Captain Kim ( Completed )

Part.24

" Jeon .. မနက်စာချစ်လေးအတွက်ပြင်ပေး
နေတာလား darling .. "

Kim တိုးတိုးကလေးနှင့်ကပ်ပြောလာသောအခါ ..

" အင်း .. "

သူ့ကို စိတ်ဆိုးပြေသေးပုံဟန်မရှိသည့် Jeon ဟာလေ ကျွန်တော့်ကိုဂရုစိုက်မှုကလည်းမပြုတ်သလို
ခုကြည့် မနက်စာကိုပါပြင်ပေးနေသေးတာ .. ပြည့်စုံပြီး ဂရုစိုက်နွေးထွေးပေးမှုပေးတဲ့ ဒီလို အမျိုးသားလေးရတာကြည့်တော့ ကျွန်တော် ဘယ်လောက်ကံကောင်းလိုက်သလဲဗျာ ...

မနက်စာပြင်နေသည့် Jungkook ရဲ့ပါးပေါ်က အမာရွတ်လေးရှိတဲ့ နေရာလေးကိုရွှတ်ခနဲ အနမ်းပေးလိုက်ပြီး ကြည်ကြည်းနူးနူး၀ယ်ပြုံးနေသည်မှာ Kim ဖြစ်နေသော်ငြား Jungkook မျက်နှာထက်
၌ အပြုံးစစတောင်မရှိနေခဲ့ပါလေ.. တကယ်တော့ ရင်ထဲမှာ ပန်းပေါင်းစုံပွင့်လျက်ရှိနေတော့တာ .. ကြည်နူးမှုနှင့်အတူ သူ မပြုံးမိအောင် အတန်တန် ထိန်းထားလေသည် ..

ကြွက်သားတွေနဲ့ပြည့်တင်းစွာရှိတဲ့ လက်မောင်း
ပေါ်သို့ Kim ပါးလေးကပွတ်သပ်နေလေသလို
ကပ်ချွဲလေးလုပ်နေတာ အလွန်မှချစ်စဖွယ်ပါပဲ ..

" စိတ်ဆိုးနေပြန်တာလား ဟိုနေ့ကနမ်းလာလို့ အဆင်ပြေထားပြီထင်ထားတာကို .. မဟုတ်ပြန်ဘူးပဲ .. အဲ့လိုမလုပ်နဲ့လေ ရင်ထဲမကောင်းဖြစ်ရတယ် စိတ်ဆိုးတာနောက်ပိုင်းအရမ်းလုပ်လာသလိုပဲ .. "

" စိတ်မဆိုးပါဘူး .. Kim ဆီက ကိုယ်လိုချင်တဲ့အဖြေမရမချင်း ခဏတော့စိတ်ဆိုးဦးမယ် .. စိတ်ဆိုးပေမယ့် နမ်းတာတို့တော့ လုပ်မယ် .. "

စိတ်ဆိုးတာ ခဏတဲ့ မာဖီးယားကြီးက ..

ကျွန်တော့်ဘက်ကိုဆက်ခနဲ လှည့်လာ၍
ရုပ်တည်ကြီးနဲ့ပြောလာနေတာ အဆိုးလေးက အနမ်းကိုတော့မက်မက်မောမောဖြစ်နေတာ ..

" အို ဘယ်လိုတောင်ချစ်ဖို့ကောင်းနေတာလဲ "

" မာဖီးယားနော် ချစ်စရာကောင်းတယ်ပြောရင်
မကြိုက်ဘူး .. ကိုယ်ဘယ်လောက်ဆိုးတယ်ဆိုတာ
သိတယ်မဟုတ်လား ချစ်လေး .. "

Jungkook ရင်အုတ်ပေါ် လက်ချောင်းရှည်ရှည်သွယ်သွယ်လေးတို့က တို့ထိပြေးကစားလို့
နေလေပြန်ပါသည် ..