ابو سعود: ولد لاتتدخل بين الاب وبنته
ناظر ابو سعود البنات وكمل: اجلسوا انتم
شوق: غصب هو
نوره بعدت يد ابوها: ياخي فك!!
خالد: ادخلوا داخل
عائشه ناظرت سعود ورجعت ناظرت ابوها: انتوا مو كنتوا تقولون لاتقربون من العيال الا اذا كنتوا بالحلال ، وش الي تغير الحين وتشبكونا فيهم؟
ابو رائد: هاذاك اول ماهو الحين
ابو سعود: خلاص تمثيل ياخي نقول لهم ونفتك
تنهد ابو رائد ونطق: ابوي مات من سنين وكاتب وصيه والوصيه حقته مانفذناها
نوره: مانفذتوا وصيه جدي فيصل طيب ليه
ابو نوره: اجلسي
نوره: ماني جالسه
خالد: اجلسي خلينا نفهم الوضع
ناظرته نوره بنظرات بريئه وجلست بعيد شوي عن خالد ونطق ابو نوره: كانت وصيه ابوي ان تكونون اصدقاء وتسولفون وتلعبون مع بعض
ناظرت شوق العيال ورجعت وناظرت ابو نوره: طيب دام ذي الوصيه من زمان ليه مانفذتوها الحين حتى اسمائهم مانعرفها
ابو نوره: ماقدرنا
نوره: ايه واضح لانك عاصي
ناظرها بحده ابو نوره: بنت عدلي اسلوبك
نوره: تبي تنفذها الحين ، تمام
ناظرت نوره العيال واشرت على كل واحد فيهم الى ماوصلت لخالد
: وش اسمك
خالد: خالد
مدت يدها لخالد: ولد عمي لازم اتعرف عليه ونكون اصدقاء
ناظر يدها ومد يده لها
وقفت وناظرتهم: خلاص ماصار شي هذي وصيه جدي ونفذناها
ابو نوره: على فكره اليوم في عزيمه
نوره: اسمع ان راح يجون البنات ذوليك والله اني اخرب ام العزيمه
ابو نوره: جربي
ابتسمت بخبث ونزلت من الملحق ودخلت للغرفه وقعدت على جوالها تشوف صورها هي والبنات الصباح
قامت وطلعت فستانها الاسود الماسك على الجسم وحطته على سريرها
وجلست قدام التسريحه تتمكيج دخلوا عليها البنات وناظروها تتجهز للعزيمه
شوق: بكل بروده تتجهزين
نوره: ماعليه ماكان صار هواش قبل شوي
ضحكوا عليها البنات ودخلوا للغرفه يتجهزون بعد
متعب: نذبح مهنى
سعود: ليه
متعب: لحمها زين
سعود: يلا امش
دخلت عليهم عائشه ونطقت: وش راح تسوون
التفت عليها سعود وسكت
متعب: بنذبح مهنى
شهقت عائشه: بذبحك انت بدالها
متعب: اخوك انا بعدين شتبين فيها
ركضت عائشه تاركتهم رايحه لمهنى وصلت لعندها وحضنتها: والله ماتلمسونها
سعود: وش فيك ترا كلها ناقه
عائشه: بس ذي مو اي ناقه
متعب: يعني حبيتيها بس عشانها ناقه جدتي الله يرحمها
عائشه: اصلاً هي قالت لك وحلالك
سعود: اجل نشوف غيرها عشانك
عائشه ابتسمت: كفو عليك بس لاتخلي متعب يقرب منها اعرفه
ضحك سعود وناظرها: تأمرين على شي ثاني استاذه عائشه
ابتسمت عائشه: شكرا استاذ سعود
