حكاية (( ضحية انتقام ))

(( بارت 16 ))

حكاية(( ضحية انتقام )) للكاتبه حوراء الموسوي

(( البارت السادس عشر ))

  ......... شربت العلاج ونزلته وياي خليته يم الحجيه مثل ما رادت واعرف وارث هو الكال الها حتى تذكرني وما انسى طلعت شفت بيت ثائر متحضرين يطلعون يرحون البيتهم ومخبوصين بأغراضهم دخلو يم الحجيه يسلمون عليها قبل لا يطلعون بس وفاء تريد تاكلني وما بطلت من الشتايم ولفشار اني مجاهلتها واستبرق تأشرلي اسكت دخلت اطبخ الغدا وهم طلعو البيت صار هدوء ولحجيه نصبتلها مناحه تنعى وتبجي وحتى ما قبلت تأكل ومن هذا اليوم كامت صحتها بالنازل وسكرها ما يستقر وكل يوم ولثاني بالمستشفى وارث اكثر وقته خارج البيت علطول اسمعه يكول عندي انذار وخفارته بين كل يومين وركب كاميرات بالكراج ابتعدت عنه اشوفه بالختله وما اخلي يشوفني هوايه مجرد انطي غدا او عشا اذا سهام مشغوله واطلع بسرعه واموت من اشوف نضرته الي انقهر من اشوفه قريب عليه بس ما اكدر احجي ويا روحي متعلقه بي اراقب كل حركاته وانتظر شوكت يجي للبيت حتى اشوفه ومن يجي اليل اخلصه ابجي نزل وزني بشكل مو طبيعي نفسيتي تدمرت مأاكل اجبر نفسي من ملحة الحجيه شي قليل أكل حتى تسكت عني صرت اكره غرفتي نزلت من ملابسي وبقيت وياها بنفس الغرفه علمودها لان صحتها تعبانه واني ما احب غرفتي تخنكني بس صارت عندي حاله ما انام طول اليل واذا انام تجيني كوابيس واكثر وقتي ابجي ونسيان ما اعرف ليش هيج صار وياي روحي فرفحت اريد اهلي اريد اسمع اخبارهم سهام كل يوم تسمعني حجي تسمم يومي وتسلطنت براسي البيت كوله عليه وصرت انتظره من يجي بليل بوقت متأخر يمر على غرفة الحجيه يشوفها يكعد يمها شويه اذا كاعده اني اسوي نفسي نايمه بس اسمع صوته وابجي كرهت نفسي كمت افكر انتحر بس اتراجع من مخافة الله بس احس اكو شي يكولي انتحري  موتي وخلصي من هل عذاب كلشي بكف و وارث وشكه بيه بكف من تجينه هناء وتشوف وضعيتي تتخبل وتحجي عليه شلون هيج هامله نفسج ولازم اتصيرين قويه واثبتيله برائتج وتقربي من عنده انتي بادري ويا وحاولي بس ما اخذ بنصأحها موبيدي صحتي ونفسيتي ميسملحي واشوفه هو عاجبه بعدي عنه واشك عنده وحده غيري وغير سهام لان حتى سهام اشوفه ما طايقها لو يم الحجيه لو بالاستقبال يكعد الوحده مر شهر على هاي الوضعيه  تعمدت ما اخلي وارث يشوفني ولا حتى يلمحني وزادت عندي الحاله صرت اتخيل اشيا موبالواقع اصلاً وينغمي عليه فجئه بكل مكان مرات بالحمام الكه نفسي فاقده بس ما اكول المنو اكول الحجيه كافي عليها مرضها وارث ميدري بيه وين ماوين ولا شايفني واني ويا بنفس البيت وسهام الي تريد موتي اليوم قبل باجر بس الحجيه ملاحضه هلشي وتسئلني شنوبيه ما اجاوبها اكتفي بالسكوت وشكم مره اسمعها تكول الوارث بس ميهتم الي عباله اتعاير لو اسوي هيج متعمده حتى يحجي وياي لما اجه ذاك