ခရမ်းရောင်နှင်းဆီတစ်ပွင့် ရောင်းရန်ရှိသည်

အပိုင်း ၂

'' ထောင့်ကိုကန် သက်ထား။ ဘယ်တော့ဖြစ်ဖြစ် ဂိုးသမားရဲ့ အပေါ်ထောင့်ကိုကန် ''

နည်းပြက အသံကျယ်ကျယ်အော်ပြီး ကွင်းထဲကိုဝင်လာသည်။ သက်ထားကို နည်းပြက တိုက်စစ်ကစားစေချင်သည်။ သက်ထားကတော့ နောက်တန်းကစားချင်သည်။

'' သက်ထား နင့်အရပ်၊ နင့်body နဲ့ တိုက်စစ်မဟုတ်ရင် ဂိုးသမားလုပ် ''

'' ဂိုးသမားလုပ်ပါမယ် ''

'' ဟား ''

၁၇၀ စင်တီမီတာ ( ငါးပေ ခုနစ်လက်မ) အရပ်ရှိသော သက်ထားအရပ်ကို နည်းပြဟာ သိပ်သဘောခွေ့သည်။ ယောကျာ်းစိတ်ပေါက်နေခြင်းမဟုတ်သော်ငြား မိန်းမမဆန်တဲ့သက်ထားကို နည်းပြဟာ နိုင်ငံ့လက်ရွေးစင်ဖြစ်စေချင်မှန်း သက်ထားသိသည်။

'' ထား ''

ယောကျာ်းတစ်ယောက်၏အသံ။ ၎င်းအသံကိုလည်း ရင်းနှီးပါသည်။ သက်ထား အခါခါငြင်းထားလျက် အမှတ်သည်းခြေမရှိစွာ ပိုးပန်းနေဆဲဖြစ်သည့် မျိုးမင်းမောင်။

'' ပင်ပန်းနေပြီလား ထား ''

'' ကျတ်သရေတုံးသွားပြီ ။ တင်တင်စီးစီးတွေ မခေါ်စမ်းနဲ့ မျိုးမင်းမောင် ''

'' မင်းနာမည်က သက်ထားလေ။ ဘာကတင်စီးလို့လဲ မောင့်ထားရဲ့ ''

ပုခုံးကျော်ကျော်ရှိ သူ့ဆံနွယ်တွေကို တဖန်ပြန်စည်းပြီး မျိုးမင်းမောင်ကို ဘုကြည့်ကြည့်လိုက်သည်။ ဒါကို သကောင့်သားက ချစ်ရည်ရွန်းလဲ့ မျက်ဝန်းလဲ့ပြာပြာ ထင်သွားသလားမသိ။ ပြေတီဦးစတိုင်နဲ့ ရယ်ပြသည်။

* အမောဆို့တယ် *

ညိုပြာညက်မဟုတ်သော်ငြား ဖြူဝင်းတဲ့အထဲတွင် သက်ထားရဲ့အသားအရောင်မပါ။ ထို့အပြင် နေပူထဲလေ့ကျင့်ရသည့်အတွက် နဂိုအသားထက်ပင် အနည်းငယ်မဲသည်။

'' ညနေခင်းကို သွားရအောင်။ ဆရာ အအေးဝယ်တိုက်မယ်။ ကျန်တာကတော့ ကိုယ့်ဟာကိုယ်ရှင်းကြပေါ့ ''

'' ကျန်တာသက်ထားရှင်းမှာတဲ့ ဆရာ ''

နည်းပြ၏အသံနောက်တွင် ကပ်ပါလာတဲ့အသံက ဂိုးသမားဟေမာန်ရဲ့အသံ။ ဟေမာန်က သက်ထားတို့ရပ်ကွက်ထဲကပဲ။ သက်ထားထက် နှစ်နှစ်ကြီးပြီး သက်ထားအကြောင်း တစွန်းတစသိနေသူ။