سعود ضحك وكملت عائشه: سعود احلف انكم ماتقربون منها
سعود: ابشري والله مانقرب منها
عائشه مدت اصبعها الصغير: وعد
ضحك سعود: ماتفهمين
مد اصبعه الصغير وحطه بأصبعها وكمل: وعد
ابتسمت له ومشت تاركتهم
مرت ساعات وجات الساعه 8:32 بالليل
وجو المعازيم ونزلت سلمى هي و شوق وحنان وليان
سلموا على الحريم وطلعت شوق فوق وناظرت نوره اللي كانت تتصور
ونطقت: البنت الي تهاوشتي معها العيد الي راح ترا موجوده
نوره: خليها تسوي شي وربي ماتسلم مني
شوق: يلا لاتطولين
نوره: ايه بنزل انا وعيوش وبيان مابنطول
هزت راسها شوق ونزلت تحت
بيان: نوره قفلي فستاني
نوره: لفي
لفت بيان وقفلت فستانها نوره
وناظرت عائشه: بنات تعالوا بنتصور
عائشه: يلا
وقفوا البنات جنب بعض وقعدوا يتصورون
نوره: شوفوا
عائشه: ياحلونا
ناظرت عائشه بيان وكملت: اخوك والله كفو
بيان: ليه
عائشه: كانوا راح يذبحون مهنى بس ماخلاهم و وعدني ان مايلمسونها
بيان: ترا اخواني كلهم كفو
قاطعهم دخول ام سعود: يلا يابنات انزلوا لا اهبدكم بالعصا
نوره: خلاص نازلين
نزلت ام سعود ولحقوها البنات نزلت نوره اخر وحده ورا البنات
ناظروا الحريم فستانها الاسود وجمالها وشعرها البني الطويل
سلمت على الحريم وجلست جنب البنات
ناظرتهم الحرمه اللي قدامهم وتشوف كل وحده اجمل من الثانيه ونطقت: اخوات انتم
نوره: لا بنات عم
الحرمه: مشاءالله من بنات من انتم
حنان: بنات ال فيصل
ناظرت الحرمه نوره: وش اسمك انتي
نوره: نوره
الحرمه: اسمك الكامل
نوره: نوره سعد ال فيصل
الحرمه: مشاءالله
قامت نوره وطلعت فوق ولبست عبايتها وطرحتها ونزلت برا وناظرت الرجال والتفتت وناظرت خالد قاعد مع سلطان وسعود عند النياق والدكه بعيده عنهم تقدمت لهم وجلست عندهم: وش تسوون؟
خالد: تبين شاهي؟
نوره: لا بطني تعورني
خالد: سلامتك
ناظرت نوره سعود وربتت على فخذه: زانت العلاقه
سعود: علاقه من؟
نوره: عيوش
ابتسم سعود والتفت يناظر مهنى: والله كنت بذبحها بس ماقدرت
نوره: وش فيك صرت خفيف
سعود: اعقب
ضحكوا كلهم عليه ونطق خالد: قوموا
نوره: وين والله الجلسه حلوه
خالد: بنروح بعيد عن الرجال
نوره: هناك زين
خالد: لا هناك
نوره: بعيد مره
خالد: ماتبين ادخلي داخل
نوره: اقول امش ما ابي عندهم
خالد ضحك: ليه وش مسويين لك بعد
نوره: قعدت تسألني اسأله زي بنت من انتي؟ ، يعني زي كذا فهمت وكأنها جايه تخطبني
خالد عقد حاجبينه: تعقب!
نوره: وش فيك
سلطان: وش اللي تعقب ترا عادي يمكن تبيها لولدها
خالد: والله تعقب!
نوره: يععع عاد من زين ولدها!
