الفصل الخامس
وقت فرح البشر يجي الحزن
بدايه الفصل
صحيت من النوم دخلت الحمام اخدت دش و لبست بدلتي و واقف قدام المرايه و لقيت ياسمين بتحضني من ضهري
ياسمين : صباح الخير يا حبيبي
انا : صباح النور يا حياتي
ياسمين : رايح فين كدة
انا : رايح المجموعة بس الاول اعدي على صقر و اطمن على ورد
ياسمين : مش ناوي تخلي ورد تيجي تعيش معانا
انا : قريب يا حببتي مش دلوقتي
ياسمين : ليه بس يا مازن اذا كان انا موافقه و مش معترضة مستني ايه
انا : و انتي فكره انها سهله ادخل اخد ورد من بيت رنا و صقر و اطلع بيها عايش كمان ههههه
ياسمين : خلاص اتكلم انا مع رنا
انا : مش عايزك انتي تتكلمي علشان ميكونش في حساسية بينك و بنها بعدين البنت غاليه عليها شويه بس
ياسمين : ماشي يا حبيبي هدخل اخد دش و احصلك
انا : ماشي يا قمر
نزلت تحت لقيت ادم قاعد
انا : صباح الخير
ادم : صباح العسل يا خال
انا : صاحي بدري يعني عندك محاضرات وله ايه
ادم : اه عندي محاضره بدري بس ايه الدوشة اللي حولينا دي في حد بيبني جنبنا
انا : اه ده سالم ابو الليل يبقي قريبنا ام جدك سليم و صالح و فريد تبقي اخت جدتة
ادم : اه طيب
نزل تيمور من فوق و هو لابس لبس المدرسه بتعته
تيمور : صباح الخير يا جوز اختي
انا : صباح العسل يا اخو مراتي عامل ايه
تيمور : بخير يا سيدي رجعته امته
انا : الفجر يا معلم
تيمور : طيب
انا : رايح فين كدة