اليوم الكل نايم شفت الساعه ب 12 بليل كمت صعدت الغرفتي امشي على كيف خاف احد يحس  بيه بعدني ماداخله الغرفتي حسيت انفتح باب غرفة سهام التفتت شفت وارث طلع شافني تفاجئ بس اكتفه بالسكوت وكمل طريقه للحمام اني هم ماباوعتله ما اريد الفت انتباهه دخلت وقفلت الباب عليه باوعت للبنكه فتحت الكنتور طلعت ربطات قويات ربطت وحده بالثانيه سويتهم مثل الحبل قربت الميز صعدت شديتهم اتشاهدت وتوسلت الربي يسامحني بدون خوف خليت الحبل بركبتي سمعت الباب يندك مره مرتين اباوع على الباب بس مااجاوب كام يدك سريع ويصيح افتحي الباب لا اكسره واموتج ميعرف اني راح اموت نفسي استعجلت ودفعت الميز برجليه وكع طلع صوت اني كمت ارفس برجليه حسيت الباب يندفر يتكسر للحضه تمنيت يدخل ينقذني ما اريد اموت طلعت عيوني صار مثل الضباب بعيوني ولهوى ما ينزل حسيته شالني من رجليه  رفعني  بس بعد فصلت عن الواقع وجنت اتمنى ما ارجع للحياة بس هاي ثاني مره اموت وارجع اعيش شكد نحسه حتى بهاي ما صار مثل ماردت كعدت بس ضلام فاتحه عيوني بس ما اشوف اسمع الصوت وهوسه يمي صوت وارث وهناء من كعدت فاتحه عيوني على وسعهم ورفعت اديه اتلمس بيهم اريد اتأگد اني كاعده لو نايمه اتقرب يمي وارث نزل اديه كوتله بصوت يرجف اني ليش ما اشوف لي ضلمه كمت اصرخ بهستيريا حاولت اكوم بس ميخليني هناء ركضت تصيح لدكتور حسيت الدكتور دخل اجه فحص عيوني اني ابجي واتحرك تخبلت احساس حقير ابداخلي سوت مثل هذا اليكول اجه يكحلها عماها ما متت بس عميت عيوني اسمعه يكول الوارث هذا عمه مؤقت بسبب الضغط وگطع الاوكسين عن الدماغ اني من سمعت هيج كمت الطم على وجهي وعيط ولك ليش ما خليتني اموت انت شنو من بشر حتى بهاي متخليني اموت براحتي كوله بسببك من وراك الله ياخذك موتوني خلي ارتاح ولكم تعبت كافي عذاب حسيت ثنين لزموني وارث وما اعرف منو الثاني وضربوني ابره بايدي ثواني ورجعت نمت مااعرف شكد وكعدت بس ماالي طاقه اتحرك  ولا افتح عيوني حسيت سوالف يمي ونيت حسو عليه واجو يمي جان الدكتور وارث سئلني شلون صرتي كوه  جاوبته زينه:: كال الوارث انطيها ماي خلي تشرب  شربني ماي  صحصحت كال هسه اسئلج تجاوبين ي بصراحه بس هزيت راسي كال شنو جنتي تاخذين من علاج:: جاوبته مال قلب لان عندي عجز ما اعرف شنو كال غير هذا العلاج شنو :: كوتله  ماخذه غيره بس العلاج الوصفه الدكتور الي:: كال الوارث ممكن تشوفنيا اذا بعده موجود جاوبه راح اجيبه الك وارجع مسافة الطريق الدكتور تحمدلي عالسلامه وطمني يرجع نضري بس مسئلة وقت ويرجع كلشي طبيعي طلع الدكتور دخلت هناء هيه وزوجها يمي واتقرب وارث عدل حجابي وطلع راح يجيب العلاج كعدت يمي هناء تسولف عليه وترزل بيه شلون اسوي هيج وشنو استفاديت جنت بس ساكته ما اجاوب واحس بركان بداخلي وگلبي يوجعني مخلين على خشمي التنفس انزعجت من صوت الاجهزه صرخت