حكاية (( ضحية انتقام ))

(( بارت 9 ))

حكاية ( ضحية انتقام ) للكاتبه حوراء الموسوي

بارت التاسع

....... حسيت بايده على خصري ما تحملت بعد كمزت ردت انهض من المخده بس شعري وجعني نايم على ضفيرتي هو بدون ما يفتح عيونه رجع راسي بايده ولثانيه صارت جوا راسي وسيطر على حركتي تصنمت واحس دكات كلبي تنسمع من كدما رتبكت مرتين حاولت افلت نفسي منه بس جان كلما اتحرك يسيطر عليه اكثر شويه وحسيت ايده ثكلت عرفته نام درت وجهي علي الغرفة جانت ضلمه بس ضوء الشباك من ورا البرده جان وجه مرتخي غركان بنومته ضليت اتأمل بوجه وكل تفاصيله عنده حواجب كثيفه ورموشه طوال واحلى شي بوجه شاربه اسود عبالك راسمه رسم بوجه من كدما لايكله شويه وسحبت نفسي منه بس عطره بقه بملابسي طلعت الجو كلش حلو اليوم الشمس مو قويه واكو غيوم بالسماء عجبني ابقه كاعده بالحديقه وكل شويه ارفع ايدي اشم بيها باقي بيها عطره بعدين فكرت اني ما لازم اعلق نفسي بي هو ميريدني كزوجه اله ما اعرف شنو الي براسه صار شهر من اجيت وليهسه باقيه بغرفة امه واني بديت انعجب بي وبحركاته وانتظر منه يباوعلي لو يحجي وياي وهو يتعامل وياي طبيعي ميحسسني انو يريدني او ميريدني بس مرتاحه لهل وضعيه حسيت الباب الخارجي انفتح ودخل امير راجع من الجامعه ركن سيارته واجه باتجاهي سلم عليه هو بطبيعته مرح يحب يسولف ويضحك كالي ها مرت عمووو اشو كاعده هنا وحدج جنج بومة خرايب ويضحك ابتسمت كوتله عجبني الجو وبقيت كاعده كال الله يوم عيد على گلبي اشوف الاحبها تنتظرني هنا وبنفس المكان سئلته بفضول ومنو الي تريدها تنتظرك باوعلي وختفت ابتسامته كال وحده فطيره بدت تتغلغل بروحي بس صارت للما يستاهلها وشكد ما قريبه عليه بنفس الوقت بعييييده صفن بوجهي نزلت راسي خجلت من نضرته الي راح صحت ورا جوعان اصبلك غدا بدون ميلتفت اشري بايده بعلامة لا ودخل لفت نضري شباك الاستقبال البرده تتحرك اجاني احساس خوف ما اعرف ليش دخلت جوا للبيت ورحت للغرفه ما لكيت وارث يعني كاعد حسيت الباب انسد بس بقوه التفتت شفت وارث واكف وحواجبه معكوده ورافع نهاية حاجبه تك واحد كال وين جنتي جاوبته بالحديقه كال وليش طلعتي ما جاوبته كرر سؤاله لييييش طلعتتتي بلعت ريك وجاوبته عجبني اطلع للحديقه لان الجو دافي اليوم كال اهاااااا خاف منتظره احد كوتله انتظر منو يعني انتَ وموجود بلبيت من كلت هيج ارتخت ملامح وجه وعافني وطلع ضليت افتر بالغرفه ما مرتاحه دزالي بنته زوزه كالتلي بابا يريد جاي يكول تجيبليا للغرفه طلعت سويتله جاي وصعدت بس رجلي توجعني كوه صعدت الدرج دكيت الباب صاح تعالي دخلت شفته مخلي اوراق كدامه يباوع بيهن وجكاره بأيده يشرب منها انطيته الجاي كالي اكعدي هنا كعدت وجان يحجي ابرود بس مثل البركان من داخل و يبين من فوك بس رماد كال انتي جنتي مخطوبه جاوبته لا كال منو تقي جاوبته ابن عمي كال ابينكم علاقه حسيت نفسي كاعده بتحقيق جاوبته لا بس هوه خطبني مرتين وابويه ما قبل كاله بعدها صغيره وجان ناوي لصيف يرجع يخطبني وصارت هاي السالفه كال يعني هو يحبج مووو ورفع تك حاجب حتاريت شجاوبه هزيتله راسي كال وانتي كوتله لا احبه ولا اكره بالنسبه الي ابن عمي وبس كال وليش هلكد كاتل نفسه عليج اذا انتي متحبي ولا منطيته أمل سكتت بعدين كوتله اهلي واهله من جنه صغار يكولون قطرالندى وتقي البعض وهو متأمل هوايه وحب من طرف واحد فقط ضل ساكت ويباوعلي خلص جكارته ورجع ورث الثانيه نضراته الي قلقتني ما اعرف شبي اليوم قبل ساعه جان طبيعي اشرلي اطلع طلعت صار بوجهي امير يريد ينزل نزل واني نزلت ورا على كيف رجلي حيل وجعتني رحت نظفت المطبخ ورجعت الغرفة الحجيه شويه سمعت صوت السيارات باوعت من الشباك شفتهم رجعو من زيارة قبر ضرغام ودخلت سهام للبيت عرفت وارث بالبيت موجود باوعتلي خزرتني صعدت الغرفتهم اجت تقى وهناء الغرفة الحجيه اجت سئلتني هناء اكولج وارث شوكت رجع للبيت كولتلها الساعه-1- اجه للبيت كالت راح تعلك وتضحك وتقى تكولها شفتي وجه سهام من نزلها وارث ورجع نص طريق عوزها بس تلطم باوعتلي وكالت خايبه شمالج فاهيه