“Isang malakas na paglindol ang yumayanig sa buong lupain ng North America sa kasalukuyan. Mahigit sampung minuto na ang lumilipas at patuloy pa rin sa pag-uga ang lupa. Maraming gusali at establisyimento na din ang nasira at maraming buhay na din ang nawala, gumuho din ang ilang bundok na naging sanhi ng pagkawala ng maraming tao na hindi pa natatagpuan hanggang ngayon”-BBC News.
“Tatlong malalaking bulkan ang namuo matapos yanigin ng 11.8 magnitude na lindol ang Hawaii, patuloy na may lumalabas na magma mula sa lupa na malapit sa bulkan,”-World News
“Sa bansang Indonesia at Brunei, nasa humigit kumulang tatlong libong mga bahay ang winasak ng 8 malalaking buhawi na kumitil din ng 10,000 mga katao. Ang iba sa kanilang natabunan ng mga nilipad na mga gamit ay patuloy pa ring pinaghahanap sa ngayon,” WWW News
“Malabundok na tsunami ang tumama sa buong syudad ng Tokyo, Japan. Tinatayang hindi bababa sa 50 metro ang taas ng alon na bumawi sa halos 100,000 buhay. Maraming indibidwal pa din ang sa ngayo’y patuloy na pinaghahanap ng awtoridad na pinaghahanap ng kanilang kaanak. Kasalukuyang nag-uumapaw pa din ang tubig sa buong lungsod,” TV Patrol
“Tinupok ng malakas na apoy ang halos 1,000 bahay sa kamaynilaan. Tinatayang nasa 15,000 na pamilya ang nawalan ng tirahan at 20,000 naman ang mga namatay. Hanggang ngayon ay hindi pa rin natutukoy ang naging sanhi ng sunog. Sa ngayon ay patuloy pa rin ang mga bombero sa dambuhalang apoy na patuloy pa rin ang pagtupok sa iilan pang kabahayan,” GMA News
Ang mga iyon ay iilan pa lamang sa mga sakunang nangyayari sa mundo sa kasalukuyan.
Araw ng Linggo, malaking dagok ang kinakaharap ng mundo ngayon.
Inaakala ng ilan na katapusan na ng mundo, na unti-unti nang nasusunod ang mga nakatala sa Bibliya, na ito na yung Apocalypse. Pero walang katotohanan ang mga iyon, puro mga haka haka lamang.
Sapagkat ang mga kakaibang pangyayari sa mundo ngayon ay senyales lamang ng pagsilang sa mga Elementals, ang mga nagsisilbing katauhan ng mga Elemento sa mundo.
Sila ba'y mga ipinagpala? O sila ang mga isinumpa?
Walang nakakaalam ng kanilang misyon, walang nakakaalam kung sino sila, walang nakakaalam kahit na sila mismo ay hindi alam ang kanilang katahuan.
Marami sila na naisilang mula sa iba’t ibang ina na nagkalat sa buong mundo, mula sila sa iba’t ibang lahi, iba’t ibang estado ng pamumuhay, iba’t ibang pananaw at ugali.
Ngunit may iisang nilalang na alam ang kanilang pagdating, ang Elementurion.
Isa siyang imortal na ipinanganak para buuin ang grupo ng mga Elementals.
Walang nakakaalam sa dahilan, at walang nakakaalam sa maaaring kalalabasan kapag ito’y nangyari na.
Ito ang kaniyang misyon, ang hanapin ang mga Elementals.
BINABASA MO ANG
The Elementals
FantasyInaakala ng ilan na katapusan na ng mundo, na unti-unti nang nasusunod ang mga nakatala sa Bibliya, na ito na yung Apocalypse. Pero walang katotohanan ang mga iyon, puro mga haka haka lamang. Sapagkat ang mga kakaibang pangyayari sa mundo ngayon ay...
