ما أعرُف أچذب بـ المشاعر
تحچي الصدُك تشبع خسَاير
حال المسّودن حالي صاير !
بچفوفي أطفيها الجكاير .
#حُب_مسموم للكاتبة نجمّة
التفتت وانا اتأمل هل غابة المُريبة
كل أشجارها جافة واوراقها متساقطة
سمعّت أصوات الكلاب وهي تنبح
دِب الخوف بداخلي وجسمي بدأ يرتعّش
اني وين ؟ وشنو جابني هنا !
الدُنيا ظلمة وضوء خافت عاكس مِن القمر
يادوب اگدر اشوف طريقي
الجو بِارد واني لابسة مُجرد فستان أبيض قصير
بجيت بخوف وقلق واني أحاول ادفي نفسي
لمحت بيت مهجور قريب مني
رحت أركض ألتجئ إله رغم خوفي
فتحت الباب ودخلت واني ابجي واشهگ
ياربي شوصلني هنا، هذا حلم لو حقيقة ؟
أمي وأبوية وين، ليش عايفيني وحدي !
تأملت هل مكان المُخيف
كُلشي مينشاف منه بسبب ظلامة
لمحت ضوء خافت جدًا جاي من نهاية الممر
تمشيت وبِكل خطوة مني چان
يشتغل ضوء وينور البيت
وگفت بمنتصف البيت واني مستغربة
التفتت وشفت كل خطواتي چان مزروع تحتها
ورد، والبيت صار دافي أكثر من قبل
أبتسمت بعد ما أختفى الخوف بِداخلي
وكملت مشي واني مطمئنة لسبب مجهول
وكفت بنهاية الممر واني أحاول اشوف
شنو إللي ورا الضوء
صحت بصوت خافت
- اكو أحد هنا ؟
ماكو إي رد، التفتت للبيت
إللي صار عبالك بستان ورد
والجو يجنن والفراشات تطير بكل مكان
كُلشي جان خربان تعّمر مرة ثانية
بأحترافية أذهلتني، ضحكت واني
اشوف هل منظر گدامي عبالك كاعدة بالجنة
من گد ما حلو ومرتاحة بيه
تنفست بِراحة والتفتت للصالة
شفت ذئب مُفترس يتأملني بعيونه الجمريّة
نظراته ثاقبة وحادّة كأنُ ديترصد فريسته
أنصدمت ورجعت بخطوات خايفة
واني ابجي واهز راسي بَـ لا
شفت البيت رجع لحالتة القديمة
كل شيء تعّمر بالورد والفراشات
رجع بالظلام والخراب
قشعريرة سِرت بجسمي من الخوف
دموعي كامت تجري مِثل الشلال
ثلجت أطارفي، حسيّت الدنيا كلها سكتت
وما أسمع غير بس أنفاسي المتقاطعة
سمّيت بالله وركضت بكل سرعة
فتحت الباب ناوية أشرد
سمعت صوت طفل يبجي ويستنجي بيه
وهو يتمتم - لا تعوفيني وحدي
YOU ARE READING
حب مسموم
Mystery / Thriller"لا يقتل السمّ إلا ببطء" مُجرم، مِاكر، قاسٍ في قلبه لا مكان للرحمة والحُب داهيّ بذكائه، يتلاعب بعقول الناس ببراعة محولاً كل موقف لمصلحته جرائمه لم تكن سوى ظل لانتقام دفيّن يُهابه الجميع بسبب شخصيتةُ القيّادية فقد نحت لنفسه سمعةً تجعلهُ مصدر خوف ورع...
