🌾°°°°°الـــــغــــواص°°°°°°🌾
☘️أصابتك لعنة الشرف ياحواء ☘️
🌻تأليف: عواطف الشويع (بالحفيض)🌻
الكل تصدم مني سمعو طبيب جديد وأولهم حمدي لي جاء فأول الهضرة زير على قبضت ايدو طلع الغرفتو هز منها سلاح ديالو حط فيه تلاتة ديال طلاقات خرج شافتو جاهدة تخلعت وقفت قدامو
جاهدة: فين غاادي شنو باغي دير
حمدي: ماما بعدي من قدامي
جاهدة: لااا منسمحش لك ضيع راسك بسبب وحدة بحالها ولدي انت مزال صغير مدير حتى حاجة عفاك
تخطها من بعد مارمقها بنظرة عتاب غادي خارج وقفو باه
شكري: وقف ماشي انت لي معني بالأمر وإنما عمك اسماعيل (شاف فاسماعيل) انت لي بنتك وانت لي خاصك تنظف شارفنا من الوسخ وتقتلهم بزوج حسب التقاليد والعادات كما اعتادو جدودنا
رمى ليه السلاح هد الأخير لي شدو فيدو كيشوف فيه وكيفكر كفاش ايقدر يقتل بنتو لي من لحمو ومن دمو ...هز عينو شاف فحواء بنظرة فيها لمعة من الدموع ونفس الوقت خوف من الفقدان والحسرة وانطق
اسماعيل: خرجتي علينا وكنت معتبرك عاقلة وعندك عقل فراسك وخدلتنا وخدلتي العائلة كلها وطتي راسنا فالتراب لهذا تحملي نتائج
حواء كانت كتشوف فيه ودموع منهامرين كتشهق شهقات خانقة ...رفع اسماعيل الفردي عليها ايديه كيترعدو مقادر يتحكم فيه حواء غمضت عينها ودموع دازين منهم ...شكري شاف ايدو كترعد على فردي تعصب نطرو منو بجهد وانطق
شكري: انت مقادر على والو والو مدام قلبك حنين على هد العاهرة لي وسخت سمعتنا مغاديش نقدرو نتخلصو منها ...وماشي هذي هي الموت لي كتستحق وإنما خاص نغسلو وصمة عار حسب التقاليد
قفل شكري عليها باب المؤونة وخرج غادين فاتجاه دار ديال الطبيب ...
كان كيفطر براحتو مشغل ألة الجرمافون انتيك مستمتع بالهدوء وانغام الموسيقى فجأة سمع صوت الباب كيدق بزربة وبجهد وقف موسيقى واتجاه يفتح باب
يتبع....
أنت تقرأ
(قصة بالدريجة المغربية)...⚜️plunger_الغواص⚜️
General Fiction⚜️°°° [ قصة درامية [°°°⚜️ ⚜️ 🍁•••أصابتك لعنة الشرف ياحواء•••🍁⚜️ • You have the honor curse, hawa• عنوان القصة : الـــغواص _PLUNGER 🌻 كاتبة القصة: عــواطف بالحفيض🌻 غلاف من تصميم: عـواطف ب...
