انتو شلونكم افراح يمج
ابرار :- لا يم رائودي
راعوث : لعد خير ليش اتصلتي محتاجه شي لو شتاقيتولي
ابرار : اکید اشتاقينه الج هسه اخذت التلفون من بابا وخابرتج لان والله مادري احس مشتاقتلج انتي وفروخج ولو احنه امس يمكم
راعوث : والله حتى اني اشتاقيتلكم ولج يا فروخ شيبوني بعده ما صارلهم اسبوع الله يساعد افراح شلون ربتنه وحدها اني هسه يمي عمتي وفرح و عُقاب واحس مالحك على يومي لا اعرف انام ولا اعرف اكعد
ابرار : اجي ابقه يمج واساعدج
راعوث : حتى رضا بعد ما يعوف الباب
ابرار : انجبي اصلاً الولد بغداد
راعوث : ها منين تعرفين
ابرار : راااعووث
راعوث : ههههه شكراً يروحي ماتقصرين والله يمي فروحه وعمتي
ابرار : قبل شويه اجت ام کرار
راعوث : خير ان شاء الله شعدها
ابرار : الخايس موديها تخطب كايللها عاجبتني بتهم الصغيره من تطلع للمدرسه اشوفها واخلاق ومؤدبه واريد تخطبيها اليه عباله اوافق ابن الجلب
راعوث :- صدك والله ذلي بربج يعني ما رجع لمرته هذيج
ابرار : لا وين يرجع واخته زوجوها غصب لابن عمها وهوه كاعد لا شغل ولا عمل جنه قندره صارلها ستالاف سنه مادري شبيه حبيته جان عندي قندره مو كلب
راعوث : بالاخير رجعلج رجعلج وهوه مثل الجلب واذا عرف انتي مخطوبه يايمه
ابرار : يشيط
راعوث : يستاهل يشوف الاكثر والاكثر الذكر
ابرار : وحق الله اذا طلع رضا مثله اربطه بالكرسي واشوفه انواع العذاب احركه حرك
راعوث :- خوفتيني باي
ابرار : والعباس اطلع دمه اذا طلع مثله ماتدرين شسوي بي عبالج بس اماكن عامه اعذبه لا حتى الخاصه
