بيت من الشعر
اذهلني بروعتهِ
توسد القلب منذ ان خطه القلمِ
اضحى شعاري وحفزني لأكرمه
عشرين بيتاً لها
من مثلهِ حكمُ
لاتشكو للناس وانتَ صاحبه
لايألم الجرح الأ من به ألمُ
شكواك للناس يا بن الناس منقصه
ومن من الناس صاح مابيه سقمُ
ف الهم كلسيل والامراض زاخرتُ
حمرُ الدلائل مهما اهلها كتمو
فأن شكوت لمن طاب الزمان لهُ
عيناك تغلي ومن تشكو له صنم
وان شكوت لمن شكواك تسعدهُ
اضفت جرحا لجرحك اسمه الندمُ
هل المواسا حررت يوم وطناا ؟
أم التعازي بديلا ان هوا العلم
من يندب الحظ يطفي عينه همتهِ
الشاعر
(كريم العراقي)
بعد وفات جدي
البيت صار هوسه وكله تبجي وصياح ونين
كل واحد ماخذ ركن وحده
اشوف امي الي كطعت روحه من البجي لوبيبتي الي مفرفحه رجعو الزلم
جنت واكفه بلمطبخ انضف اعزل ويه البنات
سمعت صوتي مهدي رفعت عيوني باوعتله هاده التعب هد لان منايم كضه بلمستشفى نوب للدفنه
مهدي:صبيلي غده خيه
باوعتله ونقهرت بداخلي خيه شنوشبي هذ ياربي
صار صراع بين عقلي وكلبي. عقلي يكلي تره هو بيا حال وانتي تحسابي على كلامه وتكولين خيه
وكلبي يكلي لاهو ميحبج لهذ السبب كلج خيه نفضت الفكار مني وصبيتله غده وهو كاعد حضرته اله وحطيته على الميز مرفع عيونه ضل مدنك ياكل رحت كملت الماعين والبنات رايحات جايات
مرت ايام الفاتحه طاح حضي بشغل اني وخواتي
وام مرتضى تنطي اوامر وبنتاته محد تكلف نفسه تشاركنه بشغل
رباب حامل بشهر السادس صعب عليه يخافون خاف تسقط لان بلكوه ياله صارت حامل بس هي رغم هذ تكوم تساعدنه
الماعين ماتخلص جهال. ياكلون ويشمرون
طكت روحي صحت على جهال
غصون:شبيكم ماتعرفون النظافه لمو الي توصخو اشو ذوله نخلسو وهذ ضل يبجي اجت امه يا شبيج عيني ويه جاهل حاطه عقلج بعقله
غصون:خاله انظف ويوصخون لزمي ابنج
هاي ضاجت ونفخت وجرت ابنه وراحت
كلت يطبه مرض نضل نشتغل فوك ضيمه
ميار:شبيج ويه جهال موعيب
غصون:تره تعبت اضل الملم وراهم تعب موجهال ولاثنين كومه همه باوعتلي صفح وراحت
ماهتميت كلت مدام دافع عليهم خليه رحت صعدت بغرفت رنين وتمددت شفت صوره على الميز القريب على سرير صوره مال كرار ومهدي وحسين ورنين
باوعت للصوره مهدي جان مبتسم اوف منك يامهدي شبيك ماتحس. ضليت لازمه الصوره واتمعن بشكله. حسيت. احد دفر الباب ودخل فزيت
باوعت ساره
غصون:ساره متعرفين دكين الباب
ساره:وهي طك بلعلج وتفر بحلكه اوي عيني شبيج
وذا مدكيته مضوجتج
غصون: اي مضوجتني خلي عندج احترام باوعت على ايدي وكالت
ساره:هايشنو بيدج شوفيني وهي تحجي بقرفف
عبالك تحجي بخشمه
غصون:شتردين اشوفج شي ميخصج جرته مني
الله الله شوف منو بصوره حسوني وكروري واخويه يمه صوره حلوه بس مخربته رنين
باوعتله صفح وهزيت ايدي وطلعت من الغرفه واني داطلع طلعت بوجهي اسماء
هو حضي هذ شسويله باوعتلي هزت ايده ودخلت للغرفه عفتهم ونزلت دخلت يم النسوان وعساني مادخلت طلباتهن بدت هاي الي تكلي اريد مي واهاي الي تكلي دلي بنتي على الحمام وهاي التكلي شوفيلي ابني وين طلعت روحي طلعت من الصاله بسرعه اضل بلمطبخ افضل من ما اضل بصاله. واسمع اوامر
رجعت اسمع طلبات ام مرتضى وتنظيف ونكسر ظهري كسر مرت ايام الفاتحه هاي حالتنه مستمره بشغل وناس تجي ومهدي قليل اشوفه
