كابوسي الجميل
ازل . كام من مكانه جاب كلينس وخلاها بيدي
امير . أمسحي ادموعج ما اريد اشوفج تبجين
ازل . اخذتها ومسحت عيوني
امير . عفيه ما اريدج صيرين ضعيفه
ازل . اوكِ
امير . انتِ صعدتي الغرفتج ما اخذتي لاندومي ولببسي
ازل . اي نسيت
امير . اذا تردين سويهن هسه
ازل . اي والله ياريت لان كلش جواعانه
امير . اني اسويهن لو انتِ
ازل . لا اني اسويهن انتَ ارتاح
..... راح كعدت على كرسي بدون ما يحجي هو يباوعلي واني رحت شغلت الطباخ الكهربائيه وخليتها على نار خليت غطاء على جدر ونتضرتها طلع بخار من الغطاء كمت شفتها ستوت طفيت الطباخ خليت فوكاها البهرات وخليتها ماعونين خليتهن على ميز طعام ......
تفضل ضوك
.... اخذ الماعون اكل خاشوكه
امير . عاشت ايدج حلوه
ازل . غير اني ما احجي طباخه ازل
امير . ديله علساس طابخه مندي هو اندومي
ازل . اهم صدك
...... كعدت اكل هو ياكل خلص كام غسل وخذ كلاس صب الي ببسي واله اهم وكعد كبالي يشرب ويباوع عليه بنظرات ما عرفت افسرها
اني كملت اخذت الماعونين غسلتهن ورجعتهن هو بقه ابمكانه واني رجعت كعدت على كرسي
امير . شلونج هسه
ازل . زينه
امير . يله كومي نامي مو زين عليج سهر
ازل . اي راح انام لان تعبانه .....
طلعت من مطبخ وصعدت الغرفتي اول ما خليت راسي على مخده نمت
منى
كعدت من حلم عركانه وعطشانه جان يمي ماي شربت
هاذ مو حلم كابوس سمعت صوت لاذان
نعلت شيطان ونزلت جوه دخلت المطبخ غسلت وجهي
وكعدت على كرسي افكر بل شخص الي اتحلم بي
منو هاذ اخاف شيطان على هيئة انسان عوذ بل الله من شر شيطان الاعين الرجيم
هاي مو اول مره اتحلم بهاذ شخص هاي رابع مره
كمت توضيت وصليت
وقريت قرآن وصعدت الغرفه ردت انام ما كدرت ضليت اكلب بفراشي كمت طلعت رحت الغرفت رقيه دكيت الباب على كيف
رقيه . منو
منى . اني منى
رقيه . منى شسوين كاعده
