(قصة بالدريجة المغربية)...⚜️plunger_الغواص⚜️

9

🌾°°°°°الـــــغــــواص°°°°°°🌾

☘️أصابتك لعنة الشرف ياحواء ☘️

🌻تأليف: عواطف الشويع (بالحفيض)🌻

جات جاهدة بخطوات سريعة شدات فدراعو وانطقت

جاهدة: حمدي حمقتي بغي ضحك فينا نااس مستحيل نخليك تزوج بهد قليلة الترابي

صفية رمقتها بنظرة كره كتغدغد عليها ...شكري شاف فحمدي وقال

شكري: انت غادي تزوج بنت خالتك وانتهى الأمر والى عصتني انتبرا منك اما حواء فمصيرها معروف هي لي حفرت قبرها بايدها...

من بعد مارمى هد الكلمات لي كانو بحال الشهاب الحارق بالنسبة لإسماعيل وحمدي وصفية...اسماعيل مشا لبيتو تبعتو صفية لي عينها نشفو من الدموع ...اما حمدي فشعل كارو جلس على درجة كيصم فالكارو ويبخ دخان فالهواء عينه مركزين على باب غرفة المؤونة لي كائنة فيها حواء ...

نهار جديد غادي يشهد على مصير حواء لي لحد ساعة ممعروف شنو غادي يكون

عند صفية لي كتبكي ونفس الوقت خرجت الدهاز ديال بنتها حطاتو دموعها كيجرو على خدها ...جالسة حداها نورهان لي قلبها محروق على حواء كتحاول تواسيها وتخفف عليها ...

صفية: الله ياربي وشنو هادشي وقع لبنتي كبدتي عونها وكون معها

نورهان: صفية ختي تهدني معندنا منديرو هادشي لي عطا الله

صفية:(كتبكي ) كفاش غادي نلبس بنتي كفنها بيدي كفاااش منقدرش اختي نورهان رآها بنت كرشي كفاش انسخى بها

نورهان: صبري وربي معانا جميع ..خلينا نجهزو هادشي شكري إلى جاء ميعقلش علينا

ناضو يجمعو الدهاز لي غادي تلبس حواء دخلت جاهدة كتلوك فالمسكة لي فمها شافت فهم بنظرة ناقصة ورمات توب لي بالأسود وانطقت باستهزاء

جاهدة: شدي هذا توب لبسيه لبنتك قليلة الترابي

صفية خطات خطوة غادية ليها مغدغدة عليها وهي تشدها نورهان من أيدها وانطقت

نورهان: تهدني خليها تشفى الدنيا طويلة وايجي لي يتشفى فيها من بعد غير خليها

ضحكت جاهدة بجنب مشات وخلتهم عند بالها بلي صافي انتصرت وكل شي ايرجع بين يدها

في مخزن المؤونة جالسة حواء جامعة رجليها كتبكي وجها كلو مضرب وكدمات عيونها رجعت حمراء حالتها يرثى لها ...ضامة رجليها عند فمها كتشهق ...كتفكر لحظاتها مع ابراهيم وعود الكاذبة ليها وكفاش تلقاو اول مرة جنب الجسر ...
يتبع...