جنه كاعدين بلغرفه اني والبنات نحضر للاربعينيه سمعنه صوت ماما ركضنه شفنه ريام واكفه بلباب مالغرفه بيبي دخلنه شفنه ماما وحسين حاضنين بيبي عرفنه بيبي توفت ونعادت عليه. نفس القهر والبجي وهلمره كله مخلصه دموعه وتعبانين صدمه وره صدمه وكله مترقبه وخايفه منو الي بعده
ومرت ايام الفاتحه ايام متشابه جداا لانهارنه نهار ولا ليلنه ليل
الهوسه ازيد متنقص التعب يزيد ناس تزيد
الماعين الي كل ماجاه تزيد وضلينه على حالتنه والبيت هوسه وحزن ومحد اله خلك احد وناس تاكل ناس ام مرتضى تتعارك ويه ذبان خشمه الوحيد الي جانت تسيطر بلفاتحه وتكوم تنطي اوامر وتنهي كانت السلطه بيده
ام حسين مجان اله خلك تكوم ابد تعبانه عبالك اهله الي توفو
ميار تعبت هواي بشغل طرت تروح ويه رجله للبيت
احنه ضلينه. بلبيت لحد الاربعينيه مال بيبي رحنه ورجعنه عبالك توهم متوفين والبجي والصياح حالتنه ماتمناه للعدو من كد مابجينه ونقهزنه ونكسرنه راح عامود البيت وسنده راحت ونست البيت راحت فرحتنه كله
رحنه زرنه الامام ودموعي تصب ضليت ابجي ودعيت وصليت
ثاني يوم رجعنه للبيت كل شخص راح الغرفته الحزن مخيم علئ البيت
جنه كاعدين اني وخواتي وتاره ا جت ماما كالت
هاله: صوته بي نبرت حزن يلا بنات حضرن نفسجن حته نرجع للبيت
غصون وهديل: تمام ماما
رحنه لمينه ملابسنه وغراضنه وبدلنه ورحنه من بيت جدي رجعنه البيتنه صاير وصخ وكله تراب لان متروك ضلينه نغسل بي
ركضت لغرفتي وضليت افكر بمهدي معقوله بيوم يصير الي رسمت احلام ورديه عليه
......
ريام: حضرت نفسي علمود ارجع لبيتنه
بطلب من حسين ماكدر ابقه بلبيت لان صار فارغ
خلصت غراضي وبدلت نزلت يم تاره شفته صافنه وتفكر اجيت حضنتهه وطبطبت علئ متونه
اللله يصبرنه الي صار اكبر منه
بس هذ قضاء الله وقدره
كلنه علئ هذ الطريق مابيدنه شي نسوي
صاحني حسين علمود نروح طلعت واشوفه موحسين الاعرفه بعد الصار تغير جذرياا
جانت اخاف اخسىره بيوم او يصير عليه شي
رجعت للبيت ضليت امارس حياتي العاديه
بدون طعم وحسين من يلتحق تتعب نفسيتي واضل ادعي يرجعلي سالم كلشي مابي من يرجع تردلي الروح صرت اخاف عليه واهتم بادق التفاصيل
مرت سنه علئ وفات جدي وبيبي
رجعنه علئ حياتنه الطبيعيه طلعنه من جو الحزن كان وجود حسين كافي انو يخليني اسعد وحده
تركت دراسه كلت التفت البيتي وحسين ممقصر وياي
اخبار اهله نكطعت ماسئله عنهم ولا هوو يحجيلي
ولا اروح الهم كتفيت بوجود حسين بحياتي وجنت متمسكه بي
والي سمعته ساره تزوجت اسماء نخطبت
ورباب ولدت ولد وسمته محمد
وللي صدمني اكثر انو مهدي خطب وخطب منار كلش نصدمت ونقهرت علئ غصون لان حجتلي انو هي معجبه وتحبه دعيتله اللله يرزقه بشخص يحبه
واني بلنسبه الي ولاحضرت خطوبه شخص عزموني بس نفسيتي متسمح احضر اعراس او ماليخلك
واخويه حسام خطب وقررو هو ومهدي يسون عرسهم سوه
جنت اسئل تاره واكله شوكت تعرسين انتي وكرار وتخلصونه جانت تكول موهسه اللله كريم
ضليت اراسل بتاره شوي وراحت اجه حسين كالب وجه وميتحاجه سئلته تريد عشه
حسين؛ماريد زقنبوت
ريام؛ بيك شي حسين؟
حسين: مابيه ليش تسئلين
ريام؛ مملاحظ انو انت ضايج وعصبي
حسين: بربج جفيني شرج ولي عني ماليخلك
ريام: باوعت عليه وعيوني دمعت ماردت دموعي تخوني عفته ورحت للغرفه
نسيت فوني وين حطيته او علئ الاغلب ماجنت اعرف راح يصير شي مامتوقعته
جنت حاضنه نفسي ومتمدده منايمه
وماحس اله حسين هاجم علئ الغرفه
وماعرف منين تجيني ضربات
........
يتبع
