دخلت توق ورا هند وشافتها عن المغاسل
توق ببرود : وش صار يا هند ؟
هند وهي تمسح دموعها : فصلوني حتى ينتهي التحقيق
ضحكت توق بسخريه وناظرتها هند بحده
توق : على بالك اني مالاحظت انتي خليتيه ياخذ سلاحك عن قصد صح هند. ؟
هند : وش تقولين انتي ؟ ليش فكر ينتحر قوليلي يمكن من طريقه استجوابك
جوهم ولاء ورغد على اصواتهم
توق : حلوو علميني كيف طريقه الاستجواب بعد
هند : ايه بعلمك واضح ماتعرفين شي وتخرجتي بالواسطه زي جيتك هنا واسطه بعد
ولاء : توق هند خلاص
هند : انتي وين تربيتي وعشتي عشان تصيرين كذا
توق : ياشيخه تعالي اوريك وين تربيت
رغد : خلاصصص
هند : روحي اسألي عني بكل المراكز توق كلهم يطلبوني عشان شطارتي وانتي مدري شلون قبلو يجيبونك
ولاء : خلاص هند اسكتي
هند : ليش تسكتوني انا هي غلطانه
رغد : ترا اروح اعلم رعد وقتها يطلع حرته من الي صار فيكم هند اطلعي
هند : بس
ولاء : هندد برا
تأففت هند تطلع تسكر الباب بقوة وناظرو توق
توق : طيب انا جيت بواسطه
ولاء : عارفين صح
توق : بس ما اسمح لها تشكك فيني بروح اضربها
حاولت رغد تمسكها بس ماقدرت : احسن انقلعي عنيده سوي الي تبين
طلعت توق وشافت رعد بوجهها ومسكها لما تجاهلته وكانت معصبه
رعد : وشفيك ؟!
توق : بروح اضرب هند
رعد : اوكيه الله يقويك
كانت بتروح بس رجع يسحبها له مرة ثانيه : بنت امزح وش فيك انتي بس قوليلي انتي معك تقرير انك مجنونه ؟؟
توق : لاتسألني حاولت كثير بس ماعطوني
رعد : لاتطقطقين انتي متوترة من الي صار صح
توق : لا ولا والف لا
ابتسم وهو يناظر عيونها الواسعه وشامتها الي تجذبه بطريقة ما
تكتفت تناظره بحده وتقول
توق : اعطيك صورتي استاذ رعد ؟؟
رعد : اقول بلا سخافه من زينك
توق : انت الي من زينك يا ابو تعابير وجه جامده الي كل حياتك شغل بشغل لو تشوف وجهي بس بتعرف ان الكل يتمناني
رعد بسخريه : اجل وريني وجهك يالله
توق : وع من زينك اوريك وجهي دز
رعد : انتي متناقضه مع غده ولا شي تناقض ؟؟
توق : يا حضرة الرائد حاولت فيهم يعطوني تقرير عشان تعرف حالتي بس ماقدرت مثل ماقلت لك قبل شوي مو راضين
رعد : يوم من الايام ابيك تكونين جديه وتوفين بوعدك لي
قلبت توق عيونها تهز راسها وسمعت صوت شخص يلقي السلام
لفت وجهها تناظر المدعي العام ادم ووراه ولاء ورغد المستغربات
مد ادم يده لرعد يسلم عليه : السلام عليكم انا المدعي الجديد ادم ال سيف تشرفنا
رعد : تشرفت فيك اكيد قالولك عن الي صار ؟!
ادم : مع الاسف ممكن توريني كل شي
رعد : طبعا تفضل
ولاء : دقيقه دقيقه مافهمت مدعي ايش ليش طيب مو توليب المدعيه هنا بعد ؟؟
رعد : ايه صح بس بعد الاستاذ ادم شاطر كثير وجالسين نحاول نختصر الطرق وهو بيساعدنا تفضل
راحو ادم ورعد اما البنات طالعو بعضهم بتوتر
رغد : كلنا نعرف انه شاطر صح سمعتو عنه
توق : لو ماسمعنا عنه ماكنا متوترين
ولاء : كلمو توليب ونقولها كل الي صار
__________
كانت توليب جالسه على الكراسي الي قدام غرفة العمليات وتناظر يدها الي عليها دم اسر خذت نفس عميق ترفع راسها تحاول تمنع دموعها
توليب بهمس : لاتبكين عشانه لاتبكين انتي ماتحبينه بس ممتنه له توليب انتي بس ممتنه له وبتحسين بالذنب اذا صار له شي مو حب فيه
لفت تناظر عبد العزيز الي طلع من الغرفه ووقفت بسرعه تتوجه له
توليب : خالي كيفه ؟؟
حط عبد العزيز يده على كتفها يهديها : ماعليه هو بخير الحين بس يده بتقعد مجبسه فترة ، توليب اهدي لو يدري ماهر بالي صار بيفتح محاضرة هنا
توليب بعد ماتنهدت : عارفه مايدري الا ابوي وخالي جراح وقالو انهم كلمو اهله و حتى امي وعمتي فلك مايدرون للحين
عبد العزيز : زين اذا بغيتي شي انا بمكتبي شوي ويطلعونه
هزت راسها وتركها يروح لمكتبه
رفعت جوالها ترد على توق
توليب : هلا ؟؟
توق : كيف الوضع عندكم
توليب : الحمدلله بيطلعونه بعد شوي صار شي جديد ؟؟
توق : ايه جا المدعي العام الجديد ادم ال سيف
توليب : ايشش عيدي عيدي شلون كذا !!
