«بسم الله الرحمن الرحيم»
« رنوة أمل »
« آمنه عادل »
«اللهم صلِِّ على محمد وآل محمد »
كل صورة تَحتفظ فيها من باب ذكرى
سَعيدة هي بالأصل حنين مؤجل .
===========================
«امجد»
سافر أدهم واني بقيت بالعراق كملت شغله
وره يومين رحت وراه..
رحت البيت ليل على اساس بقى بنفس مكانه قبل
بس هو ميدخل للبيت ولا ليله ليل ولا نهاره نهار يفتر بكل الأماكن القبل نشتغل بيهن...
اول ما فتحت الباب ليل بقت ساعه تسولف
وياي اخير شي گتلها...
ــ وين ادهم؟
ــ بغرفة امل هسه اجه..
ــ ها خوش رايحله..
صعدت فوگ دخلت للغرفه لگيته يخابر
من خلص رحت ضميته..
ــ شلونك؟
ــ مالي لون..
امجد: شيريدون منك؟
ــ يريدني ارجع اشتغل وياهم..
ــ وافقت؟
ــ لا.. بالگوه طلعت شوافق؟
ــ شنو راح تسوي؟
ــ گلبي يوجعني أمجد راح يأذونها
انوب مبقينها يم البَّتار ولد ****
ــ رحت البيته؟
ــ امجد لا تصير اثول طبعاً ما يخليها ابيته..
ــ اقصد البّتَار مو امل شبيك..
اكلك ندور بالمخازن مالته؟
ــ ماكو بـ بيته دورت بقى بس واحد..
ــ امشي نروحله..
ــ يلا..
طلعنه اني وياه من البيت رحنه للمستودع
فارغ حتى بضاعه ما بيه لان يدرون بسوالف
ادهم اذا لگالهم شي ما راح يبقيه سالم..
أدهم: عندي خطه..
ــ احچي راح اموت من الفضول..
ــ نتساوم ويه البّتَار..
ــ شلازم عليه؟
ــ لازم مصايب..
ــ اي شمتاني؟
ــ ما جاي اگدر اتواصل وياه ابن النـ ***
ــ ما لكيت جعفر؟
ــ جعفر شعليه؟
ــ غير هو يشتغل عد البّتار خلي نستظيفه
كم يوم يمي وداعتك اخليه يكت الأول والتالي..
ــ امشي ماكو غير حل..
