بسم الله الرحمن الرحيم
البارت الثالث
بقلمي : حب موروث
لتنسون التصويت والتعليقات حتى نستمر ..
ماينعدل حچيك دَرب ويا الكبور ...
وكفت ورا الباب اتنفس سريع وخايفه شكو طلعت مادري عود اريد اغير جو اااف
رحت لغرفتي طلعت اوراق وكمت اشخبط بيها طلعت فيلم وبقيت اباوع صارت ساعه 4 الفجر يلا نعست وكدرت انام .
﴿رواس ﴾
نغم : رواس كومي شري الملابس .
رواس : تمام..كمت اخذت السله مال ملابس وصعدت فوگ شريتهم على المنشر كملت ورحت لغرفتي فتحت المبايل مالتي اكلب بي .
طلعلي حساب مال شاب دخلت عليه هواي ناشر صور بملابس رسميه وهو شكله كلش چذاب عيونه سود لحيته متوسطه دخلت للبايو مكتوب مدرس رياضيات.
طلعت من الحساب وبقيت اكلب بالمنشورات
ماعرف شلون اجتي بالي ابحث على اسم ريماس
رحت للبحث كتبت ريماس بالعربي وجربت هواي وبحثت ملكيت حساب او بالاصح ماعرف اذا هذا حساب الها او لا عفته وطلعت من البرنامج كله .
كمت طلعت لوحه والالوان وكمت ارسم لوحه
رسمت منظر طبيعي وخليتها ضمن الوحات بغرفتي
تعلمت الرسم من ريماس وكبرت واني عندي هل موهبه ...طلعت من صفنتي على دگه الباب
اياد : رواس كاعده
رواس : يي تعال دخل مبتسم بيده جباسه وحلويات
اياد : تاكلين ويايه ؟
رواس : اخذت حسره ابتسمت وهزيت راسي يي تعال يلا
اياد : ماما كالت باجر اخذكم نروح لمدينه العاب نسوي حفله عيد ميلادي صرت ٥ سنوات
رواس : العمر كله حبيبي ييي نسوي حفله
كعد يمي وفتح الجبس وياكل ويسولف شنو يسوي باجر يحجي براءه ميدري شنو داير مدايره
اخخ ياريت لو الإنسان يبقى صغير وميكبر
اياد : رواس انتي شكد عمرج ؟؟
رواس : 13 سنه حبيبي.
اياد : هههه هواي عمرج انتِ .
رواس : ييي يي يلا اياد كافي روح نام تأخر الوقت
.
اياد : تصبحين على خير رواس .
رواس : بست خدوده تلاكي الخير يا عيون رواس .
﴿راهب ﴾
