قصة زواج متقـــف الفصــــل الثاني(التتمة)

بارت 366

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  366🚬

فاطمة الزهراء:شوف...لا السماحة مسامحك و لا الشوفة ما باغا نشوفك مزال...أ سيدي غير فرقني عليك انا مخطوبة دبا و ما بقى والو نتزوج...هالعار لما فرقني عليك هالعار...

نزار:غاتزوجي و نتي قلبك واخدو واحد أخور...و بيمن مخطوبة بواحد شماتة زهواني عينو فالتفلية...

فاطمة الزهراء:نتا اش كاتخربق...لزم حدك و عطيني التيساع أ بنادم...

نزار خرج ليها تيليفونو موريها فيديو لخطيبها و هو جالس فكافي مع بنت كايضحكو و شاد فيدها...

نزار:شفتي على عينيك الخطيب المصون لي ناوية تزوجيه...ها هو غير ب 10 دقايق جالس مع هادي كايتغزل بيها...

رمشات عوينها بزربة بعدم تصديق لكلامو...و بعدات منو  خرجات تيليفونها بزربة كاتصوني على خطيبها أبيل فيديو...

بقى يصوني شحال حتى رد عليها مبتاسم و هو جالس فاللوطو ديالو...

صهيب:أهلا...توحشتك فين غبرتي و لقيتك سادة الواتساب...[دور الكاميرا جيهة واحد المرا]شوفي شكون معايا...الميمة فوزية المرا لي رباتني شحال و هي باغا تشوفك و ها هي جات الفرصة...

المرا:سلام بنيتي لاباس عليك...تبارك الله ما شاء الله عرفتي تختار أ ولدي...

فاطمة الزهراء:[بتاسمات ليهم بزز]أ الحمد لله أ خالتي...سمحو ليا غانقطع دبا حينت نتا كيف عارف عندي مقابلة عمل اليوم....

قطعات عليه بزربة و طلعات معاه بتخنزيرات حارين...و نزار ضرب يدو مع الحيط كايمشي و يجي ما عرفش كي دار ليها حتى قدر يضحك عليها...و يفلت...

فاطمة الزهراء:أشنو كايسحاب راسك كادير...ملي شفتيني ما مسوقاش ليك جيتي باغي تفرقني على خطيبي...آخر مرة نشوفك قدامي و لا و الله العظيم حتى ندير فيك جريمة...كانكرررررهك...

مشات و خلاتو متبعها بعينيه و شد فراسو بيديه بجوج لاقي راسو فدوامة...ما عارفش اش غايدير مع هاد خونا حتى يبعد عليها...

فالجه الأخرى...كان خطيب فاطمة الزهراء جالس فاللوطو...خشا يدو فالجيب و عطى الزرقة تنطح ختها لديك المرا...

صهيب:سالات خدمتك...تقدري تمشي...[تسناها حتى نزلات و نطق بشر]كايحساب ليك راسك ذكي أ يا ولد الكلبة و ما فخباركش بلي لي كانحطو فراسي ما يفلتش من يدي...

              _____________

الليل...

بعد ساعات و ساعات وصلو للدرب...نزلات ساريتا هي اللولى سبقاتو دقات فالباب...

غير وقف حداها قلبات وجهها لجهة أخرى...حتى حلات عليهم سميحة الباب و تفاجئات بوجودهم...

جرها أرغد عنقها مزير عليها...و هي مبادلاه العناق كاتشم فريحتو لي توحشاتها...

أرغد:كي بقيتي الواليدة...وصلني بلي مرضتي البارح...كاتحسي براسك مزيان؟

سميحة:[بلعات ريقها]الحمد لله أ وليدي...نحمدو الله و نشكروه وليت شوية...[قلبات عينيها لجهة ساريتا و قربات عنقاتها]الله يا بنيتي وجهك صفر دخلي رتاحي ما تبقاي واقفة...