...
رقيه . تمام اني رايحه الغرفتي محتاج شي مني
امير . سلامتج
رقيه . دخلت جوه رحت الغرفتي فتحت الكنتور مالي
وطلعت الكلاده الي جابها محمد الي ما انساها محتفظه بيها
رجعتها المكانها
ورجعت ادرس عندي امتحان اوووف والله تعب
كعدت على جربايه وصفنت صفنت المطي على كتاب
انكليزي ضليت صافنه وضميت املازم اجه أبالي امير يدرسني لان كلشي ما جاي افتهم من مدرسين على يوتيوب بعدين ونمت
كعدت على صوت منى
منى . اكعدي رقيه
رقيه . هاا
منى . ولج اكعدي اجو بيت عمي كلهم يله
رقيه . واني شسويلهم انزل اركصلهم
منى . انجبي وكومي
رقيه . روحي انتِ هسه اجي
اجت وخرت الغطى مني
منى . ولج كومي ابوي عازم عمي على الغده كومي
رقيه . يا غده وحنه بل ليل
منى . يا ليل هسه الساعه ١١ الصبح انتِ نايمه من البارحه
رقيه . اني نعسانه احجي كوه .... اي هسه اكوم بدون ما حس رجعت نمت وحسيت شخص يجر بيه
منى . كومي ساعديني يعني ما يصير اني اشتغل الوحدي بل بيت
رقيه . ليش تشتغلين الوحدج امي موجوده
منى . ررررقققيه
رقيه . يله يله كمت هسه بس ابدل ونزل
منى . خلال خمس دقايق اذا ما تنزلين اسحلج سحل
رقيه . طلعت منى واني وكفت على المرايه حكيت شعري
فتحته ومشتطه ولفيته كبايه ابملل وبدلت ملابسي ونزلت المطبخ غسلت وجهي ونزلت خصلتين من شعري
منى . هاج اخذي هاي صينيه مال شاي انطيها لاخوانج
رقيه . اخذت الصينيه دكيت باب الستقبال وطلع نذير اخذ
الصينيه ورجعت المطبخ
.... اكلج وين أمي
منى . بل دوام
رقيه . أمم
منى . يله طبخي تمن
رقيه . هو اني بيض ما اعرف شلون اطكه وترديني اطبخ تمن
منى . ليش عوزج كبر حتى ما تعرفين
رقيه . تمن ما اعرف اطبخ انطيني غير شي اسوي
منى . والله ما عندي كملت بقى بس تمن
رقيه . شنو سويتي غدء
منى . سمج شوي دجاج شوي
رقيه . شعجب ابوي عازم عمي ابو محمد
منى . مادري هذاك هو روحي اسئلي
