قيود المنتظر

Part 5 .

المَراية التَنكسَر ما تَرچَع بـ فِدُوه !

ــــــــــــــــــــــــــــــــــــــــــــــــ

نزلت واني اشَوف عَلي واكع من الدَرج أثر الدَفعه التي تلقاها من والدتـي !
كانت احدى عَصى نهاية المحَجر المُدببه نابِته برأسة !!
والدَم يزُخ كأنهُ مُطر
لـ لحضة حَسيت الوَقت وَكف واني أشوفه مُدمى مَرمي على الأرض البارِدة بِلا حَركة
رُكضت عليه واني احُضنه واحَجي
- عَلي روحييي شبيككك يروححها لأختكك
رتفع صوتي واني انادي امُـي ان تخابُر احد ينقذ اخويهه المُدمىى !
مرَت دقائق ماخَلت من شهكاتي و دَخل بابا
يَمشي بهَلع ويصيح وصوته مُحتقَن
- وينهه ابنيييي علي وينه
صُحت واني اناديه والشَهكه مسَيطره عليه
- هناا بابااا يَم الدرججج
دُخل بابا و وحدق بصدمه بعد مشاف الطَرف برأس علي والي ما تجرأت احركَه
حَجة وهو مُتوتر ومذعور
- باعي بابا حَسحب رأس علي وانتِ بس اضُغطي
ردت احجي وقاطعني بصيحه
- باباا لتحجييينن اخوجج حَيموتت
هَزيت رأسي هزات مُتتاليه بقَبول وبلَش بابا يسحَب رأس علي واني محَضره ايدي اضغط ضُهر طرف الحديد الي كان برأسه واني بسُرعه ضغطت على الجَرح
نقله بابا للمُستشفى بأحداث ماتذكرها عَـدل احسها مَمحيه من ذاكرتي تمامًا !
كُل الي اتذكره فَقط من طلع الدكتور من غُرفة اخي علي وكال
- لازم تكونون مؤمنيين بِقَدر الله ومشيئتهُ
للأسف علي فُقد البَصر
باوعت على بابا وكأني اريد استُمد منه القوة بس للأسف تلاشت قوتي من بابا وَقع على الارض مَهدود حيله ويبكي بحرقة قَلب ويصيح
- يَوليدي يَفرحتيي الاولى يبعد عيون ابوكك راحن عيونك ريتني اناا الفاقد نضري ولا انتَ لك علي منتضرتك سَيدرا تشوف طلتها يابويه ياعلييي يابنييي
يَحجي ويَبجي وأبجي وياه افكر بي شلون حيكمل حياته؟ يعني هاي هيَ اخويه نعمى ؟؟
ضلينا نشهَك ونشهَك اني وياه بمحاوله مني اصبره بس شصبُر واني خلصان صَبري ؟
فاق عـلي ودُخلنا للغُرفة

(مراح اكدر اذكُر ردة فعل عَلي ولا شي من حياته حفاضًا على خصوصيته واحترامًا لرغُبته . )

