ابَـادة 12 شمعة

البَـارت 10 ظهور شخـصيه مَهـمه

بقلـم الكاتبـة: k. e
اثناء مروركم اتركو اثر يساعدني لشحن طاقتي ونسيان التعب تعليق لطيف يسعدني ويصنع سعادة ليومي

»----------------«
Part 10. 
»----------------«

مرت الأشهر وقرب دوام الجامعات لأن علي رجعني جامعة مدري شلون

بين محاوله تأقلمي الصعبه والاكتئاب الصابني بسبب اخر احداث تصير وياي
واضافه الدوله كلش ما تناسبني

يوم لحت عليه صديقتي التعرفت عليها بالشغل تبات عندي

تفاجأت لأن هنا صعب شخص يبات عند احد هيج محيطهم بسبب الحوادث والسرقه والخداع

بس گلت لا هي اعرفها صار اشهر ما طلع منها المو زين

بقينا كل الليل متونسين ومنا للصبح يلا نمت

كعدت ما لكيتها بس اكو ورقه كاتبه:
اني رايحه لبيتي ورجت بدون ما اكعدج لأن شفتج نايمه وما حبيت اسببلج ازعاج

مرت الأيام طبيعي وفد يوم چنت كاعده وتذكرت عندي گلاده من بيبي

هدتها الي بعيد ميلاد وبيها صورتي
دورت عليها بس انصدمت ماكو اني اول يوم سفرة شفتها موجوده بس هسه ماكو
گلبت البيت كله ماكو صار عندي هستيريه وين راحت؟ هاي اعز من روحي شلون اضيعها

تذكرت صديقتي من بقت عندي يمكن اخذتها لأن حتى مبلغ فلوسي بي نقص

اتصلت عليها

غيم: شوفي عندي كلاده هم شفتيها من اجيتي لبيتي كلش عزيزه عليه

-هااا ذيج الگلاده لا ما شفتها

-وشعرفج بيها ما حچيتلج عنها اني؟

-ها حسبالي وحده ثانيه

وطفت التلفون بوجهي

متت قهر عرفت هي البايكتها قررت اشتكي عليها بس المشكله ماكو دليل لهذا قررت اروح احجي وياها بهدوء اخذت مكان بيتها ورحت

-وصلت لمكان تبعان كلش ولمن دكيت الباب طلعتلي حالها مبهذل وملابسها تخزي اليشوفها بالشغل ما يكول هاي

-انطيني الكلاده بس ماريد الفلوس لا اشتكي عليج

-هههههه قشمر ولي منا يا گلاده بعتها خوش جابتلي فلوس ههههه

-انهاريت ضربتها او بالأحرى افترستها وهي تعد وتصفط اله تشتكي عليه

ما عفتها لمن شفتها جنازه خفت تموت عفتها وطلعت

عرفت راح تشتكي بس ما اهتميت ورحت ادور شكو محل اسئله بس ما حصلت شي

-وره ما نهد حيلي كعدت بحديقه قريبه على شقتي واني حتى دموعي ما ينزلن من القهر وصافنه يا حال وصلتله

ليش شكو شخص اثق بي هيج يسوي بيه
ليش اني ما استاهل؟

-بين ما كاعده اجو مجموعه شرطه عليه بسرعه عرفتهم