لبنات جيتكم ببارت جديد نتمنى يعبكم وبارطاجيو لكرونيك على قد ماتقدرو لازم يشوفوها على الاقل 50 وحدة
˚˖𓍢ִ໋🌷͙֒✧˚.🎀༘⋆
هيا لبنات نوصلكم وين تسكنو وصفولها وين يسكنو وركبو نور تغمز في الونا على طومبيل كانت اودي 2024 ،الونا حشمت من ادم وتفكرت كي كان يغزر فيها قبيل ،ركبت الونا فنص وآدم يشوف فيها من طروفيزور ويستغفر ( استغفر الله باه تدو حسنات 😂) ولحظة قارن برأتها مع حنان وتنهد
الحاجة سلطانة : وش كاين ادم
ادم تكاكا 😂: لا والو سخانة برك
الحاجة سلطانة فاقتلو بلي عجباتو ولا حمر غمزاتو سلطانة واشرت بصبعها على الونا
ادم : ماني مش لي راه في رأسك
الحاجة سلطانة: امممم معليه وضحكت
الونا تخزر في عينين ادم لي كانو كانو بحر وهي بعدت فيه وغرقت ،وصلو لحومة نور والونا هبطو
سلطانة : نيمروك الونا
الونا : هه وعلاش اماني
الحاجة سلطانة: عجبتني برك ابنتي عجبتيني
الونا : هههه معليه ماني ، ........0
نور: ايا بسلامة انا ضك يتقلقو عليا دارنا
الونا : ايه ،ايا ملاقات الخير اماني
الحاجة سلطانة: بينها وبين نفسها رح نتلاقاو بزااف يقمري
ديمارا ادم وهو عقلو عند الونا
دخلت الونا وهي مش قادرة توقف على رجليها قابلتها سامية
سامية وش الالا ولاو يوصلوك رجال للحومة متحشميش ،باينة لمن خرجتي لمك
قربت ليها الونا و وهزت فيها صبعها ماما اشرف منك يا سراقة رجال يا.....وما تحس إلى وهي دايخة فلارض وحاجة تسيح تحت راسها
نعم كان بابها ضربها بقرعة الشراب حشاكم لراسها وطاح عليها بضرب وسامية تقلو زيدها وتقلو اي خرجت مع فلان وعلان وجابتلنا العار لدار، رجعت الونا حمرا بدم وتغاشات 😭
بابها غادي نزوجها بأول واحد يطرق بابانا وراني متبري منك
جات نور على عيطاهم خاطر علبالها بلي صحبتها دات طريحة ستنات باباها نخرج خاطر علبالها يزعكها ودخلت نور وعينيها ويدان......دات صحبتها كي لعادة لشمبرتها وداوتها ولبستلها هذ لبيجاما لي هي نتع نور
وسكرت لباب ورقدت معاها وقالت لمها وأم نور تفهمت خاطر علبالها بظروف الونا وبلي باباها ميباتش فدار ،
عند قصر ال حمداني كامل راقدين في سرير مريح ام ادم الي هي ريمة ناس ملاح وتحب ولادها ولي يخرب فيهم يشوف العين الحمرة وأب ادمالى هو عبد الكريم رجل ولادو وهما قرة عينو ميقدرش يعيش بلا بيهم ( كل واحد وجناحو فلقصر ) وخت ادم جيهان في عمرها 19 تحب واحد ويهدد فيها بتصورها على جال دراهم
ومرت عم ادم ياسمينة وراجلها مراد ياسمينة مسمومة تحب دراهم كثر من نفسها وراجلها دائما يخربط الحسابات فشركة باه يدي دراهم اكثر ويلعب بيهم لقمار
اما في جناح أدهم كان يهدر مع حنين الي كانت تتمسكن وتقلو خصني صاك hermes وهو يقلها معليه تستاهلي اما في جناح سلطانة ومالك كانت تحكيلو على القمر لي تلاقاتو اليوم وباين بلي سلطانة ومالك بيناتهم علاقة حب كبيرة بزاااف، وعشرة
اذن الفجر ،ناضت الونا ولقات صحبتها وعشيرتها نور راقدة قدامها ،حمدت ربي على نعم الصحبة لي عندها وناضت صلاة الفجر وقعدت تقرأ وردها من القرأن لانو نكون علبالها بلي كي تخرج رح تتلقا بباباها وكابابل يكمل عليها ،
في قصر ال حمداني كانو متلايمين على طاولة الاكل .
