"سلام عليكم"
اعرف ان الاربعين خلصت من اسبوع تقريبا...
بس والله ما كدرت انزلها بوكتها لان تعبانه من المشايه...
وحتى ما نطول يلا نبلش🌹
______________________________________
______________________________________
"صحيت الساعة 3 الفجر... توضيت وصليت...
وبعدها لبست ملابسي انا وامي وخواني صغار"
•
"طبعا يلي راح مشاية انا وامي وثنين من اخواني الصغار علي ودعاء...
اخوي وصلنى للشارع بالستوته مالته"
•
"وبعدها نزلنه وكملنه مشي وخوي راح عبريه...
وحنا نمشي قابلنه ناس نعرفهم...
مثل جوارينه..."
•
"طبعا ما انسى الخدام...
حرفيا صغار وكبار... حتى اكو بنات بعمري يخدمن.
تمنيت لو انا هم اخدم بس للاسف مستحيل
" o(╥﹏╥)o
•
"وبعدها ما شرقت الشمس وختي الصغيرة...
كانت تريد نركب سيارة لان تعبت (눈_눈)
كلت لامي مو وكتها بس امي صعدت بسارة...
ليششششهععععع😭💔"
•
"ومن نزلنا توها شرقت الشمس...
كملنه الطريق.. واخيرا وصلنه لنص الشارع...
طبعا امي تعبت وخواني هم.. بس والله انا كملت ولا يهمني... اروح فدوه للامام علي {عليه السلام}
وكان المشي 9 ساعات... بس مرات نوقف نرتاح..
ونوب نكمل... بس الخدام والله ما قصرو...
بالماي حتى سوو خيم حتى نرتاح بيها"
•
"بس من ضمن الخدام كان اكو شايب جبير بالعمر
يوزع ماي وكول: اشرب ونعل يزيد
انا لا ارادين كلت: نعلت الله عليه
هههههههه
تره يزيد حتى السنة تكرها😭😂"
•
"وبعدها كملت بس فجاة رجلي صارت تعورني...
لان جورابي انشك.. وتراب دخل على رجلي...
وللاسف ورمت... كل ما احس بالالم...
اتذكر سيدة زينب {عليها السلام}
شلون تحملت كل هاذ؟!!!
مشت قرابه 7ايام... حتى توصل لكربلا"
"يا كربلاء ما زلتي كربا وبلا"
....
"وبعدها كملنه.... صارت الساعة 12 العصر...
ووصلنه اخيرا للخطوة... بس ما كدرنه نزور للاسف..
بس اعتذرت من الامام علي {عليه السلام}"
•
"وبعدها رحنا لموكب حتى نرتاح لان اكو بنيه...
الله يجازيها بالخير دلتنه على موكب حتى نرتاح...
يا اخي عسل... الله يحفضها... والله ما راح انسى يلي سوته"
•
"ونوب رحنا حتى نلاكي سيارة توصلنى للبيت...
والحمدالله لكينه وحده بس بطلعان الروح...
وهم بيها تبريد🙂✨"
•
"انا وختي نمنه من التعب... انا مشيت وانا شايله جنطه.. جنت اسعد اخوي بشيلها... لانها صغير وجنطة ثكيله...
وختي اصلا صغيرة وين تتحمل"
•
"وبعد شوي من الوقت وصلنا... الحمدلله"
•
"اول ما دخلت البيت... ذبيت الجنطه... وشمرت النعال (اكرمكم الله)...
وذبيت العبايه والحجاب ورحت نمت بغرفا امي... ههههههه
نمت انا وختي بيها...
وامي اخوي هم ناموا"
•
"بس خذيت ثلاث ايام رجلي وضهري يوجعني...
لدرجة بالقوة اركه وسجد😭💔
بس الحمدلله هسا ارتاحيت♡"
______________________________________
"وهاذ كل شي"
______________________________________
"الله يرزقكم حتى تروحوا مشايه الاربعين...
وطيكم القوة حتى تتحملوا"
"ادعولي اني اخدم بحق ام البنين"
«سلام»
