قصص عراقيه قصيرة

هوجاء الباشط *1*

أحتاج صوت طفولتي
فبراءة الأطفال شعر

.............

ملاحضة 📌
الرواية تحتوي اكثر من ثلاث ابطال
ولاتحكمون علئ الرواية من اول بارتين

قراءة ممتعه للجميع

🫧🫧🫧🫧🫧🫧🫧🫧🫧

فزيت علئ صوت قوي ضرب الباب ...

المكان اضلم .. رطب .. اطرافي باردة

ريحة زفرة الدم الجامد على ايدي وبلگاع قوية لعبت نفسي ..

حسيت ماكدر اكوم وجسمي نحلان صارلي شكد فاقد .
ومادري .... راسي ..يوجعني وجع مو طبيعي

لزمته بثنين أدية اصرخ بألم ..
فتحووووو الباب .. فتحووووو

الله لايوفقكم..

....
اريد اطلع .. فتحولي الباااااااب ليش حابسيني
ضرربت الباب اضرب بكل قوتي .. لحد.موجعتني ايدي ....

بقيت بدون ملل اكرر صياحي
وشكواي .. ليش حابسيني
وشنو تردون مني ..
بس لاحياة لمن تنادي
شكيت اني محبوسة لوحدي بمكان مهجور
لان مستحيل بشر يسمع صوت صراخي ومينقهر ويدخل يشوفني

الألم براسي صار مينحمل
وكل مااصيح يزيد اگثر معرفت شسوي

كطعت شعري تهسترت اضرب براسي بلباب اريد الوجع يروح . او حتئ يهدء شوية قابله

ابتعدت من سمعت صوت المفاتيح وانفتح الباب . دخل ... شكله يخوف ضخم شعره خفيف اشبه بلكرعه
.. هذا الي تبينلي .. لان المكان شبه اضلم

صااح.بصوت .. طرشني
تسكتييين ..لوووو شلون ..بيج

مجاوبته ..باوعت للباب مفتوح .. اكدر اعبر من جوة ايده ..
ركضت اريد اطلع ..
جرني من ياخت ملابسي .. ولطمني بلحايط ..

شهكت النفس انكطع .. احس ضلوعي تكسرن

طبك الباب وتقدم عليه
واني احارب حتئ أجر النفس ...

:: باعي .. تأدبي .. وكعدي عاقله ..
ترة عدي صلاحيه .. اكسرج .احركج ..
كلشي اسوي بيج... ومحد يحاسبني بس
كسرتي خاطري .. ..
فصيري عاقله هااا ...... وسدي حلكج

:: ماا ..مااخاف منك ..

:: لا راح تخافين ..

حجيت.. ببجي ..شفتي ترجف كلت بلكي ينكسر خاطرة عليه

:: خليني اطلع ..الله يخليك .. تريد فلوس عمامي عدهم كومة فلوس .. والله ينطونك بس وديني الهم انتم ليش حابسيني اني واله فقيرة كلشي ممسوية