ناظرها خالد وابتسم: ايه عاد من زينه
نوره: ليه شفت ولدها؟
خالد بكذب: ايه عاد تكفين لاتشوفينه شعره ابيض كأنه شيبه
وصوته يخوف اعوذ بالله وفي وجهه جروح كأنه متهاوش مع احد
سعود: ابوك يالكذب
خالد اشر على نفسه: انا كذاب؟
سلطان: ايه كذاب والله انه مزيون وحليوه
خالد تحمحم: حليوه بس انا احلى منه
سلطان: واثق الاخ
نوره: منجد تراه حلو
خالد: من؟
نوره بأستيعابها البطيء: انت
ابتسم خالد وبانت غمازاته ناظرت نوره غمازاته وابتسمت: الله عندك غمازات
خالد: شرايك بس؟
نوره: مره حلوه حتى انا بس خفيفه بس انت مره محفوره مشاءالله
تحمحم خالد وتسند على التكايه
شوق: شوفي وينها
عائشه: تمام
قامت عائشه وقعدت تدور على نوره ناظرت الدكه اللي بها الرجال ولفت للجهه الثانيه وماكان في احد نزلت وراحت للخلف وناظرت سلطان وسعود وخالد ونوره: وش تسوون هنا؟
سلطان: زي ماتشوفين
عائشه: وش فيك رحتي من عند المعازيم
نوره: عيوش خليني بحالي الحرمه مره غثيثه
عائشه: حتى انا ما ابي عندهم بجلس معاكم
سعود: حياك
جلست عائشه جنب سعود وناظرته: ابي شاهي صب لي
سعود: تشربين الشاهي؟
عائشه: ايه صب
صب لها سعود ومده لها اخذت منه الكوب وناظرته: شكرا
سعود: العفو ، انتبهي تحترقين
هزت راسها وناظرته: عسى مالمستوها
سلطان: من؟
عائشه: مهنى
سعود: لا والله بمكانها
نوره: بقول لكم س..
قاطعها جية حنان: شتسوون هنا
نوره: ولا شي اجلسي
حنان: بتذبحني امي
عائشه: ماحد درى اجلسي
جلست حنان بين سلطان وخالد وكملت نوره: بقول لكم سر عن عيوش بس لايطلع
حنان: انا اعرفه
نوره: ايه تعرفينه
خالد: قولي
نوره: كنتوا دايم تشوفون شعر ينتثر عند النياق صح؟
سعود: ايه انا كنت اشوف
عائشه: متى بالله؟
سعود: اتوقع قبل العيد بأسبوع شفتك بحوض الناقه
عائشه: ايه كنت احلبها
نوره: يع تحلبين ناقه
عائشه: عادي
نوره:المهم احنا البنات بس عارفين وانتوا تونا نقول لكم
عائشه: تكفون الا ابوي وعمامي ورايد لايدرون الا ذول
سعود: ماعليك ذول الثلاث اسرار
ناظرته عائشه وابتسمت تحس ودها تحضنه لكن مستحيه وتوها ماصارت حلاله
نوره: تكفون نبي نجتمع كلنا العيال الباقي والبنات
خالد: وين تبونها
سلطان: احس تعرف المكان الي بالديره هنا قريب بس بعيد شوي
خالد: وينه ذا
سلطان اشر بيده: هناك بعيد شوي
سعود: لكن اكون بالليل والله حلوه
نوره: ايه وبرضه اصور القمر بجوالي بالليل مع الغيوم
خالد: وابريق شاهي
سعود: متى نسويها
عائشه: بعد عرسنا
سعود ابتسم: عرسنا
حطت عائشه يدها على وجهها و وخر سعود يدها عن وجهها: ليه بالظبط بعد عرسنا
عائشه ابتسمت: بعدين بقول لك
حنان: الله يتمم لكم على خير
سعود: امين
رفعت نوره جوالها وناظرت الساعه: الساعه 1:28تأخرنا
خالد: خذتنا السوالف
نوره: مو مشكله انشاءالله بعد عرس سعود وعيوش بنروح هناك وبنسهر الى الفجر
ابتسم خالد ونطق سلطان: تعشيتوا
حنان: لا
خالد: خلاص نجيب لكم
هزوا راسهم البنات وقاموا كلهم من الجلسه والعيال راحوا للمجلس ولقوه فاضي
سعود: والله وخذتنا السوالف
خالد: بجيب لهم عشاء وبرجع افرشوا فراش نومنا
..
اعذروني ادري انه قصير🤎🤎.
