قصة زواج متقـــف الفصــــل الثاني(التتمة)

بارت356

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  356🚬

غوبشات فيها و تحنات لمستواها حيدات يدياتها الصغار من كسوتها..خلاتها طيح بلا قصد منها و خلاتها و كملات الطريق عادي...

خلات دراغون يطول الشوفة فيها...ما نعاجبش بتصرفها..

خرج باكية الݣارو من جيبو و الدورة لي غايدور
ما تجي عينيه غير فشي جوج رجال مجموعين و عينيهم عليهم...

ثبت الشوفة فيهم بشك من طريقة باش كايشوفو فيهم من دون الناس لي كاينين ...

حتى ردو البال كايشوف ناحيتهم...اللول شاف فالثاني و طارو ركبو دغيا فاللوطو و مشاو...

زاد تأكد بلي هاد الرجال مجيتهم هنا ما كانتش حسنة...

دور عينيه فالجوايه الفوق حتى لمح كاميرات المراقبة...

رسل ميساج لساريتا خابرها باش ما تبعدش من البلاصة لي فيها و أنه عندو شي شغل خرج ليه و بلي ما غايتعطلش...

تقدم لواحد محل المواد الغذائية بيها كاميرات المراقبة...شير لواحد الدري تماك  يجي عندو و راد البال مع ساريتا لي جلسات تسناه...

•••:[من الوشام لي لمحو يسحابو غير ݣاوري]نعام أ سيدي خاصك شي حاجة...

أرغد:[خرج من جيبو زرقات كمشهم ليه فيدو]الكاميرات عندك خدامين؟..

•••:[شاف جنابو و خشا الفلوس]اييه أسيدي...

أرغد:[تقدم بخطوات فايتو]غانعطلك شوية...

دخل للمحل و قصد الحاسوب..بقى راجع بالوقت اللور حتى ديك ساعة و حبس..

شافهم كانو مرة جالسين و مرة خارجين متكين على اللوطو ديالهم و من حالهم باينة كايراقبو شي حد...
خدا المعلومات لي بغا و باش ما تشكش فيه ساريتا لي عاؤفها متبعاه بعينيها حتى دخل لهنا...

شرا معاه سقاطة كثيرة و خرج كايدقق فهادشي لي شاف...

مريݣل أمورو مع لي كايتعامل معاهم شكون هذا لي كايراقبو و أشنو ناوي يدير...

طاح فبالو يعقوب و لكن شك ضعيف فيه لأنه قضى عليه و هرس ليه جناحو قبل ما يفكر يرد ليه الدقة...

هز التيليفون دوز الخط لعتيق حتى جاوبو...

أرغد:[بنبرة صارمة]غاتجمع الدراري لي كايراقبو داري...سول واحد بواحد واش شافو و لا سمعو شي حاجة مشكوكة فيها...

عتيق:خاي دراغون...واقع شي مشكيل؟...

أرغد:دير داكشي لي قلت ليك بلا زيادة فالهضرة...و عينيك ما يتحيدوش على داك الزا•مل...

قطع عليه و دار التيليفون فالجيب...

دار بكامل جسدو و ما يتخبط غير مع ساريتا لي كانت طالقة وذنيها معامن كايدوي...

أرغد:علاش كنتي واقفة ورايا[صغر عيونو فيها]كاتصنتي عليا؟...

ساريتا:[حاولات تكبح توترها]علاش غانتصنت عليك!!..راني جيت عندك على ود تعطيني سوارت الدار...

أرغد:ماشي بزاف باش خرجنا دغيا عييتي...

ساريتا:كانحس برجليا كايضروني...

أرغد:[هزها بين يديه خلاها كاتحدق فيه مجبدة عيونها]مزال الليل طويل خلي فيك السوفل شوية...

ساريتا عقلها ماشي معاه...مع الهضرة لي قال لعتيق...حايرة لاش وصاه يسول و الأهم عندها تساؤلات فبالها لاش مخلي دراري يحضيو الدار...أشنو السبب الكبير لي مخلي المراقبة على الدار...

ما لقات حتى تفسير...

فيقها أرغد من بحر تفكيرها على هضرتو...

دراغون:[شاف فيها بنص عين]فين سهيتي؟..ما بغيتيش ديري سيلفي لينا...

ساريتا:[بتاسمات ليه]هانا على الحبيب ديالي ما غانرجعهاش فوجهك كيف درتي نتا..ايوا نزلني..[شافتو ما تسوقش لطلبها و هي تغوبش]ما تقولش ليا غانتصورو هاكا؟...

دراغون:هزي صورينا بلا ما تضيعي الوقت أناكوندتي...

ما عطلاتوش..دغيا جبداتو بحماس و بدات تسيلفا معاه...مرة مقاربين بلقطات حميمية و مرة مباعدين على قبل الناس لي كايشوفوهم...