مرت ٤ سنوات بخيرها وشرها
الهنوف اللي صار عمرها ٢٠ وملامحها نفسها الا انها حلوت وعرفت لنفسها اكثر ولا زالت علاقتها مع ساره صديقتها زيييي العسل
عبد العزيز اللي أتقن اللغه ودرس طب كان شاد حييييله في الطب من يوم كان صغييير حلمه ينادونه
( الدكتور : فارس بن فيصل آل فهاد )
وكبر ونال مراده وحقق حلمه
وصار فعلاً ( الدكتور : فارس بن فيصل آل فهاد )
ساره صديقت الهنوف اللي لأول مره راح تجي ديرة الهنوف وكانت متحمسه حيييل لان طول ٧ سنوات صداقتهم الكترونيه والحين بعد هالمده بيتقابلون
صقر اللي كان مخلص جامعه وداخل قسم إدارة أعمال وشاد حيله كله لعيون شيهانه وهو من ذاك اليوم مانساها وحالف ماياخذ غيرها
فهد نفسه اللي نعرفه ماتغير على هباله ومقالبه ويضحك على صقر ويقول الحمد الله ماطحت بالحب
عند بطلنا فارس اللي كل يوووم يسأل نفسه وين بتكون وش تسوي بخير ولا لا مبسوطه ولا لا وهو من يوم راحت ما نساهااا ولا راحت من باله ثانيه تغييير صار هاديي ومايطلع من البيت صار وقته كله عند الإبل والعزبه ولا يحب يقابل الناس ويطلع مثل قبل ٤ سنين
عند بطلنا
اللي كان جالس الساعه ١٠ الليل عند الإبل وهدووووء تاام كام يشرب شاهي ومسوي بشماغه عصبه ويقلب بالرمل بعود ويفكر في الهنوف تنهد تنهييدههه طوييييله
وهو يرجع ب ظهره على المركى وينطق
"ينتابني شي مايعلم به الا الله
يجعلني اصد بوجهي واجلس لحالي
من ضيقة الصدر اخاف تخوني زله
وتجرح لها واحدً في خاطري غالي ً
غمض عيونه وهو يغرق في بحر هواجيسه كنه سجين ينتظر لحظة افراجه بشوف الهنوف
عند الهنوف اللي تكلم ساره
" الهنوف : يالله متحمسه متى تجييين
ساره: وربيييي اكثررر جالسه اجهز شنطتي
الهنوف : اسمعي جيبي فساتين ترا الديره مابها مول
ساره: اكيييد حاسبه حسابي افا عليتس
الهنوف: ابجي استقبلتس بالمطار انتي وعبد العزيز
ساره : ليه هو جاء ؟؟!
الهنوف : اي وبعد بكره بنسوي حفل له
ساره : الله حلو عشان احضر
الهنوف : اكيد حبي
ساره : يله تصبحي على خير بنام عشان اصحى مصحصحه
الهنوف: وانتي من اهله ياقلبي "
سكرت الهنوف المكالمه وهي تنزل الصاله وتشوف هدى اللي جالسه وتقول للعاملات يغسلوا الحوش قبل ماينامون
الهنوف بابتسامه: مسااااء الخيير
هدى : مساء النور يامي وش فيتس مرووقه مرههه
الهنوف : تخيليييي من بيجيييي
هدى : من ؟؟!!
الهنوف : صديقتي سوسو
هدى : صدق والله بتجي ؟!!
الهنوف؛ اي يمه بتجي مره متحمسسسهههه
هدى : اجل بقول للعاملات ينظفوا الغرفه اللي فوق ويجهزونها لها
الهنوف: سابقتس بخطوه قلتهم ينظفوها ويحطوا فراش وزل جديد
هدى : هههههههه بعدي يمه يله اصعدي نامي
قامت الهنوف وهي تحب راس هدى
وتقول : تصبحي على خير
هدى : وانتي من اهله
صعدت الهنوف وهي تنام وحماسها مليووووون لبكره
