بسم الله الرحمن الرحيم
البارت السابع
بقلمي : حب موروث
لتنسون التصويت والتعليقات حتى نستمر..
﴿نگول عَادي وهِنة بالحيِل .﴾
ريماس : تمام
رحت وكفت بعيد عن المخفر وعقلي يم رواس خاف امي تضربها ومنا خالي اذا طلع ميسكت ودائب من جهه بقيت ابجي بضعف ماعرف شنو اسوي طلعت رقم بابا واتصلت عليه
الوو بابا .
هشام : ها عيني .
ريماس : بابا اني اليوم اتأخر لل9 يلا تخلص محاضراتي ليضل بالكم .
هشام : هاي هيه بابا براحتج محتاجه شي .
ريماس : لا سلامتك .. غلقت الاتصال وصرت امشي وارجع نفس المكان إلى أن طلع دائب لازم راهب من كتفه ويضحكون اني حسيت جبل نواح من صدري شافوني ابتسموا واني بقيت واكفه بمكاني .
دائب : ارتاحيتي ست ريماس دخلت بالتوقيف من وراج .
ريماس : حجيت بأبتسامه والله مادري شكولك استاذ وشلون اشكرك اي شي تحجي من حقك .
دائب : اشاقه وياج يابا مسويت غير واجبي اختج وينها !!
ريماس : وصلتها لبيتهم واجيت عليك هسه شنوو شسوي اني خالي اذا طلع شيصير باوعت على راهب مصغر عيونه مبتسم ..نسيت اشكرك سيد راهب خليتك تجي وانت بهاي حالتك .
راهب : فدوه الج ابويه مابيه شي اني .
ريماس : حاولت اطلع من الموضوع وكلت لدائب وخالي !!!
دائب : خالج راح يبقى بالتوقيف اليوم خلينا نروح منا حتى نشوف شيصير .
راهب : وين سيارتك ؟
دائب : بقيتها يم المستشفى ناخذ تكسي واروح اخذها .
ريماس : حسيت نفسي تلعب ودايخه غمضت عيوني وفتحتها أكثر من مره .
راهب : بيج شي ؟.
ريماس : تعبانه شويه .
دائب : يي طبعا شيبقه بيج كله هبطات من الصبح.
راهب : عمت عيني .
ريماس : رفعت عيني بصدمه عليه ابتسم دائب ووكفت التكسي درت وجهي منه وكف التكسي وصعد راهب ليورا ودائب ليكدام واني نجبرت اكعد يم راهب من الجهه الثانيه .
راهب : ام المفخخات شبيج راح تنفجرين .
ريماس : حجيت بصوت ناصي مابيه شي بس عوفني ضحك نفس ضحكه المجرمين واني بقيت صافنه على الطريق نزلنا يم المستشفى دائب راح جاب سيارته .