فـزيت من صَفنة الماضي على طَرق الباب وأبتسمت لأني عرفته هذا بابا !
-باباتي حبيبتي ادخُل ؟
ابتسمت واني اقُول
- اي بابا توكل
دُخل بابا وخلى امام ناضر عَيني نَستلتيين
- شفتهُم وتذكرتج تحبين هلنوع
- اهوو غيوثيي الاا تخجلني وين نروحح بهل لليل؟
- ولج اصغر جهالج وغيوثج؟
- اهو بابا لتصير نفسيه اوييي
- بابا انتِ ستخفيتي اروح احسن
ضحكت وهوَ ايضًا ضَحك وطلع وسَد الباب
مَرت الايام وبيوم اني بَرة داشتري مَلازم
اخذتهُم وسترسلت واني منزله عيني على جُـزداني
وكُلت
-  بلا زحمه شكد يصير سعرهُم ؟
- 30 ونص اختي
هزيت راسي وطلعتله 35 بحُكم ماعندي صَرف
مَديت ايدي واخذهُم حَسب الفلوس وكال
- مَعندج صرف 500 ماعندي خُردة ؟
- لا والله ماعندي
- اختي شلون بهل حالة اذا معندج رجعيهُم ماكدر انزَل
- ترا ميصير هيجج جايه من بعيد علمودهُم تكدر تروح تصرُف اني ماكدر افتر وماندل هناا ولا كان متحملت منيتك !!
- اختي تدفعين لو لا ؟؟
دارد عليه وفجاة نمَدت ايد شاب وبيها 500 دينار
وكال
- هايَ للبنيه وحسنوا اسلوبكم هي 500؟
- خويه ماكدر اني مُج
- هاي هيَ مصار شي ارجع لشُغلك
التفت عليه العامل ورجعلي 5
لتفت ع الولد وكوتله
- اسفة بس ماكدر اتقبلها مَنك ؟ ممكن تروح ويايَ لمكان اصرف وارجعلك
- توكلي خويه كامت الدَنيا هيَ 500 بعدين رديلياها
- شلون اردلكياها ؟
اخذ نفس وسترسل بالحَجي
- الايام طويله خويه توكلي الله وياج اذا متصادفنا بَعد محالله وموهوبه
- شُكرًا حيل ماعرُف شلون اجازيك
- عفوًا
مرديت عليه بَعد طلعت خارج المَكتبه واخذت تَكسي للبيت وكالعادة تلكتنه سُت سُوسَن بالمَلكه الزين الي يخبُل
- ها يالدايحه؟؟
- بس اريد افتهم شبيج ؟؟؟
- وشباشبهه لججج ممرتبااايييههه
تقرُبت مَني وحَسيت اذني صُفرت من الراشدي الي تلقيته
دفعتها وتجهت لغُرفتي او عَالمي الخاص
بلَشت اقره واقره لحَد مصارت الساعه 11 بالليل ساعتها ذبيت كولشي ورحت للجُرباية
اجاني اشعار من الانستا مَكتوب بيه
- قام عَزيز بمُتابعتك
صار عندي فضول ودُخلت لحِسابه لكيته كاتب بالبايو
- الـ ذيقاريون لا ينتهون !
شفته مخلي ستوري وطبعًا مَكُعدت راحة الا شفت الستوري جان ناشر صورة لـ ولد لابس ابيض واسود ومَكتوب على الصورة
(لا تُحب احدا لدرجة حُب اذاه )
خليت تفاعُل قلب وخُرجت

رَحت داصيح امي ولَفتني همسها بالتليفون وهيَ تكول
- لج اذا عرفواا تقوم القيامه على راسيي !!
، شلون اكدر اسد السالفة اكثر غَيث ديفتحهاا ، مداتفهميني غيثثث حيكوللهمم ، والله يكوللل كرهنييي
عُقدت حاجبي شنو هذا الي خايفه امي منه ؟ وبابا شيعرُف وليش هلتوتر والذُعر بصوتها
مهتميت وطُرقت الباب عدة طرقات
واجاني صوتها وهي تكول
- ادخُلل ؟؟؟
- ماما وين سولاف ؟
- راحت هيَ ونبأ للمول ليش؟
- هيج اسأل ردت صُبغ اضافر وهي تضمهم فتندل وين
- خلصتي ؟
- اي ، ليش ؟
- طُلعي .
طُلعت وسَديت الباب وأتجَهت لعالمي الخاص

بيوم من الايام دانضُف المَكتب الخاص لبابا واكو دُرج فتحته ودامَسحه فلكيت شي تحت الاوراق مبَين هويه
رُفعت الهويه واقره بالاسم
- نور علي عبد السادة عُمران
مكان الولادة ، بَصرة
مواليد ، 1980
عُقدت حاجبي بعدني مَمستوعبه الامُر
واجتني عيطة بابا الستغربت منها !!
- دازججج تنضفيييييين لو تبحوشيينن
- باباا ب......
جر الهويه منيي وعاط
- روحييي من وجهيييي إيميڤ !!
بلَعت رَيق من صارت إيميڤ
وحُفضت كرامتي وطلعت خارج المَكتب
لاكتني امي وهي تسأل
- شبي ابوج يصيح ؟
بلا ايي مُقدِمات سألتها
- ماما منو نور علي عبد السادة عُمران ؟؟؟
ستَغربت من تغيُر حال اُمي
واصفرار وجهه و بياض ثغرُها !
تعَدتني وتجهت للغُرفة الي صارت خلف ضَهري
دُرت وجهي واني اشوفها حانيه ضهرها وتَمشي ودُخلت للغُرفة وتركتني بلا جواب !

يتبععععععع

توقعوا ولتنسون النَجمة .