روح تراني طايب النفس مابغاك حكم طغى ماعاد ينفع نظامه

البارت ١٢

نزل من سيارته يناظر البستاني الي واقف قدام البيت
رعد : انا الي كلمتك ندخل ؟؟
البستاني : تفضل
دخلو بيت المزرعه يناظره رعد يحاول يلقا شي ماشافوه او لمحوه بالتفتيش الاول
رعد : متى اخر مرة شفت جابر او كلمته
البستاني : انا بس اشتغل بالحديقه وعطاني هذاك اليوم مهام اسويها برا المزرعه وانا جاي اخذ اغراضي شفت ثلاث بنات داخلين وانا رحت
عقد رعد حواجبه بأستغراب يتكتف : تقدر توصفهم لي ؟
البستاني : طبعا كانو ثلاثه وواضح يدورون شي وحدة منهم شكلها كان
بدا يوصفهم له بدقه خلت ملامحه تبرد من الصدمه ويتمنى ان الي بباله مو صحيح
رعد : وبعدين ؟
البستاني : تقريبا على الساعه ١٢:٠٠ الليل اختفت سياراتهم كانت اربع سيارات مدري مين الشخص الرابع
رعد : فيه كاميرات مراقبه
ناظر البستاني حوله وهز راسه : ايه فيه بس مدري وينها مهندس البيت اشرف على تركيبها بأمر من الاستاذ جابر بأماكن مخفيه بس هو والمهندس صالح يعرفون
رعد : طيب تقدر تتواصل مع هذا المهندس او تعرف رقمه
هز البستاني راسه وطلع جواله يتصل على صالح يطلب منه يجي بشكل مستعجل
_______
طلعت توق من الحمام وهي تنشف شعرها بالمنشفه جلست على الكرسي تبدا ترطب جسمها ومشطت شعرها تتركه على راحته طلعت لها بجامة عباره عن تيشيرت اسود وشورت بنفس اللون
خلصت تروح سريرها تجلس عليه ومسكت ايبادها تبدا تشوف اخر المستجدات حقت القضيه
ناظرت جوالها الي رن بأسم رعد ترد عليه
توق : هلا
رعد ببرود : تجين انتي وتوليب وولاء ورغد للمركز
عقدت حواجبها من نبرته تستغربها : ليش
رعد : فورا
وسكر الخط بدون مايسمح لها ترد
تنهدت بتعب تقوم تبدل ملابسها وخذت عبايتها ونقابها تلبسهم حطت سلاحها بشنطتها وطلعت تتصل على توليب تقولها

قبل بوقت عند رعد بالمزرعه ~~
نزل صالح من سيارته وشافهم بوجهه
تقدم يسلم على رعد الي طلع هويته
رعد : بس ابي منك تطلع لي الكاميرات حقت المراقبه صارت تلزمنا
صالح : طيب ابشر تعال معي
ابتسم له رعد ودخلو فتح صالح مخطط توزيع الكاميرات الي على جواله
صالح : مافيه الا كاميرا وحدة بس
رعد : طيب طلعها
هز راسه وتوجه للوحة الغزال يشيلها وتبان الكاميرا الصغيره الي وراها
ابتسم رعد بنصر ومد له صالح الكاميرا
رعد : مشكور ماقصرت
ابتسم صالح بمجامله له : ابد واجبي محتاج شي ثاني
رعد : لاتسلم مع السلامه
رفع صالح يده يودعه اما رعد توجه للسيارة حقته يتوجه للمركز وتحديدا لمكتبه جلس يفتح اللابتوب وبدت انفاسه تتسارع لأول مرة يخاف يشوف شي بيكون مفتاح لقضيته
رفع راسه من دخل اسر الي يده ملفوفه وناظره يستغرب حالته الي تبدو مزريه
اسر : وش فيك ؟؟
رعد : رحت بيت جابر وجبت الكاميرا والي سمعته من البستاني بيصدمك
اسر : وش سمعت !
رعد : احتمالية ان جابر انقتل كبيرة وكثير
توسعت عيون اسر وكمل رعد : وصف لي بنات جو للمزرعه يا اسر مواصفاتهم خصوصا وحدة منهم تطابق توق بالضبط ابتسم اسر بصدمه من كلامه : يا شيخ شدراك لو انه شايف وجيههم كنا اقتنعنا
رعد : شكيت حتى انا عشان كذا جبت كاميرا المراقبه
تقدم اسر يوقف ورا كرسي رعد الي خذ نفس عميق يزفره سمى بالله يفتح الفيديو ويبدا يراقب كل شي من بداية مكالمه جابر مع توليب حتى وقت طلعتهم من البيت بعد ما اخفو الاثار
ناظر رعد توق الي كانت فاتشه ومبينه عرفها من شامتها وجته رجفه من شكلها نفس البنت الي تجيه بالحلم ماتوقع ولا واحد بالميه انها هي ناظر اسر الي 
شد على يده وعيونه بس على توليب  ومعصب من جوا بسبب جابر وبنفس الوقت حرقة قلب من مصيرهم وكيف بيساعدون البنات
حط رعد راسه بين كفوف يده من الي شافه ووش سوو
رعد : وانا الغبي مالاحظت شي عليهم وتصرفاتهم الي مو معقوله وش سوو ذولي كيف بنطلعهم منها الحين
كانت عيون اسر على الفيديو الي ينعاد وهو مو مصدق الي صار خذ نفس وراح لباب المكتب بيطلع وقال : سو الشي المناسب واتخذ القرار بعد ماتواجههم وكلمني