ادم : جدي
الحاج مالك : تفضل وليدي
ادم: كاين حاجة لازم نقولهالك اما خاصة
الحاج مالك : مبعدا نهدرو في مكتبي
جا عبد الكريم والحاج مالك وادم ومراد خارجين وصلوهم نسا لباب القصر لانو هذي عادة عندهم كل زوجة توصل زوجها لباب القصر
الحياة سلطانة: ادم وليدي ويكت تجي لي توصلك لباب دار
ادم : ان شاءالله ان شاء الله ماني 🙄
في دار بيت الونا
نور : انا نروح علبالك يما تسحقني
الونا : معليش وقفتك معايا مننساهاش
نور : مبيناتناش حبي
راحت نور والونا خملت دار ودارت لفطور وسكرت على روحها فشمبرا
في شركة AL hmdan كان ادم يهدر مع جدو
ادم : جدي انا معرفتش كيفاه نصارحك مي ...
الحاج مالك : غي الخير
ادم : كاين بزاف دراهم راهم ينقصو من الشريكة ،ومنعرف وين راهم يروحو
الحاج مالك : لاحظت اولدي ونضمنلك بلي في وقت قصير نجبد الفاعل
ادم : ان شاءالله
نوضحلكم لحكاية مراد كان يقمر على دراهم الشريكة ،وبابات الونا كان حاكم دلائل وصور لمراد وهو في الكباري يقمر ....،لانو نفس دومانو مي كي عاد من عائلة معروفة بابات الونا خبيث وعرف كيفاه يضرب ضربتو
فليل صالح قاعد مع سامية يحكيلها كيفاه رح ينفذ خطتو ويستغل الوردة لي عندو فدار لخططو الخبيثة ،
سامية: بصح علاه مطلبتش دراهم ؟؟؟
صالح: دراهم يخلاصو وكي تعود بنتي من هذيك العائلة رح يبقاو دائما يسربيو دراهم ورح نكونو نساب عائلة ال حمداني
سامية : انا عرفت شكون نخير وتبسمت بخبث ( الخبيثون للخبيثات )
في ريستورن قاعد ادم مع حنين هو ميحبهاش مي يعزها كصديقة مي هي حبت تطور العلاقة طمعا في ما أكثر 💵 💵💵
حنين : ادم نخرجو فاكونس انا وياك لدبي
ادم : روحي وحدك وتمتم بينو وبين نفسو : ولا ملقيتيش لي يصرف عليك
حنين : علبالك معاك تحلى وعادي نديرلك وش تحب وتبسمت بخبث وفجأة صونا تلفونها من نيمرو مش مريجستري مرة وزوج وثلاثة المرة رابعة فتح ادم لقاه صوت صاحبو حيدر
حيدر : الو ،الو حنين ارواحي للاوتال **** والخلصة كي لعادة وماذا بيك تلبسي روج
ادم معدش يضوي وكوبا
حكم حنين من يدها خرجها مريستورون وحكمها من شعرها
ادم : يا رخيصة كان علبالي بلي تحبي دراهم بصح مش لهذ درجة نتي اصلا متعنيلي والو ضربها بكوتبي وخلاها وراح
راح ادم لشط وقاعد يخمم والأخير هي ماكانت تعنيلو والو
غدوى صباح خرجت الونا صباح راحت للفاك بعد ما كملت شغلها خرجت بكري باه متتلاقاش بباباها، بما انو كانت خرجت بكري راحت تمشي على شط شوي وشافت واحد بطونبيلو عشط راقد في وستها
طلت الونا على لكارو لمحت ادم من بعيد قالت بينها وبين نفسها محلاه وقعدت تفرجت فييه زماان اومبعد راحت لانو متجراتش تروح ليه راحت لفاك
وفي قصر ال حمداني
ريمة بصوت غير مسموع تقريبا : عبد الكريم وين راه ابنك ؟؟
عبد الكريم بهمس : jsb شوفي نتي كي يسقسوك قلهم بايت عند يماك اكي
ريمة : اكي
باشرو فلأكل حتى سمعو دقديق فالباب راحت الخدامة تحل الباب
صالح : سي مالك هنا ؟؟
الخدامة : شكون نقلو ؟؟
صالح بتمتمة :لبلى هههه
الخدامة :.......
لبنات بارطاجيو لبارت مع كامل لي تحبوهم وديرو نسخ لهذ رابط وابعثوه لأي وحدة تعرفوها تحب لكرونيك ومتنساوش لي كمونتار اي ايلافيو
https://www.wattpad.com/story/375860671?utm_source=android&utm_medium=link&utm_content=share_reading&wp_page=reading_part_end&wp_uname=M_e_r_i_e_m_b
هذا هو رابط انسخوه
أنت تقرأ
تزوجنا بلإجبار فإنتهى بنا المطاف في الهيام ࣪ ִֶָ☾.
Literatura Femininaهاي بنات الكرونيك بلهجة الجزائرية راها مكتملة تفاعلو نحطهالكم أَلُوْنَاَ طفلة يتيمة الام تربات مع مرت باباها وباباها الخبيثين إلي ستغلو زينها وهي في عمر 23 لتزويجها بلإجبار لحفيد عائلة ملياديرية ،في حين ان طرفين مختلفين كل الاختلاف فهو مليار دير وه...
