عقاب الحب الفصل ٢٠
الكاتبة صفاء حسني
مش معقول انا ماتصورتش انك تقدر تحل كل المسائل وكمان بالطريقة دي انت فعلا عبقري يا وليد
ابتسم وليد بفرحة:
انا شاطر يا شهد الدكتور قال انا شاطر
ابتسمت شهد وقالت
برافو عليك يا وليد انا. فخورة بيك بجد
اقترب جاسر منه وضمه بفرحة:
انا النهاردة حاسس ان بابا فرحان بيك يا وليد
كان وليد اول مره حد يضمه فكان مضايق شوية وبعد كدة دفع جاسر:
انت عايز تضربنى انا مش بحب حد يلمسنى
بدأت شهد تدخل وتشرح لوليد :
احنا قولنا ايه يا وليد جاسر اخوك الكبير وكان بيحضنك عشان فرحان بيك مش بيضربك
سأل وليد :
يعني ايه حضن وانا مش بحب حد يلمسنى
وضح الدكتور لوليد
الحضن ده تعبير عن الحب والحنان يا وليد تعال معايا نتكلم شوية
دخل وليد مع الدكتور وبدا يسأله
انت فاكر طفولتك يا وليد
حط وليد ايده على دماغه وهو بيفكر وقال
طفولتى يعني وانا صغير وبدا يسمع شرح الطفولة وتركيبها وكل شي فى علم النفس المتعلق بالتربية والطفولة
ضحك الدكتور
شاطر يا وليد انت حافظ وشاطر لكن + الحفظ عايزين كمان نفهم عشان لو نفسك تكون راجل حقيقي لازم تفهم كل كبيرة وصغيرة يعني انت حافظ اجزاء الجسم كله صح
بدا يسمعهم وليد
طلب الدكتور يشاور على جزء فى جسمه من اللى هوه حافظه لحد ما وصل فى الشرح للجزء
الجزء التناسلي بدا يشرح الدكتور بمجسم الفرق ما بين الجزء الخاص بالمراة والرجل ويتكون من ايه
وكان يستمع وليد بدقة ويسأل ويجاوب ليه وبعد كدة ساله
يعني لو فهمت كل حاجة اكون راجل حقيقي واعرف اكون عريس شهد
ساله الدكتور يعني ايه الزواج يا وليد
رد وليد
عقد متبادل ما بين طرفين بالشرع والقانون يجمع بين الرجل والمراة
ابتسم الدكتور
فاهم يعني ايه شرع وقانون
رد وليد الا حافظه
اشهار واعلان وشهادة طرفين وقسيمة موثقة وكمان موافقة ولى الامر
ابتسم الدكتور
برافو عليك طيب لما بيحصل كل ده عارف ايه كمان بيحصل
ابتسم وليد
انام انا وشهد على السرير
ضحك الدكتور ونفى كلامه
مش كدة بالظبط يا وليد ماما فهمتك الزواج غلط
اه شهد لبست فستان وجاءت بفستان ابيض وانت لبست بدلة لكن محدش فيكم مضي على ورق المأذون
انصدم وليد
اه انا ما مضيتش على حاجة بس عملت فرح
ابتسم الدكتور
عملت فرح فى قاع وناس، كتيرة معزومة
هز راسه وليد بالنفى وقال
لا انا ركبت العربية انا والعروسة وماما وجينا على البيت بس شغلنا اغانى
وضح الدكتور
كل اللى حصل ده لم يتفق مع شروط الزواج اللى انت حافظهم يا وليد غير كدة اصلا شهد ممرضة
مش مرات حد
انصدم وليد
بس مرات عمي قالت ان شهد مرات جاسر، وعشان كدة قاعدين مع بعض وسايبنى ولما سالتنى بيناموا جنب بعض غيظتها وقولت ليها شهد بتحبنى انا وبتنام لوحدها
شرح الدكتور
برافو عليك يا وليد
هى بتنام لوحدها عشان هى مش مرات حد فيكم
هى ممرضة مشرفة عليك وعلى متابعتك مع جاسر، فاهمنى
ام الجواز فى حجات كتير لازم تتدرسها كويس وانا هشرحلك بالراحة على شان ماحدش يستغل جهلك ويقولك حاجة مش صح
وبدا يشرح كل حاجة وفهمه انه حرام الشاب يقرب، من البنت غصب عنها او مش مراته ولو عايز يتجوز لازم يتعلم كتير عشان يفهم كل حاجة بعد الانتهاء
خرج جاسر ووليد وشهد ووصلوا للبيت
وبعد ما اقعد جاسر فكر بكلام الدكتور كتير وكلامه منطقي وقال لنفسه
مش ممكن شهد مش متقبلة حبي عشان أنها مش حاسة أنها مراتي بجد وكلام الدكتور فوقنى على حقيقة كانت غايبة عن عقلي فعلا شهد وافقت على وليد وبتساعد وليد ممكن تكون
نفي اللى فى دماغه لا طبعا وليد مهما اتحسن اصلا مش هيوصل لمرحلة ان شهد تكون مراته
لاحظت شهد شروده وسألته
انت مش عندك شغل قاعد ليه حضرتك
استغرب جاسر سؤالها
مش فاهم هو ممنوع اقعد فى بيتى
ضحكت شهد بسخرية
بيتك تحت مش هنا انت بتطلع بس تنام مع اخوك مش اكتر لكن وجودك هنا بس عشان تاخدنى للدكتور او النوم
صفق جاسر كف على كف
ليه انشاء الله عايش في لوكندة وانا مش واخد بالي
ابتسمت شهد
برافو عليك يلا بقي عاوزة اشوف حلاوة خطوتك
رفض جاسر
ولو ماسمعتش كلامك هتعملى ايه
ضحكت شهد
بسيطة هخلعك والموضوع ده بقي بسهولة جدا
ولا اعمل شوشرة ولا اشرح إن الجوازة باطلة
وجواز عتريس من فؤادة باطل ونحرق في البلد
ضحك جاسر
ليه وعلى ايه ولا خلع ولا نولع
انتى طالق يا شهد واخويا ينزل ينام تحت ونطلع على ميعاد المتابعة والحفظ
وخد بعضه ونزل
انصدمت شهد
هو طلقنى بجد والا بيهزر هو احنا اتجوزنا اصلا يادى الخيبة ايه اللى انا فيه ده يلا احسن خد الشر وراح
....
