بسم الله الرحمن الرحيم
البارت الرابع
بقلمي : حب موروث
لتنسون التصويت والتعليقات حتى نستمر..
(وطن مابي صدك بس الله واهل البيت )
﴿ريماس﴾
ريماس : يلا طلاب كعدوا كل واحد بمكانه حتى اوزع الاسئله.
ــ ست شلونها تنحل لاا !!
ــ اذا قاري تنحل ليش لا .
ــ لعد سلملي .
ــ ههههه لا انتوا ابطال نص ساعه تخلصوها يلا عيني كافييي هدوء ماريد صوت .
وزعت عليهم الاسئله وبدوا يحلون وكفت اراقب عليهم إلا إن نفتح باب القاعه ودخل الحارس .
ــ عيني ست يردوج بالاداره .
ــ بس عدهم امتحان هسه شلون ..اكو مدرس كاعد ماعنده شي لو لا ؟؟
ــ ييي استاذ دائب موجود .
ــ بلا زحمه كوله خلي يجي يوكف على الطلاب حتى اطلع .
ــ تدللين ست .
راح الحارس يصيح استاذ دائب شلت مبايلي دقايق واجه .
دائب : اخذي راحتج ست .
ريماس : هزيت راسي بأمتنان وطلعت للاداره فتحت الباب جان اشوف رجال كاعد ومنزل راسه
سلام عليكم..
رفع راسه جان انصدم بقيت لا اخذ ولا انطي
باوعت عليه وعلى المدير.
المدير : الرجال يريد يحجي وياج ست اخذوا راحتكم .
ايهم : شلونج خالو ؟
ريماس : كعدت على التخم مقابيله مكدرت احجي شييي تفكيري صار كله يم رواس رواس اختي شلونهااا وينها رواس بيهااا شي شلونهاا .
عيوني رادت ادمع بكوه لزمت نفسي اخذت نفس قوي وركزت ويا .
ايهم : سمعيني خالو اختج زينه ومابيها شي
اني جاي هنا علمود اسجل اختج بالمحاضرات وشفتج هناا تدرسين المهم خليها بالج .
اذا شفتي اختج ماريد تتقربين منهاا خليج بعيده احسن الج والهاا عامليها معامله الغريبه لا تعرفيها ولا تعرفج ماريد ترجع تتعلق بيج انتي صار عندج حياتج الخاصه وهيَ هم .
وراح ادخلها كيميا عند غير استاذ مفهوم كلامي .
ريماس : ويا كل كلمه اني احس گلبي يشتعل نارر
مجرد هزيت راسي ييي اخذت نفس ووكفت
عندك بعد شي لو لا مفارغتلك اني كعدت تحجي قصه حياتك .
