هو يريدها ملكه لا يراه أحد غيره
وهي تريد الحياة و الحرية
من سيفوز رجل احب حتى جن جنونه
ام امرأة تريد تحقيق أحلامها
في معركة الحب لا يوجد خاسر و فائز إما المعركة تنتهي بالفوز او الخسارة لكلا الطرفين
قصة بدراجة الجزائرية 🇩🇿🇩🇿
كيف كيف ناض هو لول دخل لدوش مرة هادي حست بيه فتحت عيناها و مرجعتش ترقد كما موالفة ناضت من بلاصتها و قعدت فوق سرير و تسنا فيه يخرج
خرج من دوش شافها قاعدة فوق سرير و تشوف فلباب تاع لحمام ساعة راهي سبعة واش لي نوضها مموالفاش جاتو بيزار عدا قدامها راح يلبس بعدما قالها صباح الخير ريماس: صباح نور بدل حوايجو و راح يمشط في شعرو وقفت قدامو شاف فيها ريماس: وين راك رايح فهد: واقيل باتي تخلطي بيا ريماس: راهي سبعة تاع صباح فهد(كمل يمشط في شعرو): و من بعد ريماس(شافت فيه و هي اصلا مفاهماش واش بيها راهي تسقسي فيه): ستناني نلبس راني رايحة نخدم فهد(مردش عليها) ريماس(راحت تلبس علابالها منين يسكت و ميشوفش فيها معناتها قال هيه و منين يسكت و يشوف فيها معناتها نو ) لبست حوايجها و خرجت تسقم شعرها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
هبطو مع بعضاهم لتحت خرجو ديراكت بلاما يفطرو اصلا كان مزال الحال على لفطور ركبو فطونوبيل ديمارا ديراكت فات على ريسطورو شرالها لفطور و مدولها و هو شرب قهوة كحلة مرة وصلها للخدمة تاعها كانت باتيمو صغيرة فيها ليبيرو على خاطر الفرع تاعها لي فدزاير صغير بارابور للفرع تاعلها لي فلالمان قبل ما تهبط هدر معاها فهد: منين تخلصي عيطيلي ريماس: مكلاه بعتلي شوفور ولا نجي طاكسي فهد(ببرود): راني هدرت ريماس: داكور(و هبطت من طونوبيل)
سناها حتى دخلت لداخل كونفيرما بلي دخلت و كمل في طريقو رايح يكمل خدمتو
فات نهار نورمال مي كان شارجي عند ريماس على خاطر كانت غايبة زوج شهور كاملة مارڨري كانت تخدم عن بعد مي ماشي كيف كيف مكانش عندها ممبا الوقت باه تتغذى فهد كيف كيف ليوم مرجعش لدار يتغذى و كمل يخدم
زينب نهار كامل وهي دور فلقصر عجبها كفاه شاد مساحة كبيرة بزاف و في كل بلاصة حاجة مجايش مخلط تمشات حتى وصلت جهة لحصونة شافت واحد كحل و شعار لي فيه قاوي بزاف كان باين فيه غالي و نادر
زينب(هدرت مع لي كان شاد الإسطبل): سلام عليكم الخدام: و عليكم السلام زينب: تعيش نقدر نستعمل لحصان الخدام: وي شكون فيهم زينب: لكحل للهيه( و نعتتلو بيدها) الخدام(ببتسامة): سمحيلي مدموزيل منقدرش تقدري تخيري واحد خلاف زينب: علاه (رد واحد من لاريار)
الشخص: على خاطر تاعي زينب(دورت ليه و شافت فيه) الخدام: صباح الخير ميسيو اياد اياد: صباح نور زينب: مكانش علابالي بلي تاعك ديزولي (و جات رايحة حتى حكمها من يدها) اياد(بإبتسامة): نو نورمال ماشي حاجة كبيرة باه طلبي سماح زينب(طلعت عينها شافت فيه و زاد هبطت عينها شافت في يدو لي شادتلها يدها ) اياد(شاف في يدو و طلقلها يدها): اذا حابة تركبيه ركبيه زينب: نو بدلت راي ميرسي و راحت و خلاتو بلاما تهدر معاه هو صح مدارلها والو مي تكره بنادم يمسها