طفوها ما اريد اسمع صوتها ورفعت اديه على اذاني حسيت هناء خطيه احتارت شتسوي طلعت صاحت الرجلها دخل يهدء بيه ويكولي هاي علمود صحتج ما تحملت بعد ملخت الكانولا وشمرتها وتنفس وخرته وكمت اريد اطلع بس ما اعرف وين لمهم اطلع منا هناء لازمتني وتحجي عليه ::  ولج شبيج تخبلتي والله موصاحيه استهدي بالرحمن وينك اسعد خابر وارث بسرعه هاي موبعقلها مو واعيه اسمع اسعد يتصل ويحجي الممرضين دخلو يردون يرجعوني المكاني بس ما ارجع اكو صوت بداخلي يكولي اطلعي موتي نفسج اريدهم يحسون بيه كرهت اهلي حملتهم مسؤلية اذيتي شويه وحسيت دخل وارث يحجي ويلهث اجاني ضربته بدون ما اشوف تقرب عليه وقيد حركتي رجعني لسرير دخل الدكتور اخذ العلاج من وارث جنت ارفس بي اريد اكوم وهو كوه مسيطر عليه گال الدكتور:: هاي ماخذه علاج مال صرع ويخليها تهلوس ومتنام شكد صارلج تشربين بي وجماله مخلصه الشريط كوله:: جاوبه وارث كاله بس هذا مومن ضمن العلاج السجله الدكتور اني جبتلها العلاج بس هذا ما مشتري اني يسئلون بيه ما اكدر اجاوبهم من الشهكه البصدري وگلبي احسه راح ينفجر ابعد بي حتى الزم گلبي ميخليني عباله راح اشرد لحد ما فتحت حلكي وكمت اسحب بالهوى عرفوني من گلبي رجعوني لسديه ورجعو الاجهزه ولتنفس وضربون ابره شويه شويه هدءت بس ما نمت كاعده اسمعهم يسولفون يمي عبالهم نايمه حسيتهم طلعو بقى بس وارث تقرب عليه يمسح بوجهي وحسيت جكجكه بوجهي عرفت لحيته باسني من جبيني ويذب حسرات ويلوم ما اعرف بمنو لزمت ايده عصرتها بس بدون ما افتح عيوني وبعد ما سيطرت على عيوني الدموع تنزل حاره يمسح بيهن ويبوس بعيوني استقرت حالتي ثاني يوم طلعت للبيت بقيت اسبوع ورجعلي نضري بس بهاي الفتره  هناء ابد ما تركتني بقت يمي هيه وجهالها تداوم مدرسه ترجع يمنه وحته زوجها علطول يجي يم وارث كل يوم بيوم الرجعت اشوف سجدت الله شكر بدت صحتي تتحسن بالعلاج رجعت نفسيتي للاكل وانام طبيعي الكوابيس ما تجيني هوايه وارث رجع يهتم بيه يجيبلي حلويات ويا بناته يسئلني على صحتي مايعرف هو علاجي مو حبوب وادويه الحجيه ماعافتني أكلي وأكلي ومن اطلع للحمام تدز واحد من الجهال يشوفني عبالها ارجع اسوي بنفسي شي سهام ما الها علاقه بيه ولا تقربتلي هناء رجعت البيتها من صرت زينه وسمعت برند زوجوها اهلها الواحد جبير بالعمر عقاب الها وعناد بحسام لان متعرضلهم مرتين  مكسر سيارت اخوها لان عارف بيها ضاربها بعد ما عرفو بي بعده يتواصل وياها وحتى دوامها مبطلينها من عنده خطيه كسرت خاطري لعنت ضرغام الف مره كوله من ورا دمرني ودمر حسام ورند بجيت عليهم ورا اسبوع كاعده اغسل بالگراج وجنت انتظر وارث يرجع وقت رجعته للبيت العصر سمعت صوت طلقات قريب على البيت ضليت واكفه بس اكو عصره بگلبي سمعت هوسه وعياط ودخل محمد يركض وكوله دم..........  للحكايه بقيه دمتم في حفظ الله ورعايته