توق : مثل ماسمعتي
توليب : كيف يسوون كذا بدون مايقولون لي هوية المدعي الجديد ليشش
توق : اهدي يابنت الحلال
توليب : كيف بهدا وانا اشوف نهايتي قدامي ادم معروف عنه انه اذا حط شي براسه يسويه ماقد سمعتي عن قضاياه ؟؟
توق : انا عارفه بس محد بيكشف اي شي سامعه اهدي الحين انتي وينك بجيك
توليب : لالا لاتجين انا شوي واطلع
توق : تمام لاتحتكين كثير مع اهله
توليب : ابن الحلال عند ذكره يبان
قالت كلامها وسكرت الجوال توجه نظرها ل امل وساميه وعبد الرحيم وحوريه الي اساسا بالمستشفى عشان دوامها
جت ساميه ومسكت توليب بخوف : وشفيه ولدي يا توليب قوليلي
تقدمت امل بعصبيه تبعد ساميه وتمسك ذراع توليب بقوة : وش سويتي لهههه وش مسويه لزوجي ماتجي من وراك الا المصايب
ناظرت توليب يد امل ومسكتها تبعدها
توليب : ماصار شي اصابة عمل والحين وضعه تمام شوي ويطلعونه انت خلص شغلي هنا مع السلامه
بعدت عنهم تحت انظار ساميه الي الندم بدا ياكلها من اول ماسمعت ان حفيدها مات قبل مايشوف الدنيا ومعاملة امل السيئه لها لأول مرة تحس بالندم الشديد
___________________
كانت لينا جالسه وهي ترجف من الي صار وتاكل اظافرها دخل عليها امير بسرعه يمسكها من شعرها
امير : لو اشوفك معلمه ابوك ولا جاي يهددني اني لا ادفنك هنا ومحد داري عنك
لينا : امير بعد عني الي فيني مكفيني
امير : والله ؟؟ الي فيك مكفيك وانا بعد يا مدام عندي اشياء اهم منك
خلص كلامه يرميها على السرير بقوة ويطلع
حطت يدها على ظهرها تتأوه بألم
لينا بنبره مهزوزه : ياربي سامحني ماكنت ابي اقتلها دمرت حياتي بسبب غيرتي
_________
ناظر ادم هند ولف على رعد يكلمه
ادم : مدامها عطت افادتها تقدر تروح
هز رعد راسه يرفع يده لها : هند تقدرين تروحين
ناظرته هند لثواني بشرود وهزت راسها تطلع من المركز
ادم : اكيد عنده سبب للأنتحار يمكن ماقدر يستوعب انه بيدخل السجن او موصينه يقتل نفسه اذا انمسك
رعد : ممكن عادل اسمعني دور اذا فيه احد من اهل نضال او قرايبه هنا وشوف وينهم
عادل : ابشر
توق : بس فيه شي اهم ماعاد نقدر نوثق بتقرير الطب الشرعي بعد ماعرفنا انه تم التلاعب فيه
رعد : ماكان ودي اقول كذا او حتى نسويه بس لازم نفتح قبر بينار
ادم : بجيب اذن وكلمو اهلها وخذو الاحتياطات الا صح بالمناسبه جابر وائل وش اخر اخباره ؟؟
ناظرو البنات بعضهم بتوتر وقال رعد
رعد : ماندري للحين
ادم : ممكن هرب !
رعد : احتمال وارد بس امير جالس يدور اخوه زي المجانين ومافيه اي شي يدل انه مسافر
ادم حط يده على جبهته يفكر ونطق بهدوء : متأكدين انه للحين عايش ؟
غمضت ولاء عيونها من حست بمغص قوي داهمها ناظرت توق ورغد الي بادلوها نظرات التوتر والخوف بس يحاولون مايبينون لأحد
رعد : مافيه اي دليل انه ميت
ادم : مصيره يطلع انا بجيب اذن من البلديه عشان نرجع نشرح الجثه
رعد : تمام وحنا بنكلم اهل بينار
أنت تقرأ
روح تراني طايب النفس مابغاك حكم طغى ماعاد ينفع نظامه
Romansمخيلتي الثانيه حاضرنا الحالي واحداثه مرتبطه بالماضي والي صار فيه حلي القضيه يا توق وخلصينا من الم الماضي وذكري رعد فيك
