"بعدك يجرحني وقربك يشفي لي جروحي"

[الجزء الرابع والعشرون]

تنهدت عروب بضيق : ماتحس اننا قاعدين نسوي ذنب وغافلين
مالك : لاتدخلين بالنوايا يابنت الناس انا نيتي اساعدك ومن بعدها انتي بطريق وانا بطريق ،هذا اذا ما انكتب النصيب ،انا جيت اساعدك والذنب اني اقرب لك وانا ماني محرم لك وانا ماقربت ولاشفتك ،وماني بمأذيك وانتي برقبتي يابنت الناس
عروب : اسفه ما كنت ابي ادخل بنيتك ،بس حاسه بذنب
مالك :من أي ناحيه؟
عروب : مدري احس بذنب اتجاه كل شي ،يعني انت ماخذني...
قاطعها مالك : عشان احميك ،الحين بأوديك البيت وتقفلين الباب عليك ونقفل هالموضوع ،واذا عن قضيتك بأمسكها لك وتسوين نفسك ولا كأنك تعرفيني اعرفيني بـ مسمى محامي ،مالك هذا تنسينه وقتها
عروب بضيق :ان شاء الله
تنهد مالك يايبادلها نفس الشعور بالذنب لكن نيته انه يحميها وبس ..

----------------

• مـهـاب :

دخل مكتبه وهو يشوف صور زوجته المتوفيه ،شد على قبضته بقهر : صبرك وانا بأخذ حقك منه ،مثل ما دعسك بأدعسه ،ومثل ما وجعك بأوجعه ،يفكر بكذبته انه ماجد بن سعود بتعدي لكن ياويلك يابدر ،كشفت اسمك لي واعترفت لكن ماتعرف مصيرك ،دخلتني بمتاهه مع عيال سعود وهمام وبأدخل بـ متاهات مامنها مخرج غير الموت
قاطعه صوت دق الباب ،سحب الصوره وخباها بدرج مكتبه :تفضل !
دخل احد الرجال : عرفت مين من اهل الرعد بالمستشفى
مهاب : بنت عمه ،ندري بس اخلص علي
الرجل : بنت عمه وتر تصاوبت برصاصه وللحين بغيبوبه
مهاب بضحك :لهذي الدرجه البنت ضعيفه من رصاصه دخلت غيبوبه ،تستهبل علي انت؟
الرجل : مو بس كذا ،اصابه اسفل الرأس وخسرت دم كثير عشان كذا هي بغيبوبه
مهاب : خلصنا من بنت عمه للرعد ،حوّل لي على الرعد ، انزل لأقرب ورشه وجب لي أي شخص تحسه ضعيف شخصيه وشاطر بشغله خذه وجبه عندي اليوم
الرجل : ابشر ،تامر على شي
مهاب : قفل الباب وراك
خرج الرجل ،اما مهاب تنهدت وهو نيته مو الرعد نيته بدر ،لكن يبي يبن لـ بدر انه معاه عشان يسحبه لصفه،عدل جلسته وهو يناظر سقف مكتبه ،الين قاطعه دخول بدر بضحكه : وش ناوي عليه يامهاب ؟!
عدل مهاب جلسته : خلك في حالك يابدر مالك شغل فيني
بدر يلي جلس وهو يعدل ثوبه : انت تدري ان تركي صار قريب للرعد ،يعني مخبى اسرارك عند الرعد
مهاب بعدم اهتمام : وانت وش تنتظر رده فعل مني ،تبيني اخاف ،الرعد ريشه بس يحب يستعرض قوته على احفاد سعود لاجل يجذب جده له وياخذ الورث
ضحك بدر :ونجح ولد جبر واخذ بيت سعود
مهاب ببرود :والمطلوب وش نحرقه ولا نسرقه؟
بدر : المطلوب نبين ضعف الرعد ،يعني نحرق جرحه اكثر
مهاب وهو يبعثر شعره ويرجع يرتبه مستقصد استفزاز بدر : وانت تبي ضعف الرعد لانه بين ضعفك قدام اهل زوجتك ولا وش ناوي عليه؟
التفت بدر بغضب ورجع نظره لـ مهاب : لاتتكلم عن الضعف وانت عشان بنت انهرت واحرقت الدنيا
وقف مهاب بغضب : شوف لو ماتلزم حدك ارميك مع هالعماره وابن امه وابوك يلي يلاقيك يابدر
اقترب بدر :تهدد ؟
مهاب : تعرف تفرق بين التهديد والحقيقه ،ولا نجيب لك سبوره وقلم نشرح؟
رفع بدر حواجبه وابتسم على جنب بنظره خبيثه : شكلك مافهمته ،وانت يلي مثل الاهبل مشيت ورا كذبه وخطفت بنت ،على اساس انها ايش ؟... بنتي ،تبي بناتي ، تدل بيتهم روح واختار ماهموني
اقترب مهاب وهو يمسك ياقه بدر بغضب :بناتك ياحيوان مب لعبه للناس ،بناتك الرسول وصى عليهم ،تروح وتبيعهم للرايح والجاي ،خبل انت؟
ضحك بدر : لو انك قلت هالكلام لنفسك قبل تاخذ بنت ماجد و.. تعرف انت وش سويت؟
مهاب بغضب : انعمى على عيوني ياكلب انعمى ، شوف يابدر اقسم بالذي احل القسم  لو ماتدفع دينك وتهج عن وجهي لاأخذ دينك من روحك وقتها ارتاح
بدر : ملك الموت انت !
مهاب : انا موتك يابدر ،اطلع ولا اشوفك قدامي والا هالنافذه تطلعك اسرع من الباب ،وماضنتي اسهل من كذا في النزول
بدر بحده : تفكر يالرخمه ان كلامك هذا ..
قاطعه ضربه مهاب يلي تركته يتألم بالارض :الرخمه اعرفهم زين وقدامي
وقف بدر بغصب وهو يمسح دم انفه : هالضربه بترجع فيك يامهاب وصدقني بتنصدم بطريقتها
مهاب :نعرف غدر الثعبان وسمه ،لكن صدقني بترجع الايام وبتلدغ نفسك ،انا تبت ومالي فيكم
طلع بدر وقفل الباب معاه بقوه ،تنهد مهاب وهو يرفع جواله ناوي يكلم الرعد ويسلم نفسه لهم ..