بقلمي: مريم الطائي 🕊️.
التصويت + التعليق بين الفقرات.
instagram: 1joml0
tiktok: 5m_2jj
ثاني يوم كاعدين دناكل واجا بابا علينا طلع عرف منو دخل للبيت.
اياد: الكلب داخلين للبيت ماخذين كل الاغراض.
الام: شلون عرفوا عدنا كل هل اغراض؟
اياد: الكل يعرف اني ظابط وعندي مسدس وشغلات للبيت بكُل سهوله دخلهم للبيت واخذوا الي يعجبهم وطلعوا.
الام: اي والمستمسكات مالنا شلون؟
اياد: الله كريم اجيبهم.
الام: هسه اكول لابن اخوي يجي وياي لخذ المستمسكات.
اياد: كعدي ماكو طلعه المكان خطر.
الام: بس كالوا تعالوا رجعوا امنه المنطقه.
اياد: هما يكولون هيج حتى يكتلون فد كتله.
الام: الله كريم.
_ راح بابا بليل وماما كامت فرشت النه نمنا الى ثاني يوم كعدنا ؏ صوت ماما وهيا تكول:-
الام:- تمام ثواني واني جاهزه انتظرك.
صار عندي فضول اعرف ويامن جانت تحجي وين رايحه كمت الها جانت داتبدل كعدت يمها وكلت:-
فاطمه:-ماما وين رايحه؟
الام:- رايحه لبيتنه اجيب المستمسكات.
باوعتلها ثواني وكلت باستغراب:-
فاطمه:- مو بابا منعج ماتروحين؟
الام:- اروح وارجع وميعرف اني وابن خالج بسرعه ماطول. من يرجع ابوج روحوا لبيت عمتكم اني هناك رايحه.
فاطمه:- هزيت راسي بأي مسكت وجهي لثواني وكالت
الام:- اخوانج بأمانتج خوش.
هزيت راسي بأي واجا ابن خالي دك هورن لماما وطلعت علي واني ضليت بمكاني حايره ؏ ماما لا يصيرلها شي وخلت اخواني امانه عندي ليش؟ لان اني معتمده علي كثير اسئلي بالي وماعندي جوابهم كمت عزلت البيت عما يجي بابا.
أنت تقرأ
"" جحيم منذ 2014""
Randomالقوة في مجتمعنا دائماً تكون عند الرجال. ونادراً تكون عند النساء. لكن بطلتنا لا تعرف شي اسمه نادراً هل ستكون قوتها كقوة الرجال؟ هل ستكون صبوره؟ هل ستتحمل مصاعب الحياة؟ هل ستتحمل فقدان احد من افراد عائلتها؟ ام لا؟