كان وليد قاعد فى الحديقة بيحفظ الا طلبه منه الدكتور عشان امتحان مهم وبيقرا عن الزواج وكل حاجة يخصه قربت منه مى و شافته بيقلب على النت
ضحكت مى
مش قولتلك تعالى وانا افهمك يعنى ايه تكون راجل
نظر لها وليد
أنا سألت الدكتور وقالي لو ذاكرت الحجات دي وفهمتها هكون راجل انتى عايزة تعطلينى ليه
ضحكت مى
اعطلك انت حر انا الغلطانة كنت هاخليك تجيب نونو من شهد بس انت مش عايز
ومشيت وكان وليد بيفكر يعنى ايه نونو وازاى اجيبه من شهد ومشي وراها عشان يسألها
كانت مى عارفة أنه جى وراها ودخلت تحت البيت فى غرفة للكركيب وهو نزل وراها
سألها وليد
يعنى ايه نونو
ابتسمت مى وشغلت تليفونها على فيديو يظهر فى الحائط وبدأ يشتغل وسابت وليد يشوف مشاهدة علاقة من فيلم اجنبي
كان وليد بيقرا الترجمة ويسمع الصوت ويتفرج وهو مش على بعضه وبدأ يعرق جامد
ضحكت مى وقالت
واضح انك بدأت تفهم بالطريقة دى تقدر تجيب نونو طفل صغير وانت تكون بابا وهى ماما
بلع ريقه وليد وهو مش عارف يترجم الا بيحصل معاه
خرج من الغرفة وكل إللى في خياله المشاهد اللى شافها
وتخيل أنه مع شهد
ضحكت مى
احلوت لو اقرب منها وهو بحالته كدة طبعا شهد هتصوت وجاسر يجى ويمسك فى اخوه وطبعا شهد تخاف على نفسها مش هتكمل عشان بنت الذين دخلت في خطوات كتير للنجاح معاه ولو حصل النجاح ده مش لصالحى انا عايزة اخلص من وليد وجاسر فكدة كل حاجه تبقي فى حجري انا وطبعا جاسر فى لحظة غضب ممكن يقتل وليد بايده ويدخل السجن وتنجح خطتى اقسم بالله انتى مافيش زيك يا ميوو لكن انا كمان مش على بعض اطلع عند جوزى
...
اتجه وليد على البيت وطلع فى الاسنسير وراح على شقة شهد لكن فجأة لاقي الباب مقفول
فضل يخبط على الباب جامد
سمع خبطه جاسر من تحت طلع وسأله
انت بتخبط جامد كدة ليه وانصدم لما شاف شكله كان واضح عليه جدا انه ناوى يعمل حاجة
غضب وليد:
عايز ادخل عند شهد مين قفل الباب
مسكه جاسر اللى فهم اللى حصل أو كان مراقب كل اللى حصل وتذكر كلام الدكتور وان تفكير وليد اتغير ممكن حد يخليه يفكر غلط وتكون العواقب وخيمة
فتابع وليد من بعيد وسمع كلام مرات عمه وبعد كدة شاف اللى حصل وبعد كدة استخب عشان يفهم وليد هيعمل ايه
واخده جاسر بالعافية ودخله تحت الماء عشان يهدأ ويفوق
كان وليد رافض وبيصرخ انت ليه مش عايزنى اكون مع شهد
قاله جاسر
شهد سابت المكان يا وليد
وليد مصدوم ومسك فى جاسر
انت السبب ولا امى انتم ليه اخدوها منى
تابع
انتهى الفصل ٢٠
الكاتبة صفاء حسني
أنت تقرأ
عقاب الحب الكاتبة صفاء حسنى جديد وحصريا
Narrativa generaleاسمعني اسمعني اسمعني لا تعطي فرصه للفراق أن يكون أقوى من حبنا اسمعني لا تجعل قلبك قاسي هكذا عليا في لحظة غضب منك اسمعني لا تتركني هكذا ضعيفه يائسه في لحظه أنا احتاجك فيها اسمعني انت على الاقل لا تكون أنت و الحياه قاسيه عليا هكذا اسمعني انت لا...
