မင်းသက်တို့အဖွဲ့ Hotel ပြန်ရောက်တော့ ၈နာရီထိုးနေပြီ ၊ မမြတ်က ဒီညအာလုံးစောစောအနားယူကြရန်ပြောပြီး မနက်ဖြန် အင်းလေးထဲသွားမည်ကိုလည်း တစ်ခါတည်းမှာလိုက်သည်။
"အမတို့ မနက်ဖြန် ၈နာရီ ကားပေါ်အရောက်နော် ၊ အားလုံးမနောက်ကျစေနဲ့"
"ဟုတ်ကဲ့ပါအမ" ဟု အားလုံးပြောကြသည်။
********
မနက် ၆နာရီထိုးတော့ မင်းသက်နိုးလာပြီ ၊ သူ့အထက်အရင်နိုးတဲ့ အကိုခမ်းက ရေတောင်ချိုးပြီးနေပြီဖြစ်သည်။
တောင်ကြီးရဲ့ မနက်ပိုင်းရာသီဥတုလေးက အနည်းငယ်တော့ ချမ်းစိမ့်စိမ့် ၊ မင်းသက် အဝတ်တစ်ခါတည်းယူပြီး ရေချိုးခန်းထဲဝင်သွားလိုက်သည်။
မင်းသက်ရေချိုးပြီးထွက်လာတော့ အကိုခမ်းက
"ညီ အကို Dinning Room မှာဘဲစောင့်လိုက်မယ် ၊ အဲ့ကိုလာခဲ့လိုက်နော်"
"ဟုတ်အကိုခမ်း"
မင်းသက်လည်းပြင်ဆင်စရာရှ်ိတာပြင်ဆင်လိုက်သည် ၊ ဒီနေ့က အင်းလေးသွားမှာဆိုတော့ Sun Spray ဖြန်းမှရမယ် ဆိုပြီး တစ်ကိုယ်လုံးနီးပါးဖြန်းနေသည် ၊ မင်းသက်က အရေပြားပါးတဲ့အထဲမှာပါတာမို့ တစ်ခုခုထိတာတောင် အသားနီလွယ်သည် ၊ ဦး ထုပ်လည်းဆောင်းရမယ်ဆိုပြီး ဦးထုပ်ရှာကာ အခန်းထဲမှာ ထွက်ခဲ့လိုက်သည်။
"အသက် ၊ ချစ်စရာလေး ဘယ်လိုလေးလဲမသိဘူးကွယ် ၊ အမတော့ချစ်လိုက်တာ" ဟု ရွှန်းလဲ့က ပြောလိုက်သည်။
မင်းသက်က ကော်လံတီရှပ် အပြာနုလေးကိုမှ Short Pants အပြာနုလေးနဲ့တွဲဖက်ဝတ်ဆင်ထားသည် ၊ ခြေအိတ်အဖြူလေးနဲ့ Sneaker အပြာနုလေး ၊ တစောင်းလွယ်ထားတဲ့အိတ်လေးကတော့ ယုန်ရုပ်ကလေးနှင့် လျှာထိုးဦးထုပ်လေးကတော့ အဖြူ ၊ ဘယ်လိုကြည့်ကြည့် လူကောင်းသေးတဲ့ မင်းသက်က ကလေးသာသာလိုပင်
"ဟီး ၊ အမလည်းကြည့်ကောင်းတယ်"
"အသက်လာ မနက်စာသွားစားမယ်"
Dinning Room ထဲရောက်တော့ အကိုခမ်းက လက်လှမ်းပြကာ
"မရွှန်း ကျွန်တော် အကိုခမ်းနဲ့ဘဲထိုင်လိုက်မယ်နော်"
YOU ARE READING
ချစ်ခွင့် မရှိတဲ့အချစ်
Romanceမင်းသက်ဆက် အသက်လေ ဘယ်သူ့ကိုမှ မယုံရဲသလို ဘယ်သူ့ကိုမှလည်း မချစ်ရဲဘူး ရှိုင်းခေတ်မဟာ ကိုယ့်ကို နည်းနည်းလေးမှတောင် အခွင့်အရေးမပေးတော့ဘူးလား အသက်ရယ် ကိုယ်လေ ချစ်ခွင့် မရှိတဲ့ အချစ်ကိုမှ ချစ်မိနေတလား
