كابوس العشائر

بارت 19

بسمٌ اَْلّلّهً اَْلّرحًمٌنَ اَْلّرحًيِمٌ


اَْلّلّهًمٌ صِلّيِ ع مٌحًمٌد واَْلّ مٌحًمٌد

اَْلّگٍاَْتٍبةّ هًيِاَْمٌ حًسيِنَ ★★★

روايتي _كابوس العشائر

خنجر: لاتحجين هيج يغزلان تعورين كلبي صوبينه بحجايتج ذني والله مو بيدي وجنت اجي وانشد عليج. توصلني اخبارج

غزلان: تنشد منو ومنين تعرف اخباري من دركان

خنجر: سالفه طويله عوفيه خل اسلم ع البنات

شلونجن بويه طوعه خاجيه كلجن

طوعه: بخير الله يحفظك دام شفتك وسلمت عليك راح ارد يم ابوي اشبع منه اريد ظلن انتن لمته ماتردن تجن تعالن

خاجيه: اني امشي وياج نطريني ومناك اروح ع امي اشوفه
خنجر : مالجن طلعه كلجن عشاجن يمي

طوعه: زلامنه ناطرتنه نسلم عليكم ونرد

خنجر: اني احاجيهم تباتن اليوم
طوعه: لا يخويه بنياتي عفتهن وحدهن لازم ارد كبل ليل مامتعودات اعوفهن

خنجر: جا بكيفجن بعد
ذني بناتج يخاجيه

خاجيه: اي بناتي
خنجر: يشبهنج الله يخليهن الج
عتاب: بويه هاي مهبوله اليم امهه

احلام : شفتني اركص ولطم. بحوشكم ودكول عليه مهبوله صدك ماتستحي وماتحترم خطارك يله يمه مشينه شوفي امج وخل نرد للحوش

خنجر: اكعد بويه عوفه يحب يشاقه لازعلين يبعد عمج ولجمت كلبه

خاجيه: كال هيج وعيونه عليه ومرته جانت تتفحص بلوجوه تتنوع الكل وحده بينه وترد تتنوع لخنجر ماعرفه شبيه
عيون خنجر فضحته يتنوع بوجهي ويرد يتنوع لبناتي
ضجت كلش اخذت بناتي وطلعت ع بيتنه حته. طوعه ماتانيته امشي وافكر شكل امي شلون صاير هسا اخواني شلونهم اخواتي هم يذكروني بكثر ذكري الهم وصلت يم بيتهم والفروخ تلعب وتتراكض صفنو بوجي ورجعو يلعبون مايعرفوني بس واحد صفن بوجي جن عرفني عفته زغير ورحت اني هسا كبران

احمد: انتي شبيهن عماتي منهي انتي

خاجيه: شدكول اني وحده من عماتك لو بس اشبه

احمد: عماتي اعرفهن جوز شبهينهن انتي ماعندي بعد عمه غير العرفهن

خاجيه كال هيج ودار وجه مشه شويه وكف حك راسه وغمض عيونه جن يذكر شي

احمد: انتي انتي عمتي خاجيه مو

خاجيه: دموعي ع خدي اي يبعد عمتك مانسيتني يي خاجيه يبعد عيون خاجيه

اجه عليه يركض حضني وباس راسي وهوه يبجي ويضحك مامصدك ودموعه ع خده

عفتك زغيرون يمه جنت ماتنام اله بحضني وماتسكت اله اشيلك ع جتافي جن غزر بيك تعبي واليوم تبجي عليه جن ماناسيني