السلام عليكم ... وربي وحشتوا قلبيييي
قبل كل شي ابغاكم تطمنوني عنكم وعن أحوالكم عساكم طيبين؟🥹
يارب باقي احد موجود هنا ليومنا ذا🧍🏻
صراحة توقعت انه مع الوقت ذا كله نسيتوني ونسيتوا الرواية لكن تأثرت والله برسايلكم والناس اللطيفة اللي قلقت علي، جاني تأنيب ضميير💔
اولًا حابة اعتذر جدًا عن التأخير وعن الإنقطاع وكمان عن الخبر اللي على وشك اقوله..
بصير اكذب عليكم لو قلت لكم عندي الوقت والفراغ وأهمهم 'الشغف' صراحة اني اكمل الرواية لانه ما عاد عندي ابد، كانت فترة فحياتي وهواية حبيت اجربها بس للأسف ما أشوف نهاية لذا الطريق غير اني اوقفه من نصه.
غير كذا فيه موضوع كان متعب نفسيتي كثير ايام التحديثات وشاغلني التفكير فيه وهو اني كنت حاسة اني جالسة اسوي ذنب ربي ممكن يحاسبني عليه، كيف؟ إني جالسة اكتب وأنقلكم سيناريو واحداث أخليكم تتخيلونها واكيد فيها أشياء مخلّه ربي نهانا عن رؤيتها بأي شكل من الأشكال زي الأحضان والبوس وحتى العبارات وما إلى ذلك، كنت شايله هم هذي الفقرة بزيادة لما تطور العلاقة بين الشخصيتين الرئيسيتين لانه وقتها اكيد بيكون فيه مشاهد زي اللي ذكرتهم، ونكون صريحين.. يمكن لو كملت بدون ما اكتبها الكثير حيترك الرواية، انا بكبري هذيك الايام ما كنت احب اقرا أشياء مو عاطفية لانه كفاية الجفاف اللي اكيد كلنا عايشين فيه🫠
يمكن كثير منكم يختلف معي على وجهة النظر هذي ويشوف انه مافيها شي ابد، لكن أنا عن نفسي اكتشفت اني مو مرتاحة وما حأقدر ابدًا اكمل واحس اني كسبت اثم من ورا الفصول اللي نشرتها عسى الله يغفرلي، لذلك حابه اني اوقف تمامًا، وشكرًا للي احترم وجهة نظري🤍
وللطيفييييين اللي شالوا همي جعلني ما اعدمكممم❤️❤️، أبشركم أنا بخير ونععمه الحمدلله بس من تخرجت من البكالوريس صارت احداث كثييير فحياتي.
الناس تفرح بتخرّجها وانا جتني جرثومة المعدة على طول🥲 اللي يعرفها يعرف انها تسبب اكتئاب واعوذ بالله استمر معاي ٣ شهور وكانت اصعب شهور في حياتي، بس يارب لك الحمد عدت وبديت احضر دورات كثير عشان السيڤي وعلى طول الحمدلله كملت دراسة الماجستير وحاليًا في سنتي الثانية والاخيرة، على طولل ما عندي وقتت هههههههههه
وكمان اختكم حتودع حياة السناقل خلاص🏃🏻♀️دعواتكم الصادقه لي بالتمام والتوفيق❤️ بس اكيييد لازلت اكسوإل ولا زال بيكهيون عشقي وحبيبي وما أتوقع اني بحب زوجي اكثر منه🤸🏼
اللي حاب نستمر في التواصل ونتفقد احوال بعض من فين لفين بكون سعييدة اكيد، هذا يوزر الإنستا حقي حياكم
arwn24.1
بحذف الفصول كلها وبعد فترة بحذف الحساب كامل، زي ما قلت يوزري فوق تنوروني، واتمنى ما تنسوني من دعواتكم وانا بعد ما حنساكم، كانت فترة جميييلة فحياتي عشتها معاكم واتمنى ما شفتوا مني إلا كل خير.
اخيرًا.. لا تنسوا الصلاة على حبيبنا
انتبهوا لنفسكم زييين، استودعكم الله🤍🤍
أنت تقرأ
كُـونِـي مِـلْـكِـي || B.BH
Romanceمُـنْـذُ نُـعـوْمَـة أَظَـافِـريْ لُـقِـنْـتُ الـكُـرْهَ وَ الـبُـغْـضْ فَـقَـطْ ، الحُـب وَ وَ الإهْـتِـمَـامْ صِـفَـتَـانْ لَا أُجِـيـدُهُـمَـا أَبَـدًا ... حَـتَّـى قَـابَـلْـتُـكِ . تَـوَغَّـلْـتِـي إلـى جَـسَـدِي بِـبُـطْـء رُغْـمًـا عَـنِّـ...
