أرويني بدماء جحيمك [Quench me with the blood of your hell]

𝑃𝐴𝑅𝑇❀107

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀107

لحظة صمت، كلشي سكت و انظارهم على ناجد و ساجد لي كي شوفو فبعضياتهم و من خلال عيونهم كل واحد فيهم باغي يوصل رسالة للآخر، ساجد كي قوليه يالاه زعم و تحداني باش نتبعك لسارة، و ناجد من لمعة الاسى لي على عيونو كي طرح عليه سؤال من ديما باغي يعرف اجابتو "عمرك عتابرتيني خوك؟"

و من بعد مدة من الصمت لي خلا الجو يتوتر، كسرات أحشاء السكون زكية بصوتها ملي نطقات بغير رضى و هي معصبة من كلام ساجد لي فكل مرة كي وقع خلاف خصو يفكرو بلي هو مجرد ابن متبني...

زكية(بعتاب):ساجد...عيقتي بزاف ا ساجد...بعد من خوك خليه يدير لي بغا...مالك اش دخلك فيه و فحياتو؟ و لاش فكل مرة كاتخرج من فمك كلام كي السم؟ و لا غير حيت نتا قلبك قاصح ما كاتحسش عند بالك كلشي بحالك؟

ساجد(ازال عيونو من على ناجد و وجههم لزكية ناطق ببرود، كأن هدرتها ما حركات فيه والو): خليك بعيدة...

زكية(علات صوتها و قالت بصرامة): حتى نكون انا بنتك و ماشي نتا لي ولدي و نبقا بعيدة...(هزات صبعها ناطقة بتهد يد) سمعني...فوت عليك خوك خليه يفرح براسو هو و مرتو و لا ما بغيتيش العرس نوض نتا قطع ورقتك من الحالة المدنية و سير فحالك من هنا...

ساجد(هز قهوتو رشف منها و قال بهدوء): لي غاتقطع ورقتو و هو لي غايدير عكس كلامي..

زكية(هزات حاجبها): شنو دابا كلامي ولا ما يسوى والو؟ صافي كبرتي الكتاف حتى وليتي تضر ب فهدرتي؟

ناجد من قبيلة و هو حاضي ساجد بعيونو و كي حاول يلتامس الصدق من كلامو، كان متأمل بلي غير تهد يد من عندو و بلي ما قاصدش هدرتو، لكن تأكد من ان كل حرف خرج من ثغرو عناه بجدية و ما ناويش يتراجع على قرارو...

ناجد(تنهد بضيق و دار كي شوف فزكية): صافي الواليدة...غا خليه راه هو كبير عابدين....انا غا زبل لقيتوني فالزنقة و درتو فيا خير...(شافيه ناطق بحدة) ما بقات بيناتنا خاوة...الله يعاون خليت ليك القصر بلي فيه(وقف و شاف فوجدان) تهزي...

وجدان(كاتدور فهيونها بتوتر): ناجد غير صبر بلاتي...

ناجد(نطق بصرامة): غاتهزي و لا ما ساخياش بالقصر؟(سكت كي حقق فيها و فعلامات التردد لي ترسمات على ملامحها و ديك الساعة بتاسم بسخرية قبل ما نقول) مزيان...بصحتك...