المسبحه (تراث الاجداد )
بقلمي انا حوراء حسن
لاتنسون التصويت والتعليق على الفقرات
اضافة حساباتي its_ho0rr
_______________________
ماهو أصعب قرار برأيك ؟
هل البعد عن من تحب أو جعله يكرهك ؟
من يحب لا يكره عزيزتي
أذن ماذا ستختار ؟
أنتِ
حوراء حسن
________________________
عنوان الحلقة (گشف الاسرار )
هل أنتم مستعدين ؟
<قحطان >
مجتمعين كلنه نسولف مواضيع عامه طلع فجأه منيل من البيت يركض بسرعة صحت عليه
قحطان:- وين ولك؟
منيل:- أتصل بيه جبر يكول سامعين صوت طلق من بيت أبو مهرة من داخلين لاكين ديان متصاوب
الخبر مثل الصاعقة ماكدرت افتهم منه شي يمشي ويحجي ركب سيارته وطلع واني هم ركبت سيارتي ووراي أجه الياس وقبيل بنفس السياره عشر دقايق ووصلنه للبيت لكيت جبر واكف يم الباب ماعرف بيمن يتصل دخل منيل اول واحد وأني وراه ولكيت عز الدين موجود هم كاعد يخيط بجرحه
قحطان:- شسوي هنا عز الدين؟
وليش ما أخذتوه للمستشفى؟
منيل:- أني كلت الهم يجيبونه هنا وماياخذونه للمستشفى
قحطان:- وليش شبيك تخبلت هنا البيت قذر وممُكن يتجرثم جرحه ويتأذى
منيل:- عز الدين عقم المكان هو وجبر وهنا أحسن على الاقل جوه عينه ونعرف شنو وضعه ومستحيل أخاطر واخذه للمستشفى وأني الحد هسه ما عرف منو الي ضربه
قبيل:- تقصد اذا اخذناه للمستشفى ممُكن يرجعون يحاولون يگتلونه؟
منيل:- مو بعيد هذا الشي لهذا السبب خلينه ناخذ احتياطاتنا ونأمن عليه هنا
قحطان:- لا تگلي راح نبقيه هنا طول فتره تعافيه؟
منيل:- لا راح ننقله لبيتي هناك احسن اله
الياس:- وليش ما ترجعه للبيت؟
وشنو راح تكول لجدي من حجه؟
جدي ماراح يسكت عن غيابه الا ماراح يسأل عليه
منيل:- سهلة طلع ديان لبغداد ياخذ مكان واحد من أصدقائه الاساتذه لان صار عنده مناسبة
عز الدين:- والى متى راح تخليه مختفي عن الانظار؟
منيل:- هالفتره لازم يختفي ماعرف يمكن شهر لبين مايتعافى بالكامل ويصحى حتى يتعرف على الي ضربوه هسه أنتَ طمني عليه شلون وضعه؟
عز الدين:- طلعت الطلقة بس هو فقد دم هواي لهذا السبب راح اروح للمستشفى حتى أجيبله دم
منيل:- ليش تروح وتطول السالفة أني وقحطان والياس نفس زمره دم ديان شكد ما تريد أسحب من عدنه
قحطان:- أي صحيح أخذ مني وعوف منيل لان هو أخر مره أتبرع قبل شهرين ومو زين يتبرع بعد
الياس:- أني ما متبرع شكد ما تريد أسحب مني عادي
أنت تقرأ
المسبحة (تراث الاجداد )
Aksiyonعمليه اغتيال تنفذ بأحد بأبن اڪبر شيوخ العشائر في محافظه ميسان جريمه بشعه تنفذ بحق هذا الشاب الحكيم القاتل غامض ومجهول الهويه والمثير للريبه اڪثر هو اختفاء احدى اهم مقتنيات الشيخ الاثريه ماذا يمكن ان يفعل القاتل بمسبحه الشيخ المتوارثها من اجداده...
