بسم الله الرحمن الرحيم
البارت الخامس
بقلمي : حب موروث
لتنسون التصويت والتعليقات حتى نستمر..
(ضلن بكلبي الردتهن لا جبتهن بالحلال ولا عصيت الله وبكتهن )
﴿ريماس ﴾
كعدت الصبح يوم جمعه جان صليت الفجر وكعدت ادرس للكوزات مال الاحد اخذت الملزمه وطلعت بالحوش افتر واقرا .
هشام : صباح الخير بابا .
ريماس : صباح النور شعجب كاعد بعد وكت اليوم ماعندك دوام .
هشام : متعود بابا شسوي .
ريماس : تمام لعد اروح اسويلك ريوك .
هشام : لا ميحتاج بس صبيلي چاي بعدين اتريك ويا عمتج .
ريماس : مثل متريد رحت حميت اله الجاي وانطيته اله صارت ساعه 8 رجعت لغرفتي غيرت ملابسي وطلعت للمعهد .
اول موصلت وكفت سياره استاذ دائب
دائب : يا هلا بست ريماس .
ريماس : ابتسمت اله هلا بيك استاذ الاهل شلونهم؟
دائب : ييي يابا صارت الاهل شلونهم بعد ماكو شلونك استاذ هو هذا اليشوف احبابه ينسى اصحابه .
ريماس : ههههه نعتذر يابا شنو اخبارك ؟
دائب : عال العال اليوم يجون الطلاب يستلمون الكارتات وباجر يبدا التعب .
ريماس : بس كال هيج گلبي وجعني ..هزيت راسي ييي الله كريم
دخلنا للاداره وسجلنا الحضور بدت الطلاب يجون هم واهلهم استاذ اشرف المدير نخبص يحجي ويا هذا وذاك .
اشرف : عيني اساتذه دخولهم للقاعات افضل صارت هوسه .
ريماس : طلعت واخذت مجموعه كارتات مال المعهد صارت مقابيلي مجموعه بنات.
ــ ست احنا ما اخذنا .
ريماس : تفضلوا هنا بناتي
دخلتهم وخليت كل وحده تبصم وسلمت الها الكارت
بنين : ست صديقتي مكدرت تجي عادي اني اخذه الها .
ريماس : لحضه حبيبتي اسال المدير واجي
طلعت للاداره امشي بسرعه حتى لا اتاخر عليهم
استاذ طالبه مجايه وصديقتها تريد تاخذ الها كارت انطي لو ممنوع .
اشرف : انطيها ست بس اخذي رقم ولي امرها واسمها الثلاثي .
