»----------------«
Part 1
»----------------«
بقلم الكاتبة: k. e
غيم:
افوز بأكثر بنت حظها اغبر وزفت
اليوم الصبح الجو كلش حلو ومشمس بس قبل لا اطلع من الجامعه بساعات تغير الجو وصار ممطر والشوارع انملت مي مطر وي حظي لأن اليوم اول يوم شغل الي بشركه من الشركات الكبيره
فبعد ساعه لازم اكون موجوده بس وي حظي المنطقه المحيطه بالجامعه مثل الصحراء وصعب تدخل السيارات مثل هذا الجو
لهذا لازم امشي مسافه نص ساعه للشارع العام
بس المشكله مو هنا
المشكله اليوم كاشخه بقاط رسمي حلو واسود وحذاء كعب ابيض واذا مشيت راح يوصل الطين لراسي
والمشكله الاعظم الوقت قليل ما اكدر ارجع للبيت اغير واتوجه للشركه
فسلمت امري لله وبديت امشي او اقرب للركض لان تأخرت هواي
وصلت للشارع واخذت تكسي بصعوبه والوقت صار كلش قليل والقاط عباره عن طين
فاخذت كلنس وبديت انظف بس ماكو فايده
وصلت للشركه وبقيت اركض ركض لأن يمكن بده اجتماع الموظفين الجدد
دخلت وتوجهت لغرفه الاجتماع لأن جايه من قبل بفتره التقديم واعرف مكانها
استوقفتني وحده من الموظفات بضحكها
الموظفه: ايييع هاي شنو ما علينه بس المكدايات هي هاي شكل موظفه؟
-هو كلامها صحيح شركه **** من اكبر شركات تصميم الازياء حالياً
قبل كانت شركه بسيطه كلش بس قبل 5 سنوات من تم تعيين الرئيس الجديد بدت تكبر ويصعد شهرتها بشكل مخيف
على الرغم الرئيس شخصيه مجهوله وحتى شكله ما معلوم بس يگولون حاد الذكاء ومخيف
-هسه اني شعليه راح عليه الاجتماع وافكر بالرئيس المخيف
-عفتها تدردم لأن الوقت قليل لو مو هيج جان اگلتها بلساني
طرقت الباب ودخلت والكل توجهت نظراتهم عليه
سلمت واعتذرت لأن تأخرت بسبب المطر وشكلي اليفشل
بس مساعد المدير كلش لطيف وعذرني واذن لي اكعد حتى يكمل اجتماعه
تقدمت وجلست وسط انظار بين الحاقد ولعبانه نفسه وببن الشفقه وبين العدم المهتم
-كمل الاجتماع وتوجهت لقسم الخياطه الـ تم اختياري اشتغل بي
مشت حياتي بين دوامي الصبح بالجامعه لأن اني طالبه طب
وبين دوام الظهر بالشركه
واجهت صعوبه بين التعب وبين الكلام السم النسمعه احنا التوظفنه جدد من قبل الموظفات القديمات
لان احنا انقبلنا بسب الاختبار اليصير اول مره لأن كل مره ينقبل الموظف حسب مكانته وفلوسه وشهرته
أنت تقرأ
ابَـادة 12 شمعة
Tiểu Thuyết Chung»--------------؟!! -----------« -اتَرمز الى شَخص واحد ام شخصيات متعدده؟ -ما هي؟ -القاب ام اسماء ام موت ام اباده لا اعلم....! _____________________؟ » في ثنايا وظلام هذا الليل يبدء نشاطه برحلته اليليه ليمارس عمله المخيف الذي يتمثل بالأبَـــاده »...
