بيبي الله يرحمها چانت دائماً تگول انو المحبه من الله ومستحيل مستحيل تجبرين احد يحبچ ، بس اني هالحب أذاني اهلكني دمرني اصعب شعور ممكن تجربو هوه الحب من طرف واحد .
-
عايشين بمدينه صغيره او بالاحرى عائله صغيره هالمدينه من چبيرها لـ صغيرها واحد يعرف الثاني وكلنه ماعدنه حقد و واحد يحب الثاني ، اني اسمي أزل ومن طفولتي المدينه كُلها تعرف انو اني احب موسى تعالو نشوف شنو صار .
أزل : ماما اني رايحه لبيت خاله ملك
نادية : ايي تمام اخذي هالخبزات وديهن وياچ وسلميلي عليها
أزل : تمام حبيبتي
-
عقيله : يا هلا بـ بنتي يا هلا
أزل : هلا بيچ خاله ، انطيني ايدچ ابوسها
عقيله : يمه فدوه الاخلاق حبيبتي ، هاله دتشوفينن شلون الچنه تكون زينه ويه حماتها تعلمي تعلمي
هاله : شو كأنو كثرانه جيتچ لهل بيت حبيبتي أزل
أزل : نزلت عيني
عقيله : حبيبتي معليچ بيها تتشاقه
أزل : عادي خاله اكيد متقصد شي
عقيله : اويلي شلون خبزات جايبه تشكريلنه امچ
أزل : من عيوني خاله ، يلا خاله محتاجه شي اني رايحه
عقيله : حبيبتي براحتچ ، سلميلي على امچ وگولي الها بالليل عقيله تجي عندي موضوع وياهه ، غمزتلها
أزل : حطيت شعري وره اذني وابتسمت بخجل ، يوصل خاله
- بالليل
عقيله : ولچ وينچ فتحي الباب تعبت صارلي ساعه ادگ
نادية : فتحتلها الباب ، يا اهلاً وسهلاً عذريني والله ما سمعناهه
عقيله : هلا بيچ يلا يلا مصار شي
نادية : يلا تفضلي تفضلي
عقيله : نادية اكيد بنوتتنه أزوله گالت الچ انو راح اجي اليوم وعندي موضوع وياچ
نادية : اي گالتلي خيرچ أن شاء الله شكو ضل بالي
عقيله : عيني السالفه خير خير لا تخافين ، اريد بنتچ لابني موسى
نادية : ههههههه حبيبتي شنو دتوصين هيه هيچ السالفه تصير غير تجيبون عائلتكم كلها وتطلبوها ؏ سنه الله و رسوله
عقيله : ايي حبيبتي شنو تعلميني يعني طبعاً هذا الي راح يصير بس دااخذ موافقتچ ، واصلاً السالفه واضحه بنتچ تريد موسى تحبه
نادية : السالفه مو بأيدي بأيد ابوها ، شنو هالحچي هذا تحبه انوب
عقيله : ايي ايي غشمي نفسچ غير الامه العربيه كلها تدري
YOU ARE READING
شئت أو أبيت
Short Storyعندما تحب لا يخبرك قلبك انك سوف تحب ، يبدأ الحب ويكبر وانتَ لا تعلم والمشكله الكبرى لا يمكنك السيطره على هذا الحب لانه ليس في يدك انه في قلبك الذي لا يخبرك . - امرأه و رجل يحبان شخصين من طرف واحد وتدور الدنيا و يجبران على الزواج من بعض وهما يكرهان...
