هوسه و غيرته عذبوني 🔞🔞

لَا آسْمَحْ لِعَيْنَيْكِ أنْ تَرَى رَجُلًا غَيْرِي

الجد(بإبتسامة): مرت حفيدي معرفتيناش على ضيفة
ريماس( بتاسمت معاه بسيف): صاحبتي زينب
الجد(شاف في زينب و ضحك): الله يبارك متشرفين بك دار دارك ابنتي زينب
زينب(بإبتسامة): ربي يحفظك
الجد(بتاسملها و زاد دار شاف في ريماس): بنتي ريماس سمعت بلي حبستي لخدمة و ليوم رجعتي
ريماس: نو لي قالك غالط محبستش من لول كنت في كونجي و حبيت نوالف هنا قبل ما نبدا هذا مكان
الجد: داكور بون كوراج
ريماس: ميرسي

عائلة سليمان من بين اغنى عائلات و اقواها و ناس كامل تشوفهم بلي عائلة متماسكة و هذا كامل لأنهم مزالو يعيشو مع بعضاهم و جامي بينو للناس بلي بيناتهم بروبلام و حياتهم شخصية في الخفاء دائما جامي بينوها لصحافة مي لي كان معلابالهمش بيه ناس انو هما عائلة خمسة دقائق ميقعدوهاش مع بعضاهم كل واحد لاهي في حياتو ياكلو في طابلة وحدة برك بلاما يهدر واحد مع تاني

ملقاش واش يزيد يقولها ولا يسقسيها و ما عندو ما يقول كمل يهدر فالخدمة و سياسة كأي عائلة
ريماس(قتلها ديكوثاج قعدت تشوف فيهم واحد واحد اول مرة تركز معاهم مليح شبيها نفسها مي قدرت بأبيبري تعرف شكون هما خوتو تاع فهد شافت في اياد و هدرت في وذنو تاع فهد): هداك خوك
فهد(كان يسمع ليهم و يردلهم كما عادتو قد سؤال حتى سمعها هدرت معاه هز راسو شاف وين راهي تشوف): مم و هبطي عيناك
ريماس: علاه و كملت تشوف و هذاك مشكيتش خوك عيناه باهيين جايين في خضر ماشي شايع بزاف مي انت و خوك عيناكم كوحل
فهد (شاف فيها لقاها تشوف في بن عمو): هبطي عيناك
ريماس: افف مام في هادي تاني خلاص بطلت منشوفش و دورت وجهها
قعدت ساكتة شوية و بعد زادت هدرت معاه
ريماس: معندكش ختك
فهد( شاف فيها): نو
ريماس( يا ربي سيد مزوجة بيه قريب ثلث شهور معلاباليش اسكو عندو ختو ولا نو )

زينب كرهت جد القعدة و جد ناس لي قاعدة معاهم اموا و كان قعدت جهة زينب و كان راهي تهدر معاها ماشي تقعد ساكتة و تشوف فيهم
كانت ساهية حتى سمعت لي كان قدامها هدر معاها
اياد: واش بيكي ساكتة مدموزيل زينب
زينب( شافت فيه): نهدر معاك بارازار
اياد: لافاسو باغلي تاعك ماشي كما وجهك
زينب( يا ربي خاصني غير هو): خويا شوف فيا انا بنادم منحبش الهدرة بزاف و ديجا منعرفكش متهدرش معاي
اياد(بكالم): اعصاب مملاحش مدموزيل
و ناض من قدامها
زينب: تهنية ( و دورت تشوف في ريماس باه تقلها نطلعو عييت)
ريماس(كانت مزالها تشوف حتى شافت زينب تشوف فيها و تقولها بعيناها يلاها نطلعو شافت في فهد و هدرت معاه): فهد عييت بغيت نطلع
فهد(بلاما يكثر الهدرة ناض من بلاصتو حكمها من يداها و خرج): تصبحو على خير
ريماس(بإبتسامة): تصبحو على خير
زينب( ناضت من وراهم): تصبحو على خير و معرفة خير نشاء الله بتاسمتلهم و راحت

هما طالعين فدروج و زينب من لاريار طالعة وراهم حتى وصلو لفوق
ريماس: فهد دخل انت نهدر معاها و نجي
فهد(شاف فيها): مطوليش
و دخل و خلاها معاها واقفين فلكوروار
زينب: اففف وأخيراااا نوضتي و هنيتيني
ريماس: مام انا حشمت برك نوض سنيت شوية تاع لوقت زعما باه ما يقولوش درتها بلعاني
زينب: والله كرهت حياتي
ريماس( قربت عندها): واش كان يقولك خو فهد
زينب: يا رحم باباك متفكرينش سيد ممبا ميعرفنيش و جاي يهدر معاي و لاسق فيا
ريماس: بلاك ما دارهاش بالعاني
زينب: ميهمنيش بالعاني و لا ماشي بالعاني تعرفيني مليح نكره الهدرة لي بزاف
ريماس: متعمريش راسك بيه
زينب: من بكري
ريماس: المهم بونوي تهلاي في روحك
زينب: بونوي غدوة نشاء الله

زينب دخلت لاشومبر تاعها و ريماس كيف كيف دخلت لقاتو متكي ما لابس والو غير بوكسور هبطت عينها و دخلت تبدل حوايجها
ريماس: يا ربي مولاش يحشم خلاص سيد تعرى عليا
بدلت حوايجها و خرج ديراكت تكات في بلاصتهت بلاما تشوف فيها ولا نقولو افيثات تشوف فيه طفات ضوء و غمضت عيناها
كان مغمض عينيه حتى حس بيها تكات فوق سرير فتح عينيه و شاف فيها و كانت ظلمة كاين غير ضوء لقمر داخل من لبالكو

فهد(ببرود): مرة خلاف منين نكونو في مجمع متشوفيش في راجل بخلافي انا
ريماس(فتحت عيناها و دورت راسها تشوف فيه هذا منيتو ولا كيفاه): مكونتش نشوف كنت حابة نعرف فاميلتك هذا مكان
فهد: ما عندك ما ديري بيهم (قرب ليها كثر) و اخر مرة نسمعك شكرتي في راجل سوا معاي و لا مع غيري
ريماس: عجبوني عيناه هذا مكان
فهد(دم بدا يطلعلو لراس حكملها الفك تاعها حتى تفتح فمها): تسمعك هدرتي على راجل و لا حتى شفتي فيه غير شوفان مرة جاية اقسم بالله لعلي العظيم لسانك نحرقو لك و علابالكي بلي هدرة لي نهدرها نديرها و طلق يدو منها
ريماس( حطت يدها ففك تاعها و بدات تبوجي فيه هبالو كل يوم يزيد على تاني كيفاه رايحة دير معاه يا ربي حركت راسها و ما هدرتش معاه تقلبت و غمضت عيناها)