اسحبي خلي يصير الج غير مرته انتي شمالج يحضي ما اعرف شكول الها اكتفيت بالسكوت شويه وسمعنه عياط من غرفة وارث وسهام وصوت تكسير ونزل مبين علي اعصاب وهيه تمشي ورا وتحجي دار وجه عليها راد يضربها وابو امير طلع صاح بي شنو تضربها وشمسويتلك انت متغير وشنو الغيرك وكبت العيطه اني واكفه اباب غرفة الحجيه اباوع عليهم وهيه صارت عينها عليه من بينهم عافت الكل واجتني لزمتني من حجابي وكعته ورجعت من شعري ضربت راسي بالحايط ما اكدر افلت نفسي منها ولكل اجه يريد يوخرها من عندي بس وارث سيطر عليها وسحبها مني وجرها من شعرها ويضرب بيها وعياطها هرج البيت الكل جان موجود اجتني هنا وتقى دخلني الغرفة الحجيه كمت ابجي من كل گلبي وصار عندي وجع براسي ما سيطرت وكعت بالكاع ساعدني البنات بعد ما كدرت اكوم بقيت بمكاني شفت وارث دخل للغرفه شافني وطلع بسرعه طلعت ورا هناء وتقى توصي بيه لا صيرين فاهيه وقهريها واسحبي وارث الج ماعندج احد هنا غيره بس اباوع عليها غمتني كالت انتي مبينه مابيج خير ضلي جوه ايد سهام اوفاء جاوبتها شبيج تقى شسوي مثلاً هوه حتى ميباوع عليه هزت ايدها ما عاجبه كلامي كالت لعد هاي النسوان شلون يخلن الرجال محبس بديهن غير بحركاتهن يلعوبه كالت الله لا ينطيها حتى ما خلتنه نرتاح جاين من طريق وتعب وجوعانين خايبه مابيج حيل تكومين تسويلي لكمه اكلها ردت اكوم جان تضحك اشاقه وياج ولج اكعدي هسه اني اكوم سهام شخلت براسج هسه عصافير تفتر فوكج لليل كمت ويا البنات للمطبخ جهزنا العشا وماكدرت اكل لعبانه نفسي وراسي يوجعني من ضربتها وحتى رجلي اعرج منها دخلت الغرفة الحجيه ضليت متغطيه ماكو احد صاحلي همزين دفيانه بمكاني شويه واجن البنات يمي ضلن يسولفن اني ما حسيت على نفسي نمت ما اعرف شكد وكعدت بس ماوفتحت عيوني مثلت النوم من سمعت صوت وارث كاعد وشميت ريحة جكاير وهنا وتقى يسولفن ويا سمعت تقى تكوله ابو زها شنو عود مخلي البنيه هنا يم امي ما تصعدها بغرفه وتسويها مرتك حالها من حال سهام شنو ناقصها البنيه وبعدين انت موجنت تريد تزوج على سهام علمود الجهال لووهاي جانت حجه منك هاي المره كدامك وخلف منها ولد شنو تبقه هيج ماعندك ولد يشيل اسمك وهناء ايدت كلامها تكوله شو البنيه حبابه وحلوه شناقصها هو ساكت بس كال بهل يومين اجهز الغرفه الفوك واصعدها كال هيه شلون صارت من راسها كالت تقى ولج هناء اخونه طايح بالحب ومحد مسمي علي ضحكن ثنينهن كالها الصدك غرگان يا خويه ونجبي بعد مو نطيتج درب تسولفين اكثر كافي هذا الشي يخصني ولا تصيرين حشريه كلشي بوقته حلو وكومي سويلي شي اكله جوعان كامت تقى تسويله عشا اني سويت نفسي مزعوجه من الصوت واحوس فتحت عيوني شفته كاعد يباوعلي بس بجمود اني حاولت اكعد كال شلون صرتي جاوبته صرت احسن كعدت جابت تقى عشا كالي تعالي اكلي كوتله ما اريد ما هتم سوالي لفه ونطانياها ما اخذتها خزرني اخذتها بس صدك ما اشتهي كوه ابلع بيها خلصته وما كدرت اضل كاعده رجعت اتمددت بفراشي شويه وطلع ولبنات طفو الضوء ونمت ثاني يوم هناء وتقى رجعو لبيوتهن وبعد ما التقيت بسهام باقيه زعلانه فوك بغرفتها بس العريف شلتاغ يفتر بلبيت وكل شويه وصاحت نديواااا تعالي وتصخر بيه خبلتني ونورس حتى متباوع بوجهي خايفه خاف اكول عليها شفتها ويه محمد بس استبرق حبابه وياي بس امها تتخبل اذا شافتها يمي واكفه يومين واجت غرفة نوم للبيت الكل يسئل المنو لمن اجه وارث وكال الي وسهام تخبلت غلاط وفشاير وشتمت حته ادم وحواء من قهرها ومحد يرد عليها يومين وكمل الغرفه وصبغها ولعمال صعدو الغرفه وشدوها وكالي من اليوم تصعدين بعد الغرفج صعدت طالعه حلوه الغرفه واخيراً صارت عندي غرفه خاصه انظف بيها ودخلت سهام كالتلي لا تفرحين احركج انتي وياها بس اصبريلي غمتني وطلعت نقلت ملابسي ورتبتهم اليوم ما انام يم الحجيه جني تعودت عليها بقيت كاعده صارلي واهس اكوم ارتب نفسي كمت فتحت شعري ولبست دشداشه قصيره لون احمر اول مره البس الوان غير الاسود وخليت عطر اباوع النفسي بالمرايه انفتح الباب................للحكايه بقيه دمتم في حفظ الله ورعايته