اما عند اياد قعد يشوف فيها بإستغراب واش بيها و شكون هادي اصلا اول مرة يشوفها فدارهم و ماشي من لافامي دار عند خدام و هدر معاه اياد(بإستغراب): شكون هادي خدام: منعرفهاش ميسيو اياد اياد: ربي يعاونك و كمل طريقو و هي مزالها في بالو عندها هي ركبت طونوبيل ديراكت لي وصا فهد بوتيغارد عليها باه تخرج و تدخل براحتها
وصلت ربعة هزت تيليفونها و عيطتلو يجي يوصلها كما وصاها محاباش تزيد معاه جا ركبت و ديمارا فهد: تغذيتي ريماس: نو فهد: علاه ريماس: مكانش عندي الوقت خدمة شارجي و علابالك غبت كثر من شهرين وانا فدار بلاما نطل عليهم فهد(شاف فيها): مرة خلاف تغذاي متقعديش بلجوع بسبة خدمة ريماس: ممم و انت تغذيت فهد: نو ريماس: علاش فهد: كنت خدام ريماس: مام انت متزيدش تخلي غذاك على جال الخدمة فهد(مردش عليها حبس قدام ليرسطورو كلاس هبط و راح جهة باب تاعها ) ريماس(كانت تسنى فيه يفتحلها لباب زعما جانتل مان و لي عرفتهم من قبل كانو يفتحولها الباب ) فهد(شاف فيها مهبطتش قرقبلها فلكارو زعما تاع هبطي ) ريماس: ما يعرف والو زبل فتحت الباب و هبطت فهد: و كان زدتي شوية ريماس: كنت نسقم في روحي فهد(حكملها يدها و دخلو): ما عندك لي من تسقمي روحك ريماس: نسقم روحي على جالي انا ماشي على جال الناس فهد( مردش عليها دخلو لداخل قعدو في طابلة ايزولي باينة ميقدرش يقعد في وسط الناس و عيون يزغدو مخاصوش واحد في مومو هادا يخلط جدو نورمال اذا شاف فيها حتى شوفة نورمال)
دومونداو و جاتهم الماكلة و بداو ياكلو فهد(ياكل و يشوف فيها): علاه نهار نكون مكاينش فدار متهبطيش تاكلي لتحت ريماس: سي نهبط فهد: علابالكي بلي نكره لكذب و مازولتي تكذبي ريماس: كنت نهبط و ما كنتش نهبط ساعات حسب مورال فهد: ريماسسس ريماس(شافت فيه و بلعت ريق تاعها): فهد فهد: هدري ريماس: مكاين والو قلتلك من قبل بلي منحبش نخالط بزاف ناس و منين انت مكانش و انا منعرفهمش منحبش نهبط فهد: مزالكي تكذبي شكون لي كانت تحب اي حفلة ولا تجمع برك باه تدير لمعارف و تهدر معا ناس و دوقا راكي تقوليلي تكرهي تتعرفي على ناس ريماس: ماشي كيف كيف فهد: كيف كيف ريماس(قعدت تشوف فيها) فهد: راني نسمع احكي ريماس(بلعت ريق تاعها): شوف هو مكاين والو برك انا ولافامي تاعك منتفاهموش فهد(كان ياكل منين سمع واش قالت هز راسو شاف فيها): و علاه ريماس(بدات تلعب بلفرشيطة لي في يدها مكانتش حابة تقولو): صرا سوء تفاهم بيناتنا هذا مكان فهد: ريماس من صباح و انا شاد روحي عليك هدري كما ناس ريماس: شوفي من لخر انا و لافامي تاعك منتفاهموش من نهار تعارفنا و حنا نلوحو لبعضانا لهدرة هما قالولي كلام ميتقالش و انا تاني قلت كلام ميتقالش فهد: واش قالولك ريماس: نسيت فهد: ريماس ريماس: والله نسيت والله قالو و فاتت مام انا قلت فهد: و علاه مقلتيليش ريماس: سوق نساء ما عندك ما دير بيه فهد: مرة خلاف منين يهدر معاك اي واحد قوليلي ريماس(كملت تاكل): داكور
